സൈക്കിള്‍ ചവിട്ടുന്നത് പുരുഷവന്ധ്യതക്കു കാരണം

Studies

oi-Saritha

By Veena

Published: Saturday, January 14, 2012, 14:18 [IST]

സൈക്കില്‍ ചവിട്ടുന്ന പുരുഷന്മാരില്‍ വന്ധ്യതാ സാധ്യത കൂടുതലെന്ന് പഠനറിപ്പോര്‍ട്ട്. സ്‌പെയിനിലെ കോര്‍ഡോബ സ്‌കൂള്‍ ഓഫ് മെഡിക്കല്‍ സയന്‍സ് നടത്തിയ പഠനത്തിലാണ് ഇക്കാര്യം തെളിഞ്ഞത്.

ഒരാഴ്ചയില്‍ 180മൈല്‍ സൈക്കില്‍ ചവിട്ടുന്ന പുരുഷന്മാരിലെ ബീജസംഖ്യ മറ്റുള്ളവരേക്കാള്‍ കുറവാണെന്നും പഠനറിപ്പോര്‍ട്ടില്‍ പറയുന്നു. ബീജസംഖ്യ മാത്രമല്ലാ, ബീജങ്ങളുടെ ഗുണവും ഇത്തരക്കാരില്‍ കുറവാണ്. 33 നയസുള്ള പതിനഞ്ചോളം സ്പാനിഷ് അത്‌ലറ്റുകളില്‍ നടത്തിയ പരീക്ഷണങ്ങളുടെ അടിസ്ഥാനത്തിലാണ് പഠനറിപ്പോര്‍ട്ട് തയ്യാറാക്കിയത്.

സൈക്കിളിംഗ് ചെയ്യുന്ന അത്‌ലറ്റുകളിലെ ബീജഗുണം വളരെ കുറവാണെന്നും റിപ്പോര്‍ട്ടിലുണ്ട്. സൈക്കിള്‍ ചെയ്യുമ്പോള്‍ സൈക്കിളില്‍ നിന്നുള്ള ഫ്രിക്ഷന്‍ കാരണം വൃഷണങ്ങള്‍ കൂടുതല്‍ ചൂടാകുന്നതാണ് ഇതിന് കാരണമായി പറയുന്നത്. വൃഷണങ്ങളിലെ ചൂട് ബീജങ്ങളെ നശിപ്പിക്കും. ഇത്തരക്കാരില്‍ ബീജങ്ങളുടെ എണ്ണം മറ്റുള്ള പുരുഷന്മാരേക്കാള്‍ 10 ശതമാനംകുറവാണ്. വൈദ്യശാസ്ത്രക്കണക്കുകള്‍ അനുസരിച്ച് നാലു ശതമാനം ബീജക്കുറവും പോലും ഗുരുതരമായ പുരുഷവന്ധ്യതാ പ്രശ്‌നങ്ങള്‍ സൃഷ്ടിക്കുന്നുണ്ട്.

സൈക്കിള്‍ കൂടുതല്‍ ചവിട്ടുന്നതിനനുസരിച്ച് ബീജങ്ങളുടെ എണ്ണത്തിലും ഗുണത്തിലും വീണ്ടും കുറവുണ്ടാകുമെന്നും പഠനറിപ്പോര്‍ട്ടില്‍ പറയുന്നു.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.