രോഗം പാരമ്പര്യ സമ്പാദ്യം

Wellness

oi-Saritha

By Veena

Published: Sunday, April 29, 2012, 13:31 [IST]

പല രോഗങ്ങളുടേയും കാരണം തിരഞ്ഞു പോവുകയാണെങ്കില്‍ ചെന്നെത്തി നില്‍ക്കുക പാരമ്പര്യം എന്ന വേരിലേക്കായിരിക്കും. പ്രമേഹം, ബിപി, കൊളസ്‌ട്രോള്‍, അലര്‍ജി, പൊണ്ണത്തടി തുടങ്ങി പല രോഗങ്ങള്‍ക്കും മിക്കവാറും കാരണം പാരമ്പര്യം തന്നെയായിരിക്കും.

മനുഷ്യന്റെ സ്വഭാവങ്ങള്‍ക്കും പ്രത്യേകതകള്‍ക്കും കാരണായ ജീന്‍ വഴി തന്നെയായിരിക്കും രോഗങ്ങളും അടുത്ത തലമുറകളിലേക്കു പകരുന്നത്. അച്ഛനില്‍ നിന്നും അമ്മയില്‍ നിന്നും തുല്യഎണ്ണം ജീനുകളായിരിക്കും മക്കള്‍ക്കും ലഭിക്കുക. അതായത് ഇരുകൂട്ടരുടെയും സ്വാഭാവ, ശാരീരിക സവിശേഷതകള്‍ കുട്ടികള്‍ക്കും ലഭിക്കും.

ജീനുകള്‍ക്ക് പ്രധാനമായും ഉണ്ടാകുന്ന മൂന്നു തരം വൈകല്യങ്ങളാണ് പാരമ്പര്യ രോഗങ്ങള്‍ക്ക് കാരണമാകുന്നത്. ഒരു ജീനില്‍ മാത്രമുണ്ടാകുന്ന വൈകല്യം അഥവാ സിംഗില്‍ ജീന്‍ മ്യൂട്ടേഷന്‍, സെക്‌സ് ജീനുകളില്‍ ഉണ്ടാകുന്ന വൈകല്യം, ജീനുകളിലെ വൈകല്യവും ചുറ്റുപാടുകല്‍ സ്വാധീനിക്കുമ്പോഴുണ്ടാകുന്ന പ്രശ്‌നങ്ങളും ചേര്‍ന്ന മള്‍ട്ടി ഫാക്ടോറിയന്‍ ജീന്‍ വൈകല്യങ്ങള്‍ എന്നിവയാണിവ.

ഇവയില്‍ ആദ്യ രണ്ടിനും ചികിത്സയില്ല. എന്നാല്‍ മൂന്നാമത്തേതിന് ഒരു പരിധി വരെ തടയിടാന്‍ കഴിയും. പാരമ്പര്യമായി രോഗങ്ങള്‍ ഉള്ളവര്‍ ഇത്തരം രോഗങ്ങള്‍ക്കുള്ള മുന്‍കരുതല്‍ നേരത്തെ തന്നെ കൈക്കൊണ്ടാല്‍ രോഗങ്ങള്‍ ഒരു പരിധി വരെ നിയന്ത്രിച്ചു നിര്‍ത്താന്‍ സാധിക്കും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.