30സെക്കന്റ് കൊണ്ട് ആരോഗ്യം അളക്കാം

By Lakshmi

Published: Friday, February 18, 2011, 13:30 [IST]

ലണ്ടന്‍: കൈയിലെടുത്തു പ്രവര്‍ത്തിപ്പിക്കാവുന്ന സ്‌കാനര്‍ ജര്‍മന്‍ ശാസ്ത്രജ്ഞര്‍ കണ്ടുപിടിച്ചു. ഇൌ സ്‌കാനര്‍ ഉപയോഗിച്ചു പരിശോധിച്ചാല്‍ നിങ്ങളെത്രത്തോളം ആരോഗ്യവാനാണെന്നു 30 സെക്കന്‍ഡിനകം കണ്ടെത്താന്‍ കഴിയും!

ബെര്‍ലിനിലെ ചാരിയെറ്റ് മെഡിക്കല്‍ സ്‌കൂളിലെ ശാസ്ത്രജ്ഞര്‍ കണ്ടുപിടിച്ച ഈ സ്‌കാനര്‍ പുകവലി, അമിതഭക്ഷണം തുടങ്ങിയ ചീത്ത സ്വഭാവങ്ങള്‍ കൊണ്ട് ആരോഗ്യത്തിന് എത്രത്തോളം ഹാനിയുണ്ടായിട്ടുണ്ടെന്നും വിലയിരുത്തും.

വീടുകളില്‍ വാങ്ങി സാധാരണക്കാര്‍ക്കു പോലും ഉപയോഗിക്കാവുന്ന സ്‌കാനറിന് 175 പൌണ്ട് (12,600 രൂപ) മാത്രമാണു വില. കാഴ്ചയ്ക്കു കംപ്യൂട്ടറിന്റെ മൌസ് പോലെയിരിക്കുന്ന സ്‌കാനര്‍ ഉടന്‍തന്നെ വിപണിയിലെത്തുമെന്നു ഡെയ്‌ലി മെയില്‍ പത്രം റിപ്പോര്‍ട്ട് ചെയ്തു.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.