പൊണ്ണത്തടി കുറയ്‌ക്കൂ, നന്നായി ഉറങ്ങാം!

ഉറക്കവും തടിയും തമ്മില്‍ എന്തെങ്കിലും ബന്ധമുണ്ടോ ഉണ്ടെന്നാണ്‌ ഇത്‌ സംബന്ധിച്ച്‌ നടത്തിയ പുതിയ പഠനങ്ങള്‍ തെളിയിക്കുന്നത്‌. ശരീര ഭാരം കുറച്ചാല്‍ ഉറക്കവുമായി ബന്ധപ്പെട്ട പ്രശ്‌നങ്ങള്‍ക്ക്‌ ഒരു പരിധി വരെ പരിഹാരമുണ്ടാകുമെന്നാണ്‌ പുതിയ കണ്ടെത്തല്‍. ഫിന്‍ലാന്റിലെ ഗവേഷകരാണ്‌ ശരീര ഭാരവും ഉറക്കവും തമ്മിലുള്ള ബന്ധത്തെക്കുറിച്ച്‌ പഠനം നടത്തിയത്‌.

ഉറക്കകുറവ്‌ മൂലം വലയുന്ന 72 പേരില്‍ ഒരു വര്‍ഷം തുടര്‍ച്ചയായി നടത്തിയ പഠനങ്ങളാണ്‌ പുതിയ കണ്ടെത്തലുകളിലേക്ക്‌ വഴിതെളിച്ചത്‌. ഇവരുടെ ജീവിതക്രമത്തില്‍ വരുത്തിയ മാറ്റങ്ങളിലൂടെ പൊണ്ണത്തടി കുറഞ്ഞതിനൊപ്പം ഉറക്കവുമായി ബന്ധപ്പെട്ട പ്രശ്‌നങ്ങളും ഇല്ലാതായെന്ന്‌ ഗവേഷകര്‍ കണ്ടെത്തി.

പൊണ്ണത്തടിക്കാര്‍ ഉറങ്ങുമ്പോള്‍ ഇവരുടെ തൊണ്ടയിലെ മാസപേശികള്‍ തമ്മില്‍ കൂട്ടിമുട്ടുന്നത്‌ മൂലം പലപ്പോഴും ശ്വാസതടസ്സം ഉണ്ടാകുന്നു. തുടര്‍ച്ചയായി ഇത്‌ ആവര്‍ത്തിയ്‌ക്കുമ്പോള്‍ ശരീരത്തിലേക്കുള്ള ഓക്‌സിജന്റെ അളവ്‌ കുറയുകയും തുടര്‍ന്ന്‌ ഉറക്കം തടസ്സപ്പെടുകയും ചെയ്യുന്നു. വലിയ ശബ്ദത്തില്‍ കൂര്‍ക്കം വലിയ്‌ക്കുന്നതാണ്‌ ഇതിന്റെ രോഗലക്ഷണം.

ഉറക്കക്കുറവ്‌ ഹൃദരോഗം, രക്തസമ്മര്‍ദ്ദം തുടങ്ങിയ രോഗങ്ങള്‍ വരുന്നതിനുള്ള സാധ്യത വര്‍ദ്ധിപ്പിയ്‌ക്കുന്നുണ്ടെന്ന്‌ ഡോക്ടര്‍മാര്‍ പറയുന്നു.

ഭക്ഷണം നിയന്ത്രിക്കുകയും ജീവിത ക്രമം പാലിയ്‌ക്കുകയും രോഗികള്‍ക്ക്‌ സുഖകരമായ ഉറക്കം ലഭിച്ചതിനൊടൊപ്പം രക്ത സമ്മര്‍ദ്ദം, കൊളസ്‌ട്രോള്‍, പ്രമേഹം തുടങ്ങിയവ നിയന്ത്രിക്കാന്‍ കഴിഞ്ഞുവെന്നും ഗവേഷകര്‍ പറയുന്നു.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.