കൗമാരത്തിലെ സെക്സ് മനസ്സിന് ദോഷം

Living

oi-Siji

By Lakshmi

Published: Wednesday, November 16, 2011, 17:19 [IST]

വാഷിങ്ടണ്‍ കൗമാരകാലത്ത് ലൈംഗികബന്ധത്തിലേര്‍പ്പെടുന്നത് വളര്‍ന്നുകഴിഞ്ഞുള്ള മാനസികാരോഗ്യത്തെയും ശാരീരിക സൗഖ്യത്തെയും ദോഷകരമായി ബാധിക്കുമെന്ന് പഠനറിപ്പോര്‍ട്ട്. നാഡീവ്യൂഹം വളര്‍ച്ചയുടെ ഘട്ടത്തിലായതുകൊണ്ടാണ് കൗമാരത്തില്‍ സെക്‌സിലേര്‍പ്പെടുന്നത് ദോഷകരമാകുന്നതെന്നും റിപ്പോര്‍ട്ടില്‍ പറയുന്നു.

എലികളില്‍ നടത്തിയ പഠനമാണ് വഴിത്തിരിവായത്. എലികളില്‍ കൗമാരദശയിലെ സെക്‌സ് അവരുടെ നാഡീവ്യൂഹത്തിന്റെ പ്രവര്‍ത്തനങ്ങളെ ബാധിക്കുമെന്ന് കണ്ടെത്തി. ഇതേപോലെതന്നെ മനുഷ്യരിലും സംഭവിക്കാമെന്നാണ് ഗവേഷകര്‍ പറയുന്നത്.

സ്ത്രീകളിലും പുരുഷന്മാരിലും ഈ പ്രശ്‌നങ്ങളുണ്ടാകാന്‍ സാധ്യതയുണ്ട്. കൗമാരദശയില്‍ സെക്‌സിലേര്‍പ്പെടുന്നതില്‍ വിഷാദരോഗം പോലുള്ള മാനസിക പ്രശ്‌നങ്ങളുണ്ടാകാന്‍ സാധ്യത കൂടുതലാണത്രേ. മാത്രമല്ല ബോഡി മാസ് കുറയാനും ഇടയാക്കുമത്രേ.

നാഡീവ്യൂഹത്തിന്റെ വളര്‍ച്ചാ ഘട്ടത്തിലുണ്ടാകുന്ന ആഘാതങ്ങള്‍ തലച്ചോറിലെ ചില പ്രത്യേക കലകളില്‍ പ്രശ്‌നങ്ങളുണ്ടാക്കും ഇതാണ് മാനസികമായ പ്രശ്‌നങ്ങള്‍ക്ക് കാരണമായി മാറുന്നത്. ഓഹിയോ യൂണിവേഴ്‌സിറ്റിയിലെ ഗവേഷകരാണ് ഇതുസംബന്ധിച്ച് പഠനം നടത്തിയത്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.