ഹോ... എന്റെ ഉപ്പേ!

Studies

oi-Staff

By Super

Updated: Friday, March 15, 2013, 12:34 [IST]

ഉപ്പില്ലാത്ത കഞ്ഞിപോലെ എന്നൊരു പ്രയോഗം തന്നെയുണ്ട്. ഏത് രൂചിയും പൂര്‍ണമാകണമെങ്കില്‍ ഉപ്പുവേണം. ഒരല്‍പം ഉപ്പുകുറവാണെങ്കില്‍ നമ്മളില്‍ പലര്‍ക്കും ഭക്ഷണം കഴിച്ചാല്‍ തൃപ്തിയാകില്ല. ഉയര്‍ന്ന രക്തസമ്മര്‍ദ്ദത്തെത്തുടര്‍ന്ന് ഡോക്ടര്‍മാര്‍ വിലക്കിയാല്‍പ്പോലും അല്‍പം ഉപ്പിട്ട് എന്തെങ്കിലും കഴിയ്ക്കാന്‍ ആളുകള്‍ക്ക് കൊതിയാണ്.

ഉപ്പിനോടുള്ള ഈ ഇഷ്ടം ഒരു തരം അഡിക്ഷന്‍ ആണെന്നാണ് പുതിയൊരു പഠനത്തില്‍ കണ്ടെത്തിയിരിക്കുന്നത്. സിഗരറ്റിനോടും മദ്യത്തോടുമൊക്കെയുള്ളപോലെയുള്ള അതേ അഡിക്ഷന്‍ തന്നെയാണിതത്രേ. ഉപ്പ് കഴിയ്ക്കുമ്പോള്‍ തലച്ചോറിലെ ചില ഭാഗങ്ങളില്‍ ഉത്തേജനമുണ്ടാകുന്നുവെന്നാണ് ശാസ്ത്രജ്ഞര്‍ കണ്ടെത്തിയിരിക്കുന്നത്.

ഈ പ്രത്യേകത കൊണ്ടുതന്നെയാണ് പലര്‍ക്കും ഉപ്പു കുറയ്ക്കുകയെന്ന നിര്‍ദ്ദേശത്തോട് സഹകരിക്കാന്‍ കഴിയാത്ത അവസ്ഥയുണ്ടാക്കുന്നതെന്നും ഗവേഷകര്‍ പറയുന്നു. ആസ്‌ത്രേലിയയിലെയും അമേരിക്കയിലെയും ഒരുകൂട്ടം ഗവേഷകര്‍ സംയുക്തമായി നടത്തിയ പഠനത്തിലാണ് ഇക്കാര്യം കണ്ടെത്തിയത്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.