Click it and Unblock the Notifications
Latest Updates
-
Rashiphalam: മാറ്റങ്ങള്ക്ക് തുടര്ച്ചയായി ഇന്നത്തെ രാശിഫലം: 12 രാശിക്കാര്ക്കും സമ്പൂര്ണം സമഗ്രം -
വനിതാദിനം 2026: പോരാട്ടങ്ങളുടെ വര്ഷങ്ങള്, തുല്യതക്ക് വേണ്ടിയുള്ള പോരാട്ടം, ചര്ച്ച ചെയ്യപ്പെടേണ്ടത് ഇതെല്ലാം -
40 ദിനത്തോളം ശനി അസ്തമയത്തില്: മാര്ച്ച് 13 മുതല് മീനം രാശിയിലേക്ക്, അതിഗംഭീര മാറ്റങ്ങള് നല്കുന്ന 3 രാശി -
വനിതാ ദിനം 2026: നിസ്സാരമല്ല സ്ത്രീകളുടെ ആരോഗ്യം പ്രത്യേകിച്ച് 30-കളില് ഈ പരിശോധനകള് നിര്ബന്ധം -
വനിതാദിനം 2026: പ്രിയപ്പെട്ടവരെ അഭിനന്ദിക്കാം, ആശംസകള് അറിയിക്കാം: വനിതാദിനാശംസകള് -
കാത്തിരിക്കുന്നത് മികച്ച അവസരങ്ങള്, മാര്ച്ച് രണ്ടാംവാരത്തില് ഇവര് മുന്പില് സമ്പൂര്ണ വാരഫലം 12 രാശിക്കും -
'സ്ത്രീഹൃദയ'ത്തെ നിസാരമായിക്കാണരുത്: സ്ത്രീകളിലെ ഹൃദ്രോഗം, ലക്ഷണം, കാരണം, പരിഹാരം -
മേടം, മിഥുനം ഉള്പ്പടെ മാര്ച്ച് രണ്ടാം വാരത്തിലെ ഭാഗ്യ രാശിക്കാര്: കരിയര്, ധനം, ജോലി എല്ലാം ഭാഗ്യക്കൊടുമുടി -
Rashiphalam: ആഴ്ചയവസാനത്തില് 12 രാശിക്കാര്ക്കും ഫലങ്ങള് ഇപ്രകാരം, സമ്പൂര്ണം, സമഗ്രം അറിയാം ഇക്കാര്യങ്ങള് -
Rashiphalam: ഇന്നത്തെ ദിവസം നിങ്ങളാഗ്രഹിക്കുന്നത് പോലെ, അറിയാം 12 രാശിക്കാര്ക്കും സമ്പൂര്ണഫലം
നിശ്ശബ്ദ കൊലയാളി; രക്തസമ്മര്ദ്ദം പെട്ടെന്ന് ഉയരുന്നത് അപകടം; ഈ 6 കാരണം ശ്രദ്ധിക്കണം
ഹൃദ്രോഗത്തിനുള്ള പ്രധാന അപകട ഘടകങ്ങളിലൊന്നാണ് ഉയര്ന്ന രക്തസമ്മര്ദ്ദം. ധമനികളിലെ രക്തത്തിന്റെ മര്ദ്ദം ഗണ്യമായി വര്ദ്ധിക്കുന്ന ഒരു അവസ്ഥയാണിത്, ഇതുമൂലം രക്തക്കുഴലുകളില് രക്തപ്രവാഹം നിലനിര്ത്താന് ഹൃദയം സാധാരണയേക്കാള് കൂടുതല് പ്രവര്ത്തിക്കുന്നു. ഹൈപ്പര് ടെന്ഷനാണ് ഹൃദയാഘാതത്തിനുള്ള പ്രധാന കാരണമെന്ന് വിദഗ്ധര് പറയുന്നു. മസ്തിഷ്കം, വൃക്ക, മറ്റ് രോഗങ്ങള് എന്നിവയ്ക്കുള്ള സാധ്യതയും ഇത് വര്ദ്ധിപ്പിക്കും. ലോകാരോഗ്യ സംഘടന പറയുന്നത്, ലോകമെമ്പാടുമുള്ള അകാല മരണത്തിന് ഒരു പ്രധാന കാരണമാണ് അമിത രക്തസമ്മര്ദ്ദം എന്നാണ്.
