ഇറുകിയ ജീന്‍സ് ആരോഗ്യപ്രശ്‌നങ്ങളുണ്ടാക്കും

Wellness

oi-Saritha

By Veena

Published: Thursday, February 23, 2012, 14:09 [IST]

ആണ്‍പെണ്‍ഭേദമില്ലാതെ എല്ലാവരും ജീന്‍സില്‍ കയറിയിറങ്ങുന്ന കാലമാണിത്. എന്നാല്‍ ഇറുകിയ ജീന്‍സും, എന്തിന് ബെല്‍റ്റ്, ടൈ തുടങ്ങിയവ പോലും ആരോഗ്യപ്രശ്‌നങ്ങളുണ്ടാക്കുന്നുവെന്ന് റിപ്പോര്‍ട്ട്. വാള്‍സ്ട്രീറ്റ് ജേര്‍ണലിലാണ് ഇത് പ്രസിദ്ധപ്പെടുത്തിയിരിക്കുന്നത്.

പുരുഷന്മാരില്‍, പ്രത്യേകിച്ച് മധ്യവയസ്‌കരില്‍ ഇറുകിയ ജീന്‍സിടുന്നത് നെഞ്ചെരിച്ചില്‍ പോലുള്ള പ്രശ്‌നങ്ങളും വയറിന് പ്രശ്‌നങ്ങളും ഉണ്ടാക്കുന്നതായി പറയുന്നു. കഴുത്തില്‍ കെട്ടുന്ന ടൈയാകട്ടെ, രക്തധമനികളെ ഇറുക്കുകയും അതുവഴി തലച്ചോറിലേക്കുള്ള രക്തപ്രവാരം കുറയ്ക്കുകയും ചെയ്യും. ഇത് ഗ്ലൂക്കോമ തുടങ്ങിയ കാഴ്ചപ്രശ്‌നങ്ങളുണ്ടാക്കും. ബെല്‍റ്റ് ഇറുക്കി ധരിക്കുന്നതും ഇത്തരം പ്രശ്‌നങ്ങളുണ്ടാക്കും.

ചെറിയ കുട്ടികളെ ഇറുകിയ സോക്‌സും ബേബി സോക്‌സും ധരിപ്പിക്കുന്നതും രക്തപ്രവാഹത്തിന് തടസമുണ്ടാക്കുകയും കാലില്‍ ഒരിക്കലും മായാത്ത പാടുകള്‍ ഉണ്ടാക്കുകയും ചെയ്യും.

ഹൈഹീല്‍ സ്ത്രീകള്‍ക്ക് നല്ലതല്ലെന്നും റിപ്പോര്‍ട്ടില്‍ പരാമര്‍ശമുണ്ട്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.