എയര്‍ സിക്‌നസ് കുറയ്ക്കാന്‍ ചില വഴികള്‍

Wellness

oi-Saritha

By Veena

Published: Friday, April 27, 2012, 11:40 [IST]

വിമാനത്തില്‍ സഞ്ചരിക്കുമ്പോള്‍ ഉണ്ടാകുന്ന എയര്‍ സിക്‌നസ് പലരുടേയും പ്രശ്‌നമാണ്. ചെവി വേദനിക്കുക, തലവേദന, ഛര്‍ദി, വയറുവേദന തുടങ്ങിയവ എയര്‍ സിക്‌നസ് പ്രശ്‌നങ്ങളില്‍ പെടും. ഇത് പൂര്‍ണമായും ഒഴിവാക്കാന്‍ സാധിക്കില്ലെങ്കിലും കുറയ്ക്കാന്‍ ചില വഴികളുണ്ട്.

യാത്രയിലും യാത്രക്കു മുന്‍പും ഭക്ഷണം കുറച്ചു കഴിയ്ക്കുക. ഇത് ദഹനം എളുപ്പത്തിലാക്കാനും യാത്രയില്‍ വയറിന് വരുന്ന പ്രശ്‌നങ്ങള്‍ ഒഴിവാക്കാനും സഹായിക്കും.

ഒരേ കാര്യത്തെ പറ്റി തന്നെ കൂടുതല്‍ സമയം ചിന്തിക്കുമ്പോള്‍ ഈ പ്രശ്‌നം ഉണ്ടെന്നു തോന്നു. അസ്വസ്ഥത വരുമെന്ന തോന്നല്‍ ഒഴിവാക്കുക. ഇതുതന്നെ പല പ്രശ്‌നങ്ങളും ഒഴിവാക്കും.

വിമാനം പറന്നുയരുന്ന സമയത്തും ഇറങ്ങുന്ന സമയത്തും ചെവിയില്‍ പഞ്ഞി വയ്ക്കുക. ഇത് ചെവിവേദന കുറയ്ക്കാനും ചെവിയ്ക്കുണ്ടാകുന്ന അസ്വസ്ഥതകള്‍ ഒഴിവാക്കാനും സഹായിക്കും.

മൗത്ത് റിഫ്രഷണര്‍ വായിലിട്ട് ചവയ്ക്കുന്നതും ഗുണം ചെയ്യും. ചെവിയ്ക്കുണ്ടാകുന്ന അസ്വസ്ഥത ഒഴിവാക്കാനുള്ള നല്ലൊരു വഴിയാണിത്.

ഫ്‌ളൈറ്റിലാണെങ്കിലും ധാരാളം വെള്ളം കുടിയ്ക്കണം. പ്രത്യേകിച്ച് ടേക്ക്് ഓഫ്, ലാന്റിംഗ് സമയത്ത്. ഇതും എയര്‍ സിക്‌നസ് പ്രശ്‌നങ്ങള്‍ ഒഴിവാക്കാന്‍ നല്ലതാണ്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.