കൂര്‍ക്കംവലിക്കു പുറകിലെ കാരണങ്ങള്‍

Wellness

oi-Saritha

By Veena

Published: Friday, February 17, 2012, 15:27 [IST]

കൂര്‍ക്കംവലി പലരുടെയും ഉറക്കം കെടുത്തുന്നു ഒരു പ്രശ്‌നമാണ്. അമിതമായി കൂര്‍ക്കം വലിക്കുന്നവര്‍ക്ക് ചിലപ്പോഴെങ്കിലും മറ്റുള്ളവരുടെ പരിഹാസവും സഹിക്കേണ്ടി വരാറുണ്ട്. വിവാഹമോചനത്തിന് വരെ കൂര്‍ക്കംവലി കാരണമായതായി വാര്‍ത്തകളുമുണ്ട്.

കിടക്കുന്ന പൊസിഷന്‍ ശ്രദ്ധിച്ചാല്‍ ഒരു പരിധി വരെ കൂര്‍ക്കം വലി ഒഴിവാക്കാന്‍ സാധിക്കും. മലര്‍ന്നു കിടന്ന് ഉറങ്ങുന്നത് കൂര്‍ക്കംവലിക്ക് അനുകൂലമായ പൊസിഷനാണ്. അതുകൊണ്ട് വശംതിരിഞ്ഞു കിടന്ന് ഉറങ്ങാന്‍ ശ്രദ്ധിക്കുക.

അമിതവണ്ണവും കൂര്‍ക്കം വലിക്ക് ഒരു കാരണമാണ്. വണ്ണം കൂടുമ്പോള്‍ കഴുത്തിലെ മസിലുകള്‍ക്ക് കൂടുതല്‍ സമ്മര്‍ദമുണ്ടാകും. ഇത് കൂര്‍ക്കം വലി കൂട്ടുകയും ചെയ്യും.

പുകവലി, മദ്യപാനം എന്നിവ കൂര്‍ക്കംവലിക്കു കൂട്ടു നില്‍ക്കുന്ന ശീലങ്ങളാണ്. ഇവ രണ്ടും കഴുത്തിലെ മസിലുകളെ കൂടുതല്‍ അയവുള്ളതാക്കും. ഇതിന്റെ ഫലമായി ശബ്ദം നിയന്ത്രിക്കാനും ബുദ്ധിമുട്ടുണ്ടാകും.

മൂക്കടപ്പും വായ തുറന്നുറങ്ങുന്ന ശീലവും കൂര്‍ക്കംവലിക്കുള്ള രണ്ടു കാരണങ്ങളാണ്. മൂക്കിലൂടെ ശ്വാസം പോകാതാകുമ്പോള്‍ വായ തുറന്നുറങ്ങുന്നത് സ്വാഭാവികം. ഇത് കൂര്‍ക്കം വലിയുടെ ആക്കം കൂട്ടുന്നു.

തലയിണകളില്‍ പൊടിയുണ്ടെങ്കില്‍ ഇത് കാരണമുള്ള അലര്‍ജിയും കൂര്‍ക്കംവലിക്കു കാരണമാകുന്നു.

ശരീരത്തിലെ ജലാംശം കുറഞ്ഞാലും കൂര്‍ക്കംവലിക്കാനുള്ള പ്രേരണയുണ്ടാകും. വെള്ളം കുറയുമ്പോള്‍ ശരീരത്തിലെയും മൂക്കിലേയും ഈര്‍പ്പം കുറയുന്നു. ഇതു കാരണം ശ്വാസോച്ഛാസം ബുദ്ധിമുട്ടാകുകയും ഇത് കൂര്‍ക്കം വലിക്കു കാരണമാകുകയും ചെയ്യും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.