പ്രാരംഭ ഘട്ടത്തില് ഉയര്ന്ന രക്തസമ്മര്ദ്ദം ലക്ഷണങ്ങളൊന്നും കാണിക്കില്ല. അതിനാല്ത്തന്നെ ഇതിനെ നിശബ്ദ കൊലയാളി രോഗം എന്നും വിളിക്കുന്നു. രക്തസമ്മര്ദ്ദ രോഗികള് പലരും ഇതിന്റെ ലക്ഷണങ്ങള് ശ്രദ്ധിക്കാറില്ല, ഇതുമൂലം പ്രശ്നം കൂടുതല് ഗുരുതരമാകുന്നു. രക്തസമ്മര്ദ്ദത്തിന്റെ അളവ് പെട്ടെന്ന് ഉയര്ത്തുന്ന ചില ഘടകങ്ങളുണ്ട്. അത് മനസിലാക്കുന്നതിലൂടെ നിങ്ങള്ക്ക് ഇതിന്റെ അപകട സാധ്യത ഒരു പരിധിവരെ തടയാന് സാധിക്കും. അത് എന്തൊക്കെയാണെന്ന് നമുക്ക് നോക്കാം.
സമ്മര്ദ്ദം
രക്തസമ്മര്ദ്ദം പെട്ടെന്ന് വര്ദ്ധിക്കുന്നതിനുള്ള ഏറ്റവും സാധാരണമായ കാരണങ്ങളിലൊന്ന് സമ്മര്ദ്ദമാണ്. നിങ്ങള് സമ്മര്ദ്ദത്തിലായിരിക്കുമ്പോള് നിങ്ങളുടെ ശരീരം അഡ്രിനാലിന്, കോര്ട്ടിസോള് തുടങ്ങിയ ഹോര്മോണുകള് പുറത്തുവിടുന്നു. ഇത് നിങ്ങളുടെ ഹൃദയമിടിപ്പും രക്തസമ്മര്ദ്ദവും വര്ദ്ധിപ്പിക്കും. സമ്മര്ദ്ദത്തോടുള്ള സ്വാഭാവിക പ്രതികരണമാണ് രക്തസമ്മര്ദ്ദ തോതിലെ ഉയര്ച്ച. നിങ്ങള് വിട്ടുമാറാത്ത സമ്മര്ദ്ദം അനുഭവിക്കുന്നുണ്ടെങ്കില്, നിങ്ങളുടെ രക്തസമ്മര്ദ്ദം ഉയര്ന്ന നിലയിലായിരിക്കും. ഇത് ഹൃദ്രോഗം, ഹൃദയാഘാതം എന്നിവയ്ക്കുള്ള സാധ്യത വര്ദ്ധിപ്പിക്കും.
കഫീന്
പെട്ടെന്ന് രക്തസമ്മര്ദ്ദം വര്ദ്ധിക്കുന്നതിനുള്ള മറ്റൊരു സാധാരണ കാരണമാണ് കഫീന്. നിങ്ങളുടെ പള്സ് നിരക്കും രക്തസമ്മര്ദ്ദവും വര്ദ്ധിപ്പിക്കുന്നതിന് കാരണമാകുന്ന ഒരു ഉത്തേജകമാണ് കഫീന്. കഫീനിനോട് സംവേദനക്ഷമതയുള്ളവരോ അല്ലെങ്കില് അത് വലിയ അളവില് കഴിക്കുന്നവരോ ആയ ആളുകളില് ഇത് കൂടുതല് പ്രകടമാകും. അതിനാല്, രക്തസമ്മര്ദ്ദ രോഗികള് അധികമായി കാപ്പി പോലുള്ള കഫീന് പാനീയങ്ങള് കഴിക്കരുത്.
