ഭക്ഷണം കഴിച്ചും വായ്പ്പുണ്ണ് മാറ്റാം

Wellness

oi-Saritha

By Veena

Published: Thursday, March 22, 2012, 12:04 [IST]

വായ്പ്പുണ്ണ് അഥവാ മൗത്ത് അള്‍സര്‍ ജീവിതകാലം മുഴുവന്‍ പിന്‍തുടരുന്ന രോഗമാണെന്നു പറയും. ഇതിന് ഒരു സ്ഥിരം പരിഹാരമില്ലെങ്കിലും ചില ഭക്ഷണങ്ങള്‍ മൗത്ത് അള്‍സര്‍ വരാതിരിക്കുവാന്‍ സഹായിക്കും.

വൈറ്റമിന്‍ ബിയുടെ കുറവാണ് പ്രധാനമായും ഈ പ്രശ്‌നമുണ്ടാക്കുന്നതെന്നു വേണമെങ്കില്‍ പറയാം. വൈറ്റമിന്‍ ബി ഗുളികകളോ ഇവയടങ്ങിയ ഭക്ഷണങ്ങളോ കഴിക്കുക. കക്ക, മീന്‍മുട്ട, സോയാ മില്‍ക്, കഞ്ഞിവെള്ളം എന്നിവ മൗത്ത് അള്‍സര്‍ ഒഴിവാക്കാന്‍ സഹായിക്കുന്ന ഭക്ഷണങ്ങളാണ്.

അയേണ്‍ അടങ്ങിയ ചീര, ബീഫ്, ചിക്കന്‍ ലിവര്‍, ടര്‍ക്കിയിറച്ചി, എള്ള്, മത്തങ്ങ, ഉരുളക്കിഴങ്ങ്, ബ്രൊക്കോളി തുടങ്ങിയവയും വായ്പ്പുണ്ണിന് പരിഹാരമാകുന്ന ഭക്ഷണങ്ങളാണ്.

ഫോളിക് ആസിഡിന്റെ കുറവ് വായ്പ്പുണ്ണിന് കാരണമാകാറുണ്ട്. ചീര, ശതാവരി, ലെറ്റൂസ്, ഗ്രീന്‍പീസ്, ടര്‍ണിപ് തുടങ്ങിയവ ഫോളിക് ആസിഡ് അടങ്ങിയ ഭക്ഷണങ്ങളാണ്.

കരിക്കിന്‍ വെള്ളം കുടിയ്ക്കുന്നത് വായ്പ്പുണ്ണിന് നല്ലൊരു പരിഹാരമാര്‍ഗമാണ്.

ഓറഞ്ച്, ചെറുനാരങ്ങ, പൈനാപ്പിള്‍, പഴം തുടങ്ങിയവ മൗത്ത് അള്‍സര്‍ മാറാനും വരാതിരിക്കാനും സഹായിക്കുന്ന ചില ഭക്ഷണങ്ങളാണ്.

വായ്പുണ്ണുള്ളവര്‍ ഇത്തരം ആഹാരക്രമങ്ങള്‍ പാലിയ്ക്കുന്നത് അസുഖം ഒരു പരിധി വരെയെങ്കിലും ഒഴിവാക്കാന്‍ സഹായിക്കും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.