മെനോപോസും ലൈംഗികമരവിപ്പിന് കാരണം

ചിലര്‍ക്ക് ആര്‍ത്തവശേഷം സെക്‌സ് വേദനാജനകമാകാറുണ്ട്. ചിലര്‍ക്കാവട്ടെ, മെനോപോസിനോട് അസുബന്ധമായി വരുന്ന ഡിപ്രഷന്‍ ലൈംഗികതാല്‍പര്യക്കുറവ് വരുത്താറുണ്ട്. പ്രത്യേക കാരണങ്ങളില്ലാതെ ആര്‍ത്തവവിരാമത്തോടെ സെക്‌സ് വേണ്ട എന്നു തീരുമാനിക്കുന്നവരുമുണ്ട്. ഇത്തരം കാരണങ്ങളും ഫ്രിഡിജിറ്റിക്കു വഴി വച്ചേക്കാം.

ലൈംഗിക മരവിപ്പു മാറ്റിയെടുക്കാവുന്ന അവസ്ഥയാണ്. മരുന്നിനേക്കാളേറെ സമീപനം കൂടുതല്‍ ഗുണം ചെയ്യുന്ന രോഗാവസ്ഥ. ഇതിന് പരമപ്രധാനം ദമ്പതികള്‍ തമ്മിലുള്ള ആത്മബന്ധം തന്നെയാണ്.

ഊഷ്മളമായ ഒരു ബന്ധത്തിലേ സെക്‌സിന്റെ ആവശ്യം സ്ത്രീക്കു തോന്നുകയുള്ളൂ. ഇത് സ്ത്രീ പുരുഷ വ്യത്യാസങ്ങളില്‍ പ്രധാനവുമാണ്. പ്രായമോ അവസ്ഥകളോ ഒന്നും സെക്‌സിന് തടസമല്ലെന്ന തോന്നല്‍, അതിന്റെ പ്രാധാന്യം, സ്ത്രീക്കു മനസിലാക്കിയെടുക്കാന്‍ സാധിക്കണം. മനസിലാക്കിക്കൊടുക്കാന്‍ പങ്കാളിക്കും.

ശാരീരിക അസ്വസ്ഥകളും രോഗങ്ങളുമാണ് കാരണമെങ്കിലും ഡോക്ടറുടെ സഹായം തേടാം. കെഗെല്‍ വ്യായാമങ്ങള്‍ പരിശീലിക്കുന്നത് സെക്‌സിന് സഹായകമാകും.

ദമ്പതികള്‍ മനസു കൊണ്ട് ഒന്നായിരിക്കേണ്ടത് നല്ല സെക്‌സിനും പ്രധാനമാണ്. മനസു കൊണ്ട് ഇരു കരയിലാണെങ്കില്‍ വെറുമൊരു അനുഷ്ഠാനം മാത്രമായി സെക്‌സ് മാറും. കാലക്രമേണ ഇരുകൂട്ടര്‍ക്കും മടുപ്പനുഭവപ്പെടുകയും ചെയ്യും.

മുന്‍പേജില്‍

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.