ഹാര്‍ട്ട് അറ്റാക്ക് വരാതിരിക്കാന്‍

Heart

oi-Saritha

By Veena

Published: Friday, April 20, 2012, 12:01 [IST]

നിനച്ചിരിക്കാതെ കടന്നു വരുന്ന ക്രൂരനായ വിരുന്നുകാരനെന്നു വേണമെങ്കില്‍ ഹാര്‍ട്ട് അറ്റാക്കിനെ പറയാം. പൂര്‍ണ ആരോഗ്യവാനെന്നും വിശ്വസിച്ചിരിക്കുന്ന ഒരാളുടെ ആത്മവിശ്വാസം തകര്‍ക്കാന്‍ ഈ രോഗത്തിനും കഴിയുകയും ചെയ്യും. മുന്നറിയിപ്പുകള്‍ തരാതെ വരുന്നതു കൊണ്ടുതന്നെ ഏറ്റവും അപകടകാരിയായ രോഗങ്ങളുടെ ഗണത്തിലാണ് ഹാര്‍ട്ട് അറ്റാക്കിന്റെയും സ്ഥാനം.

പ്രായമായവരെയാണ് ഈ രോഗം ആക്രമിക്കുകയെന്നൊന്നുമില്ല. പ്രത്യേകിച്ച് ഇപ്പോഴത്തെ ജീവിതസാഹചര്യങ്ങളില്‍ ചെറുപ്പക്കാരിലും ഹൃദയാഘാത സാധ്യത വര്‍ദ്ധിച്ചു വരുന്നു. അതുകൊണ്ടു തന്നെ മുന്‍കരുതലുകളും നേരത്തെ എടുത്തു തുടങ്ങണം.

പുകവലി, മദ്യപാനം, പ്രമേഹം, ബിപി, കൊളസ്‌ട്രോള്‍ തുടങ്ങിയവ ഹാര്‍ട്ട് അറ്റാക്കിന് പ്രധാനമായും വഴിയൊരുക്കുന്ന കാര്യങ്ങള്‍.

പുകവലി ഇക്കാര്യത്തില്‍ വലിയൊരു വില്ലനാണ്. പുക വലിക്കുന്നവര്‍ക്കു മാത്രമല്ലാ, സമീപത്തുള്ളവര്‍ക്കു കൂടി ദോഷം ചെയ്യുന്ന ശീലം.

കൊളസ്‌ട്രോളിന് അറ്റാക്ക് വരുത്തുന്ന കാര്യത്തില്‍ വലിയൊരു സ്ഥാനമുണ്ട്. രക്തധമനികളില്‍ കൊഴുപ്പു കട്ട പിടിച്ചാല്‍ രക്തസഞ്ചാരം തടസപ്പെടുക മാത്രമല്ലാ, ഇത് ഹൃദയപ്രവര്‍ത്തനങ്ങളെ ബാധിക്കുകയും ചെയ്യും. ഹൃദയാഘാതത്തിന് വഴിയൊരുക്കുന്ന പ്രധാന കാരണങ്ങളിലൊന്നാണിത്.

35 വയസു കഴിഞ്ഞാല്‍ രക്തപരിശോധന നിര്‍ബന്ധമാക്കണം. ഇതുവഴി രോഗങ്ങള്‍ ഒരു പരിധി വരെ കണ്ടെത്താന്‍ കഴിയും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.