നീന്തി ടെന്‍ഷനകറ്റാം

Wellness

oi-Saritha

By Veena

Published: Thursday, April 19, 2012, 14:06 [IST]

വ്യായാമങ്ങളില്‍ നീന്തലിന് ഒന്നാം സ്ഥാനം വേണമെങ്കില്‍ കൊടുക്കാം. കാരണം എല്ലാ ശരീര ഭാഗങ്ങള്‍ക്കും ഒരുപോലെ ചേരുന്ന വ്യായാമമാണിത്. തടി കുറയാനും ശരീരത്തിന് നല്ല ആകൃതി നല്‍കാനും ഈ വ്യായാമം സഹായിക്കും.

മസിലുകളുടെ ആരോഗ്യം വര്‍ദ്ധിപ്പിക്കുന്നതിനുള്ള നല്ലൊരു വഴിയാണ് നീന്തുന്നത്. കൈകാലുകളിലേയും ശരീരഭാഗങ്ങളിലേയും മസിലുകള്‍ക്ക് നീന്തുന്നതു വഴി ബലവും ഉറപ്പും ലഭിക്കും. നെഞ്ച്, തുട, പുറക് എന്നീ ഭാഗങ്ങളിലെ മസിലുകള്‍ക്ക് ചേര്‍ന്ന വ്യായാമമാണിത്. ഇവയ്ക്കായി മാത്രമുള്ള വ്യായാമം ജിമ്മുകളില്‍ പോലും സാധാരണ ലഭ്യമല്ല.

ശരീരത്തിന് വഴക്കമില്ലാത്തതാണ് പലരുടേയും പ്രശ്‌നം. അല്‍പം കഴിയുമ്പോള്‍ ഗുരുതരമായ ശാരീരിക പ്രശ്‌നങ്ങള്‍ ഇത് വരുത്തി വയ്ക്കും. നാം ആഗ്രഹിക്കുന്നിടത്ത് നമ്മുടെ ശരീരമെത്താത്തതും വിചാരിച്ച രീതിയില്‍ ശരീരഭാഗങ്ങള്‍ ചലിപ്പിക്കാന്‍ കഴിയാത്തതും ഈ വഴക്കക്കുറവിന്റെ പ്രശ്‌നമാണ്. നീന്തല്‍ ഇതിനുള്ള നല്ലൊരു പ്രതിവിധിയാണ്. ഇത് കയ്യ്, കാല്‍, കഴുത്ത് തുടങ്ങിയ എല്ലാ ഭാഗങ്ങള്‍ക്കും വഴക്കം നല്‍കും.

ടെന്‍ഷനകറ്റാനും ഏകാഗ്രത നേടാനുമുള്ള നല്ലൊരു വ്യായാമമാണ് നീന്തല്‍. ഇതു ചെയ്യുമ്പോള്‍ ശരീരം മാത്രമല്ലാ, മനസും കേന്ദ്രീകരിക്കേണ്ടത് അത്യാവശ്യമാണ്. മറ്റു കാര്യങ്ങളാലോചിച്ച് ടെന്‍ഷനടിക്കാനുള്ള സമയം കിട്ടുകയുമില്ല. മനസ് ഒന്നിലേക്കു മാത്രം കേന്ദ്രീകരിക്കാനുള്ള കഴിവ് ലഭിക്കുകയും ചെയ്യും.

ശരീരത്തിന്റെ എല്ലാ ഭാഗങ്ങളിലുമുള്ള കൊഴുപ്പു മാറ്റാന്‍ പറ്റിയ വ്യായാമം കൂടിയാണിത്. ഹൃദയത്തിന്റെ ആരോഗ്യത്തിനും ചേര്‍ന്ന വ്യായാമം.

:

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.