തടികൂട്ടുന്നത് സെക്‌സ് ഹോര്‍മോണ്‍

Studies

oi-Siji

By Lakshmi

Published: Wednesday, October 26, 2011, 12:57 [IST]

ചില സ്ത്രീകളെ കണ്ടിട്ടില്ലേ? പട്ടിണികിടന്നാലും കാലത്തും വൈകീട്ടും ജിമ്മിലും വീട്ടിലുമായി കസര്‍ത്തുകള്‍ നടത്തിയാലും അനക്കം തട്ടാതെ നല്ല വണ്ണിച്ചിരിക്കുന്ന സ്ത്രീകളെ. പുറത്തുനിന്നു കാണുമ്പോള്‍ ഹമ്മേ എന്തൊരു തടിയെന്ന് മറ്റുള്ളവര്‍ കളിയാക്കുമ്പോള്‍ ഉള്ളില്‍ ഇവരനുഭവിക്കുന്ന സങ്കടത്തിന് കണക്കുണ്ടാവില്ല.

നല്ല വടിവൊത്ത ശരീരം സ്വപ്‌നം കാണുകയും അതിനായി അധ്വാനിക്കുകയും ചെയ്യുന്നുണ്ടെങ്കിലും പലസ്ത്രീകള്‍ക്കും അത് ഫലപ്രാപ്തിയില്‍ എത്തിക്കാന്‍ കഴിയാറില്ല. മറ്റാരെയും കുറ്റം പറയേണ്ട ഇക്കാര്യത്തില്‍ സ്വന്തം ശരീരത്തിലെ സെക്‌സ് ഹോര്‍മോണായ ഈസ്ട്രജന്‍ തന്നെയാണ് ഈ പ്രശ്‌നത്തിലെ വില്ലത്തി.

ഈസ്ട്രജന്‍ ഹോര്‍മോണിന്റെ വിശപ്പ് കൂട്ടുകയും ഒപ്പം ശരീരം വണ്ണിച്ചുവരാന്‍ ഇടയാക്കുകയും ചെയ്യുമത്രേ. പ്രത്യേകിച്ചും ആര്‍ത്തവവിരാമത്തിലെത്തിയ സ്ത്രീകളിലാണത്രേ ഇത്തരം പ്രശ്‌നങ്ങള്‍ കാണുന്നത്. ആര്‍ത്തവവിരാമമെത്തിയവരില്‍ ഈസ്ട്രജന്‍ ഉല്‍പാദനം കുറയുന്നത് സാധാരണമാണ്.

കഴിയ്ക്കുന്ന ഭക്ഷണം ശരീരം ഉപയോഗിക്കുന്ന മെറ്റബോളിസം എന്ന പ്രക്രിയയുമായി ഈസ്ട്രജന്‍ ഹോര്‍മോണിന് കാര്യമായ ബന്ധമുണ്ടെന്നാണ് യൂണിവേഴ്‌സിറ്റി ഓഫ് ടെക്‌സസിലെ ഗവേഷകര്‍ പറയുന്നത്.
ഇതുവരെ ഈസ്ട്രജനും മെറ്റബോളിസവും തമ്മിലുള്ള ബന്ധം ഇത്രയും കൃത്യമായ രീതിയില്‍ കണ്ടെത്തിയിട്ടില്ലെന്ന് ഇതുമായി ബന്ധപ്പെട്ട് പ്രസിദ്ധീകരിച്ച റിപ്പോര്‍ട്ടില്‍ പറയുന്നു.

എലികളില്‍ നടത്തിയ പഠനത്തിലൂടെയാണ് ഇതിന്റെ സാധ്യത ഗവേഷകര്‍ കണ്ടെത്തിയത്. മസ്തിഷ്‌കത്തിലെ ഹൈപ്പോതലാമസ് എന്ന ഭാഗത്താണ് ഭക്ഷണം കഴിയ്ക്കല്‍, ലൈംഗിക സ്വഭാവങ്ങള്‍, പ്രത്യുല്‍പാദനം, ദിനചര്യയുടെ നിയന്ത്രണം തുടങ്ങി ഒരു വ്യക്തിയുടെ പ്രധാനകാര്യങ്ങളെല്ലാം ഹൈപ്പോതലാമസിലാണ് നിയന്ത്രിക്കപ്പെടുന്നത്.

ഇവിടെ ഈസ്ട്രജന്‍ ഹോര്‍മോണ്‍ ഘടകങ്ങളില്‍ കുറവുണ്ടാകുമ്പോള്‍ മെറ്റബോളിസം കൂടാനും അതുവഴി തടികൂടാനുമുള്ള ഒരു തരം രാസസിഗ്നലുകള്‍ ന്യൂറോണ്‍സില്‍ എത്തുകയാണത്രേ ചെയ്യുന്നത്. ഇതു പിന്നീട് പ്രമേഹം, ഹൃദ്രോഗം തുടങ്ങിയവയിലേയ്ക്ക് നയിക്കുകയും ചെയ്യുന്നു. എന്നാല്‍ പുരുഷന്മാരില്‍ ഇതിന് സാധ്യതയില്ലെന്നാണ് ഗവേഷകര്‍ പറയുന്നത്. കാരണം ആണ്‍ എലികളില്‍ ഈ പ്രവര്‍ത്തനം കണ്ടെത്താന്‍ കഴിഞ്ഞിട്ടില്ല.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.