വ്യായാമം തടി കുറയ്ക്കില്ല

Studies

oi-Saritha

By Veena

Published: Tuesday, April 10, 2012, 13:23 [IST]

തടി കുറയ്ക്കുന്നതിന് മിക്കവാറും കേള്‍ക്കുന്ന പേരാണ് വ്യായാമം. എന്നാല്‍ വ്യായാമം മാത്രമായി തടി കുറയ്ക്കില്ലെന്നാണ് ബ്രിട്ടീഷ് സ്‌പോര്‍ട്‌സ് ജേര്‍ണലില്‍ പ്രസിദ്ധീകരിച്ച പഠനറിപ്പോര്‍ട്ട്. ഡയറ്റിനൊപ്പം വ്യായാമം ചെയ്താലേ പ്രയോജനം ലഭിക്കുകയുള്ളൂ. 12ളം പേരില്‍ നടത്തിയ പഠനഫലമാണ് ഈ റിപ്പോര്‍ട്ട്. അമിതവണ്ണമുള്ള ഇവര്‍ ഡയറ്റെടുക്കാതെ കാര്‍ഡിയോ വാസ്‌കുലര്‍ വ്യായാമങ്ങള്‍ ചെയ്‌തെങ്കിലും അല്‍പം പോലും വ്യത്യാസം വന്നില്ല. പിന്നീട് ഭക്ഷണക്രമീകരണവും വ്യായാമവും ചെയ്തപ്പോള്‍ പ്രയോജനം ലഭിയ്ക്കുകയും ചെയ്തു.

വ്യായാമം ചെയ്യുന്നതിന് മുന്‍പ് സ്‌ട്രെച്ചിംഗ് ചെയ്യുന്നത് ഗുണകരമാണെന്നാണ് അഭിപ്രായം. എന്നാല്‍ ഇതില്‍ സത്യമില്ലെന്നാണ് പുതിയ പഠനഫലം. ഇത് വ്യായാമം ചെയ്യുന്നയാളുടെ ഊര്‍ജം കുറയ്ക്കുമെന്നും വേണ്ട പോലെ വ്യായാമം ചെയ്യാന്‍ സാധിക്കാതെ വരുമെന്നും പഠനഫലം പറയുന്നു.

എടിഎമ്മില്‍ പോയി പണം പിന്‍വലിച്ചാല്‍ സാധാരണ ഗതിയില്‍ ആരും കൈ കഴുകാറില്ല. എന്നാല്‍ പബ്ലിക് ടോയ്‌ലറ്റ് ഉപയോഗിക്കുന്നതു പോലെയുള്ള വൃത്തി പ്രശ്‌നങ്ങള്‍ എടിഎം ഉണ്ടാക്കുന്നുവെന്നാണ് ബ്രിട്ടനില്‍ നടത്തിയ പഠനം തെളിയിക്കുന്നത്. എടിഎം മെഷീന്‍ പലരും ഉപയോഗിക്കുന്നതു തന്നെ കാരണം. ഇതിന്റെ ബട്ടനുകളില്‍ നിന്നും പബ്ലിക് ടോയ്‌ലറ്റുകളില്‍ നിന്നും ശേഖരിച്ച ബാക്ടീരിയകള്‍ ഒരേ ഗണത്തില്‍ പെടുന്നുവെന്നതു തന്നെ ഈ നിഗമനത്തിന് കാരണം.

ഹൃദയം പൊട്ടി മരിച്ചു എന്നൊക്കെ പറഞ്ഞു കേള്‍ക്കാറില്ലേ. എന്തെങ്കിലും കണ്ട ഞെട്ടലിലോ വാര്‍ത്ത കേട്ടോ ഹൃദയാഘാതം വരുന്നവരുണ്ട്. ഇത്തരം പ്രശ്‌നം വരാനുള്ള സാധ്യത പുരുഷനേക്കാള്‍ സ്ത്രീയില്‍ ഒന്‍പത് ഇരട്ടി കൂടുതലാണെന്ന് പഠനം പറയുന്നു.

അസുഖങ്ങള്‍ വരുന്നതിന് ബാക്ടീരിയ എന്ന കൊച്ചു ജീവിക്കാണ് മിക്കവാറും പഴി. 1000 ഇനത്തില്‍ പരം ബാക്ടീരിയകള്‍ മനുഷ്യശരീരത്തിലുണ്ട്. ആരോഗ്യത്തിന് ആവശ്യമുള്ളവയും ഈ കൂട്ടത്തില്‍ പെടുന്നു. ഇവയില്‍ ഒരു ശതമാനത്തിലും താഴെ മാത്രമാണ് അസുഖങ്ങള്‍ വരുത്തുക.

മുന്‍ പേജില്‍

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.