കാപ്പിയും ചായയും നിയന്ത്രിയ്ക്കൂ

News

oi-Siji KM

By Lakshmi

Published: Friday, July 9, 2010, 16:15 [IST]

ചായയും കാപ്പിയുമെല്ലാം ആരോഗ്യത്തിന് ഹാനികരമാണെന്ന് മുമ്പേ പറയാറുള്ളതാണ്. എന്നാല്‍ അടുത്തിടെ നടന്ന ചില പഠനങ്ങളില്‍ ഇവയ്ക്ക് ചില രോഗങ്ങളെ പ്രതിരോധിക്കാന്‍ കഴിവുണ്ടെന്നും കണ്ടെത്തയിരുന്നു.

എന്തൊക്കെയായാലും ചായയും കാപ്പിയും കൂടുതല്‍ ശരീരത്തിനുള്ളില്‍ച്ചെല്ലുന്നത് ആരോഗ്യകരമല്ലെന്നതാണ് യാഥാര്‍ത്ഥ്യം. കാരണം അത്രയേറെ പ്രശ്‌നക്കാരനാണ് ഇവയില്‍ അടങ്ങിയിരിക്കുന്ന കഫീന്‍ എന്ന ഘടകം.

ഇതാണെങ്കില്‍ കടുംചായയിലും, ചോക്ലേറ്റിലും, ഗ്രീന്‍ടീയിലും എന്തിന് ചില മരുന്നുകളില്‍പ്പോലുമുണ്ട്. സ്ഥിരമായുള്ള കാപ്പികുടി നമ്മളെ അതിന് അടിമകളാക്കി മാറ്റും. പിന്നീട് ദിവസത്തില്‍ ആ സമയം എത്തുമ്പോള്‍ കാപ്പി കുടിയ്ക്കണമെന്ന തോന്നല്‍ കലശലാവുകയും ഇല്ലെങ്കില്‍ ഉന്മേഷമില്ലെന്ന് തോന്നുകയും ചെയ്യും.

ഉടന്‍ തന്നെ കാപ്പി കുടിച്ച് നമ്മള്‍ ആ ആഗ്രഹത്തെ ശമിപ്പിക്കുന്നു. എന്നാല്‍ ഇത്തരത്തില്‍ കഠിനമായ ആഗ്രഹം തോന്നുമ്പോള്‍ കാപ്പി കുടിയ്ക്കുന്നത് പതിവാക്കരുതെന്നാണ് ആരോഗ്യ വിദഗ്ധര്‍ പറയുന്നത്.

ചിലപ്പോള്‍ കാപ്പിയോടുള്ള ഈ ആഗ്രഹം ഒരു ദിവസം കൊണ്ട് മാറും, ചിലപ്പോഴത് 24മുതല്‍ 48മണിക്കൂര്‍ വരെ നില്‍ക്കും, മറ്റുചിലപ്പോഴാകട്ടെ ഒരാഴ്ചയോളം ഉണ്ടാവുകയും ചെയ്യും.

ഇതിനെ പ്രോത്സാഹിപ്പിക്കുന്ന വിധത്തില്‍ നമ്മള്‍ ഈ ആഗ്രഹത്തിന് വഴിപ്പെട്ടാല്‍ അസ്വസ്ഥത കൂടുകയും കാപ്പി കുടിച്ചില്ലെങ്കില്‍ അസ്വസ്ഥത, മസിലുകളില്‍ പിടുത്തും തുടങ്ങിയ പ്രശ്‌നങ്ങളുണ്ടാകും. ചിലരില്‍ സ്ഥിരമായ തലവേദനയ്ക്കും ഇത് വഴിവയ്ക്കുന്നു.

മാത്രമല്ല കാപ്പികുടി അമിതമായാല്‍ ഉറക്കക്കുറവും വന്നുചേര്‍ന്നേയ്ക്കും. കാപ്പി, ചായ എന്നിവയ്ക്കുപകരം മന്തെന്തിങ്കിലും പാര്‍ശ്വഫലങ്ങളില്ലാത്ത പാനീയങ്ങള്‍ സ്ഥിരമാക്കാനാണ് വിദഗ്ധര്‍ നിര്‍ദ്ദേശിക്കുന്നത്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.