മദ്യം
മിതമായ അളവിലുള്ള മദ്യപാനം ചില ആരോഗ്യ ഗുണങ്ങള് നല്കുമെങ്കിലും, അമിതമായ മദ്യപാനം നിങ്ങളുടെ രക്തസമ്മര്ദ്ദം വര്ദ്ധിപ്പിക്കും. മദ്യം ഒരു വാസോഡിലേറ്ററാണ്. അത് നിങ്ങളുടെ രക്തക്കുഴലുകള് വിശാലമാക്കുന്നതിന് കാരണമാകും. അമിതമായി കഴിക്കുമ്പോള് മദ്യം നിങ്ങളുടെ രക്തക്കുഴലുകള് ചുരുങ്ങാനും രക്തസമ്മര്ദ്ദം വര്ദ്ധിപ്പിക്കാനും ഇടയാക്കും.
മരുന്നുകള്
ചില മരുന്നുകള് കഴിക്കുന്നത് രക്തസമ്മര്ദ്ദം പെട്ടെന്ന് ഉയരാന് കാരണമാകും. സ്റ്റിറോയിഡുകള്, നോണ്-സ്റ്റിറോയിഡല് ആന്റി-ഇന്ഫ്ലമേറ്ററി മരുന്നുകള്, ചില തരം ആന്റീഡിപ്രസന്റുകള് എന്നിവ അടങ്ങിയ മരുന്നുകള് കഴിക്കുന്നവര്ക്ക് പെട്ടെന്ന് രക്തതസമ്മര്ദ്ദ അളവില് ഉയര്ച്ച കണ്ടേക്കാം.
പുകവലി
രക്തസമ്മര്ദ്ദം പെട്ടെന്ന് ഉയരാന് കാരണമാക്കുന്ന മറ്റൊരു ഘടകമാണ് പുകവലി. നിങ്ങള് സിഗരറ്റ് പുക ശ്വസിക്കുമ്പോള്, അത് നിങ്ങളുടെ രക്തക്കുഴലുകള് ഇടുങ്ങിയതാക്കും. ഇത് നിങ്ങളുടെ രക്തസമ്മര്ദ്ദ തോതും വര്ദ്ധിപ്പിക്കും. ഈ പ്രഭാവം താല്ക്കാലികമാണെങ്കിലും നിങ്ങള് പതിവായി പുകവലിക്കുകയാണെങ്കില്, അത് വിട്ടുമാറാത്ത തരത്തില് ഉയര്ന്ന രക്തസമ്മര്ദ്ദത്തിലേക്ക് നയിച്ചേക്കാം.
ചില ഭക്ഷണങ്ങള്
നിങ്ങള് കഴിക്കുന്ന ഭക്ഷണം നിങ്ങളുടെ രക്തസമ്മര്ദ്ദത്തിന്റെ അളവിലും സ്വാധീനം ചെലുത്തുന്നു. ചില ഭക്ഷണങ്ങള് രക്തസമ്മര്ദ്ദം പെട്ടെന്ന് ഉയര്ത്താന് കാരണമാകും. പ്രോസസ് ചെയ്ത ഭക്ഷണങ്ങള്, ഫാസ്റ്റ് ഫുഡ്, ഉപ്പ് കൂടിയ ലഘുഭക്ഷണങ്ങള് എന്നിങ്ങനെ സോഡിയം കൂടുതലുള്ള ഭക്ഷണങ്ങള് കഴിക്കുന്നത് രക്തസമ്മര്ദ്ദം ഉയരാന് കാരണമാകും. അധികമായി ഉപ്പുള്ള ഭക്ഷണം കഴിക്കുന്നത് നിങ്ങളുടെ ശരീരത്തില് വെള്ളം നിലനിര്ത്താന് ഇടയാക്കും. ഇത് നിങ്ങളുടെ രക്തസമ്മര്ദ്ദം വര്ദ്ധിപ്പിക്കും.
