ഏറ്റവും കൂടുതല്‍ പ്രമേഹരോഗികള്‍ ഇന്ത്യയില്‍

News

oi-Staff

By Staff

Published: Wednesday, December 16, 2009, 13:48 [IST]

ഇന്ത്യയില്‍ പ്രമേഹരോഗികളുടെ എണ്ണം ആശങ്കയുണ്ടാക്കുന്ന വിധത്തില്‍ വര്‍ധിക്കുന്നു. അന്‍പത് ദശലക്ഷം ഇന്ത്യക്കാര്‍ ഇപ്പോള്‍ പ്രമേഹരോഗികളാണ്.

ലോകത്ത് ഏറ്റവും കൂടുതല്‍ പ്രമേഹരോഗികളുള്ള രാജ്യമാണ് ഇന്ത്യ. ലോകപ്രമേഹ ദിനത്തോടനുബന്ധിച്ച് രാജ്യാന്തര ഡയബെറ്റിസ് ഫെഡറേഷനാണ് ഈ കണക്ക് പുറത്തുവിട്ടത്.

പ്രമേഹരോഗത്തിനെതിരെയുള്ള ബോധവല്‍ക്കരണ പരിപാടികള്‍ മുറയ്ക്ക് നടക്കുന്നതിനിടയിലും രോഗികളുടെ എണ്ണം വര്‍ധിക്കുകയാണ്. സ്വയം പഠനത്തിലൂടെ രോഗനിയന്ത്രണം എന്നതാണ് വരുന്ന അഞ്ചുവര്‍ഷത്തേയ്ക്കുള്ള ഫെഡറേഷന്റെ മുദ്രാവാക്യം.

പ്രമേഹരോഗികളുടെ എണ്ണത്തില്‍ കേരളവും ഒട്ടും പിന്നിലല്ല. പത്തു വര്‍ഷത്തിനിടെ കേരളത്തില്‍ പ്രമേഹരോഗികളുടെ എണ്ണം ഇരട്ടിയിലധികമായി.

ഫാസ്റ്റ് ഫുഡിന്റെ പ്രചാരവും പുതിയ ജീവിതസാഹചര്യങ്ങളും നഗരങ്ങളിലെ യുവാക്കളെ പ്രമേഹരോഗികളാക്കുന്നുവെന്ന് പഠനങ്ങള്‍ വ്യക്തമാക്കുന്നു.

മരണകാരണമാകുന്ന രോഗങ്ങളില്‍ എയ്ഡ്സും ഹൃദ്രോഗവുംപോലും പ്രമേഹത്തിനു പിന്നിലാണ്. വൃക്കകളുടെ തകരാറും ഹൃദയാഘാതവുമാണ് പ്രമേഹത്തിന്റെ പ്രധാന പാര്‍ശ്വഫലങ്ങള്‍.

ഭക്ഷണനിയന്ത്രണം മതിയായ വ്യായാമം നിരന്തര വൈദ്യപരിശോധന എന്നിവയിലൂടെ രോഗത്തെ ഒരു പരിധിവരെ തടഞ്ഞുനിര്‍ത്താന്‍ കഴിയും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.