വയര്‍ കുറയ്ക്കാം, ഒരാഴ്ച കൊണ്ട്

ആഴ്ചയില്‍ മൂന്നു ദിവസമെങ്കിലും വ്യായാമം ചെയ്താലേ വയര്‍ കുറയാന്‍ സാധ്യതയുള്ളൂ. വ്യായാമം ചെയ്യുമ്പോള്‍ അത് വയറിന് വേണ്ടി മാത്രമാകരുത്. മുഴുവന്‍ ശരീരത്തിന് വേണ്ടിയും വ്യായാമം ചെയ്യണം. പുഷ് അപ്, പുള്‍ അപ് തുടങ്ങിയ വ്യായാമങ്ങള്‍ വയറു കുറയ്ക്കാന്‍ സഹായിക്കുന്നവയാണ്. ഒരു വ്യായാമം ചെയ്ത് അധികം ഇടവേളയില്ലാതെ അടുത്ത വ്യായാമം ചെയ്യുകയും വേണം. ഇതുവഴി 500 മുതില്‍ 600 കലോറി വരെ വയറിലെ കൊഴുപ്പ് ഒരാഴ്ചക്കുള്ളില്‍ കുറയ്ക്കുവാന്‍ സാധിക്കും.

വയറിലെ മസിലുകള്‍ക്കുതകുന്ന വ്യായാമം ചെയ്യണം. ക്രഞ്ചസ് വ്യായാമങ്ങളും ലെഗ് എക്‌സര്‍സൈസുകളും 20 തവണയെങ്കിലും ആവര്‍ത്തിച്ചു ചെയ്യണം. ശരീരം പുഷ് അപ് പൊസിഷനുകളില്‍ പിടിച്ചിട്ടുള്ള പ്ലാങ്ക്‌സ് വ്യായാമങ്ങളും ചെയ്യുക.

ഭക്ഷണം വളരെ പ്രധാനം. മധുരവും കൊഴുപ്പും കലര്‍ന്ന ഭക്ഷണങ്ങള്‍ കഴിവതും ഒഴിവാക്കുക. പച്ചക്കറികള്‍, ഫലവര്‍ഗങ്ങള്‍, തവിടു കളയാത്ത ധാന്യങ്ങള്‍ എന്നിവ കൂടുതല്‍ കഴിയ്ക്കാം. ആവശ്യത്തിന് മാത്രം ആഹാരം കഴിയ്ക്കുക. പായ്്ക്കറ്റിലെ ഭക്ഷണങ്ങള്‍ കഴിവതും ഒഴിവാക്കുക.

ശരീരത്തില്‍ വെള്ളം കെട്ടി നില്‍ക്കുന്ന അവസ്ഥയും വയര്‍ കൂടാന്‍ കാരണമാകും. ഉപ്പു കുറയ്‌ക്കേണ്ടത് ഇതിന് അത്യാവശ്യമാണ്. സോഡിയത്തിന്റെ അളവ് കൂടിയാല്‍ ശരീരത്തില്‍ വെള്ളം കെട്ടിനില്‍ക്കും.

ടെന്‍ഷനും സ്‌ട്രെസുമെല്ലാം കോര്‍ട്ടിസോള്‍ എന്ന ഹോര്‍മോണിന്റെ ഉല്‍പാദനത്തിന് കാരണമാകും. ഇത് വയറിലെ കൊഴുപ്പ് അധികമാക്കാനും ഇടവരുത്തും. ഇത്തരം വികാരങ്ങള്‍ ഒഴിവാക്കുന്നതാണ് മൊത്തത്തിലുള്ള ആരോഗ്യത്തിനും നല്ലത്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.