മസില്‍ കയറുന്നതിന് പരിഹാരം

കാലില്‍ മസില്‍ കയറുമ്പോള്‍ കാല് വേഗത്തില്‍ ചലിപ്പിച്ചു കൊണ്ടിരിക്കുകയാണ് ഒരു മാര്‍ഗം. തനിയെ കാല്‍ ചലിപ്പിക്കാന്‍ കഴിയാതെ വരികയാണെങ്കില്‍ കൈകള്‍ കൊണ്ട് കാലുകള്‍ ചലിപ്പിക്കുക. വേദന കുറയുന്നതു വരെ തുടര്‍ച്ചയായി ഇങ്ങനെ ചെയ്യണം.

എണ്ണയിട്ടു മസാജ് ചെയ്യുന്നതും വളരെ നല്ലതാണ്. വിരല്‍ത്തുമ്പില്‍ എണ്ണയെടുത്ത് മസാജ് ചെയ്യുക. ഇതിന് ശേഷം കാലുകള്‍ പതുക്കെ ചലിപ്പിച്ചു കൊണ്ടിരിക്കുക.

കിടക്കുന്ന രീതി വളരെ പ്രധാനമാണ്. ശരിയായ രീതിയില്‍ കിടക്കാതിരുന്നാലും മസില്‍ കയറി വേദനയനുഭവപ്പെടാന്‍ സാധ്യതയുണ്ട്. ഉറങ്ങുമ്പോള്‍, കാലിന് ഒരു തലയിണയുടെ സപ്പോര്‍ട്ട് കൊടുക്കുന്നത് ഗുണം ചെയ്യും.

രാത്രി കിടക്കുമ്പോള്‍ അയഞ്ഞ വസ്ത്രങ്ങള്‍ ധരിക്കുക. ഇത് രക്തപ്രവാഹത്തിന് തടസമുണ്ടാക്കുന്നില്ല. അതുകൊണ്ടുതന്നെ മസില്‍ കയറുന്നതും കുറയും.

ഉറങ്ങാനായി കിടക്കുമ്പോള്‍ അല്‍പനേരം കാലുകള്‍ കട്ടിലില്‍ നിന്ന് താഴേയ്ക്കായി തൂക്കിയിടുക. പിന്നീട് സാധാരണ രീതിയില്‍ കിടക്കാം. മസില്‍ വേദന കുറയ്ക്കാന്‍ ഇതും നല്ലൊരു വഴിയാണ്.

ശരീരത്തിലെ ജലാംശം കുറയുന്നതും മസില്‍ കയറാന്‍ ഇട വരുത്തും. നല്ലപോലെ വെള്ളം കുടിയ്ക്കുക. ഇതുകൊണ്ട് രക്തപ്രവാഹം ശരിയായി നടക്കും. കാപ്പി, മദ്യം, കോള തുടങ്ങിയ പാനീയങ്ങള്‍ ശരീരത്തിലെ ജലാംശം കുറയ്ക്കും. ഇവ കഴിവതും ഒഴിവാക്കുകയോ കുറയ്ക്കുകയോ ചെയ്യുന്നതും ഗുണം ചെയ്യും.

മസില്‍ കയറുന്നതും വേണമെങ്കില്‍ ആരോഗ്യ പ്രശ്‌നമായി എടുക്കാം. കാലിനുള്ള വ്യായാമങ്ങള്‍ ചെയ്യുന്നതും നല്ലതാണ്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.