റിലാക്‌സ് ചെയ്യാന്‍ ചില വഴികള്‍

Wellness

oi-Saritha

By Veena

Published: Tuesday, April 24, 2012, 16:09 [IST]

ടെന്‍ഷന്‍ വരുത്തി വയ്്ക്കാത്ത അസുഖങ്ങളില്ലെന്നു പറയാം. ഇതിനുള്ള മരുന്നാണ് റിലാക്‌സ് എന്ന വാക്ക്. തിരക്കു പിടിച്ച ഇന്നത്തെ ജീവിതത്തില്‍ റിലാക്‌സ് ചെയ്യാനാണ് ആര്‍ക്കും സമയമില്ലാത്തതും. ഇതിനുള്ള ചില വഴികള്‍ നോക്കൂ,

ചിരിക്കുന്നതാണ് റിലാക്‌സ് ചെയ്യാനുള്ള പ്രധാന മാര്‍ഗങ്ങളിലൊന്ന്. മനസു തുറന്ന് ചിരിച്ചു നോക്കൂ. മനസിനു മാത്രമല്ലാ, സൗന്ദര്യത്തിലും ഇത് ഗുണം ചെയ്യും. എപ്പോഴും മസില്‍ പിടിച്ച് ടെന്‍ഷനും ഉള്ളില്‍ കൊണ്ട് നടക്കേണ്ട കാര്യവുമില്ലല്ലോ.

വ്യായാമം റിലാക്‌സ് ചെയ്യാനുള്ള മാര്‍ഗങ്ങളിലൊന്നാണ്. ശരീരത്തിന്റെ ആരോഗ്യത്തിനു മാത്രമല്ലാ, മാനസിക ആരോഗ്യത്തിനും ഇത് വളരെ ഗുണം ചെയ്യും. ജിം, നീന്തുക, നടക്കുക, ഓടുക തുടങ്ങിയ ധാരാളം വ്യായാമങ്ങളുണ്ട്.

ദീര്‍ഘമായി ശ്വസിക്കുകയും നിശ്വസിക്കുകയും ചെയ്യുന്നത് റിലാക്‌സ് ചെയ്യുന്നതിനുള്ള നല്ലൊരു വഴിയാണ്. യോഗ ചെയ്യുന്നത് റിലാക്‌സ് ചെയ്യാന്‍ സഹായിക്കുമെന്ന് പറയുന്നതിന്റെ കാരണവും ഇതുതന്നെ.

നല്ല ചിന്തകള്‍ എപ്പോഴും മനസിന് ആശ്വാസം നല്‍കും. പിരിമുറുക്കങ്ങളകറ്റും. ഇത് പൊസറ്റീവ് എനര്‍ജി ശരീരത്തിന് നല്‍കുകയും ചെയ്യും.

പാട്ട്, ഡാന്‍സ് തുടങ്ങിയവ മനസിനെ റിലാക്‌സ് ചെയ്യിപ്പിക്കുന്നതിനുള്ള നല്ല വഴികളാണ്. ഇഷ്ടമുള്ള ഏതു വിനോദങ്ങളും പിരമുറുക്കം കുറയ്ക്കും. നാം ഒരു പ്രവൃത്തി ചെയ്യുമ്പോള്‍ അതില്‍ മനസ് അറിയാതെ തന്നെ കേന്ദ്രീകരിക്കപ്പെടും. ഇത് ടെന്‍ഷനും മറ്റു ചിന്തകളും അകറ്റി റിലാക്‌സ് ചെയ്യാന്‍ അവസരമുണ്ടാക്കും.

റിലാക്‌സ് ചെയ്യാനുള്ള നല്ലൊരു വഴിയാണ് എണ്ണ തേച്ചു കുളി. വിശാലമായി ഒന്നു കുളിച്ചു നോക്കൂ, ശരീരത്തിനൊപ്പം മനസിനും സുഖം ലഭിക്കും.

നല്ലപോലെ ഒന്നുറങ്ങിയാല്‍ ടെന്‍ഷന്‍ മാറുമെന്ന് പറയുന്ന കേട്ടിട്ടില്ലേ. റിലാക്‌സ് ചെയ്യാനും ക്ഷീണം മാറാനുമുള്ള നല്ലൊരു വഴിയാണ് ഇത്.

ഏതു തെരഞ്ഞെടുക്കണമെന്ന് ഓരോരുത്തരേയും ആശ്രയിച്ചിരിക്കും. റിലാക്‌സ് എന്ന വാക്കിന് അര്‍ത്ഥമുണ്ടാകണമെന്നു മാത്രം.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.