കൊഴുപ്പില്ലാത്ത ഭക്ഷണങ്ങള്‍

Wellness

oi-Saritha

By Veena

Published: Saturday, February 18, 2012, 14:19 [IST]

കൊഴുപ്പ് ആരോഗ്യത്തെ തന്നെ പ്രതിസന്ധിയിലാക്കുന്ന ഒരു പ്രശ്‌നമാണ്. പ്രത്യേകിച്ചും മസില്‍ വിരിച്ചു നടക്കാന്‍ ആഗ്രഹിക്കുന്ന ആണുങ്ങള്‍ക്ക്. മസില്‍ വേണമെങ്കില്‍ ഭക്ഷണവും കഴിക്കണം. ഇത് കൊഴുപ്പേറ്റിയാല്‍ അതിലേറെ പ്രശ്‌നം. എന്തു ചെയ്യും.

പോംവഴി ഒന്നേയുള്ളൂ, കൊഴുപ്പുണ്ടാക്കാത്ത ഭക്ഷണങ്ങള്‍ തെരഞ്ഞു കഴിയ്ക്കണം. എന്നാല്‍ പോഷണം കുറയുകയുമരുത്. ഇത്തരം ഭക്ഷണങ്ങളുണ്ട്. പറഞ്ഞുതരാം.

മുട്ട പ്രോട്ടീന്‍ നല്‍കും, തടി കൂട്ടുകയുമില്ല. വൈറ്റമിന്‍ ബി12, ധാതുക്കള്‍, അയേണ്‍, കാല്‍സ്യം തുടങ്ങിയ പോഷകഗുണങ്ങള്‍ ധാരാളമുണ്ടുതാനും. പുഴുങ്ങിയ മുട്ടക്ക് പോഷകഗുണം ഏറും.

നോണ്‍ വെജ് കഴിയ്ക്കണമെങ്കില്‍ ചിക്കന്‍ വേണമെന്നു നിര്‍ബന്ധമുണ്ടോ, മീനായാലും പോരേ. മീനില്‍ കൊഴുപ്പില്ലെന്നു മാത്രമല്ല, ഒമേഗ ത്രീ ഫാറ്റി ആസിഡ് അടക്കമുള്ള നിരവധി പോഷകങ്ങളുണ്ടുതാനും. മസില്‍ ബലത്തിന് മത്സ്യം വളരെ നല്ലതാണ്.

നല്ല ആരോഗ്യത്തിന് ചായ, കാപ്പി ശീലങ്ങള്‍ ഉപേക്ഷിക്കുന്നതാണ് നല്ലത്. പകരം ഗ്രീന്‍ ടീ ആക്കാം. ഇതിലെ ആന്റി ഓക്‌സിഡന്റുകള്‍ ആരോഗ്യത്തിന് വളരെ നല്ലതാണ്.

ധാന്യങ്ങള്‍ കഴിയ്ക്കുമ്പോള്‍ തവിട് കളയാത്തവ തെരഞ്ഞെടുത്തു കഴിയ്ക്കുക. ഗോതമ്പ്, ചുവന്ന അരി എന്നിവ നല്ലതാണ്. ഓട്‌സ് പ്രത്യേകിച്ചും.

പാലും പാലുല്‍പന്നങ്ങളും കഴിയ്‌ക്കേണ്ടത് ആരോഗ്യത്തിന് അത്യാവശ്യം തന്നെ. എന്നാല്‍ കൊഴുപ്പു കുറഞ്ഞവ ഉപയോഗിക്കണം. കൊഴുപ്പില്ലാത്ത പാല്‍ വിപണിയില്‍ ലഭ്യമാണ്.

പച്ചക്കറികളും ഫലവര്‍ഗങ്ങളും കൊഴുപ്പടങ്ങിയിട്ടുള്ളവയല്ല. ഇവ ആരോഗ്യത്തിനാകട്ടെ, ഏറെ നല്ലതും. ഇവ രണ്ടും ധാരാളം കഴിയ്ക്കണം.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.