ഉയര്ന്ന രക്തസമ്മര്ദ്ദം കുറയ്ക്കാന് ചെയ്യേണ്ടത്
ആരോഗ്യകരമായ ജീവിതശൈലി നയിക്കുന്നതിലൂടെ ഉയര്ന്ന രക്തസമ്മര്ദ്ദത്തിന്റെ അപകട സാധ്യത കുറയ്ക്കാന് കഴിയുമെന്ന് യുഎസ് സെന്റര്സ് ഫോര് ഡിസീസ് കണ്ട്രോള് ആന്ഡ് പ്രിവന്ഷന് പറയുന്നു. ഉയര്ന്ന രക്തസമ്മര്ദ്ദം തടയുന്നതിലൂടെ ഒരാള്ക്ക് ഹൃദ്രോഗം, സ്ട്രോക്ക് എന്നിവ വരാനുള്ള സാധ്യത കുറയ്ക്കാന് സാധിക്കും. ഉയര്ന്ന രക്തസമ്മര്ദ്ദം തടയാന് ചില വഴികളുണ്ട്.
* പച്ച പച്ചക്കറികളും പഴങ്ങളും അടങ്ങിയ ആരോഗ്യകരമായ ഭക്ഷണം കഴിക്കുക.
* സോഡിയം കുറഞ്ഞ ഭക്ഷണം കഴിക്കുക
* കൊഴുപ്പ്, എണ്ണമയമുള്ളതും പ്രോസസ് ചെയ്തതുമായ ഭക്ഷണങ്ങള് ഒഴിവാക്കുക
* ദിവസവും വ്യായാമം പതിവാക്കുക
* പുകവലി ഉപേക്ഷിക്കൂ
* മദ്യപാനം പരിമിതപ്പെടുത്തുക
* അധികമായി മാനസിക സമ്മര്ദ്ദം ചെലുത്താതിരിക്കുക
* ആവശ്യത്തിന് ഉറങ്ങുക
ശ്രദ്ധിക്കാന്
ഉയര്ന്ന രക്തസമ്മര്ദ്ദം നിശബ്ദവും എന്നാല് വളരെ മാരകവുമായ രോഗമാണ്. രോഗലക്ഷണങ്ങള് കാണിക്കാത്തതിനാല് ഇത് പെട്ടെന്ന് ആരോഗ്യപ്രശ്നങ്ങള്ക്ക് ഇടയാക്കും. അതിനാല്, നിങ്ങളുടെ രക്തസമ്മര്ദ്ദത്തിന്റെ അളവ് പതിവായി നിരീക്ഷിക്കേണ്ടത് പ്രധാനമാണ്. പ്രത്യേകിച്ച് നിങ്ങള്ക്ക് എന്തെങ്കിലും അപകടസാധ്യത ഘടകങ്ങള് ഉണ്ടെങ്കില് കൂടുതല് ശ്രദ്ധിക്കണം. രക്തസമ്മര്ദ്ദത്തിന്റെ അളവ് വര്ദ്ധിപ്പിക്കാന് കാരണമായേക്കാവുന്ന ഒരു പ്രവര്ത്തനത്തിലും ഏര്പ്പെടരുത്. രോഗങ്ങള് അകറ്റാന് ആരോഗ്യകരമായ ജീവിതശൈലി പിന്തുടരേണ്ടതും പ്രധാനമാണ്.
Disclaimer: ഈ ലേഖനത്തില് പരാമര്ശിച്ചിരിക്കുന്ന വിവരങ്ങള് പൊതുവായ വിവരങ്ങള്ക്കും വിദ്യാഭ്യാസപരമായ ആവശ്യങ്ങള്ക്കും വേണ്ടി മാത്രമുള്ളതാണ്. പ്രൊഫഷണല് അഭിപ്രായങ്ങളോ, രോഗനിര്ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്നങ്ങള്ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.
Continue with Google