വായ്പ്പുണ്ണ്, കാരണവും പരിഹാരവും

വായ്പ്പുണ്ണിന് കാരണങ്ങള്‍ പലതുണ്ട്. വൈറ്റമിന്‍ ബി കോംപ്ലക്‌സ്, ഫോളിക് ആസിഡ് എന്നിവയുടെ കുറവ് കാരണം വായ്പ്പുണ്ണു വരാം. ഭക്ഷണത്തിലെ അധികം മസാല, വയറ്റിലെ അസിഡിറ്റി, ടൂത്ത് പേസ്റ്റ് അലര്‍ജി, പുകവലി, പ്രതിരോധശേഷിക്കുറവ് എന്നിവ ചില കാരണങ്ങളാണ്. ഇവയ്ക്കു പുറമെ വായ വൃത്തിയാക്കാത്തതും സ്ത്രീകളില്‍ ക്രമരഹിതമായ ആര്‍ത്തവവും വായ്പ്പുണ്ണിന് കാരണമാകാറുണ്ട്.

ഇതിനുള്ള പരിഹാരമാര്‍ഗങ്ങളില്‍ പ്രധാനം മസാല കലര്‍ന്ന ഭക്ഷണം കുറയ്ക്കുകയെന്നതാണ്. ഇതുവഴി അസിഡിറ്റിയും കുറയും. ധാരാളം വെള്ളം കുടിയ്ക്കണം, കരിക്കിന്‍ വെള്ളം, തൈര് എന്നിവ കഴിയ്്ക്കുന്നത് നല്ലതാണ്. ഇവ അസിഡിറ്റിയും കുറയ്ക്കും.

വായ വൃത്തിയാക്കി വയ്ക്കണം. സ്ഥിരം ഒരു ടൂത്ത്‌പേസ്റ്റു തന്നെ ഉപയോഗിക്കുന്നതാണ് മൗത് അള്‍സറുള്ളവര്‍ക്ക് നല്ലത്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.