സ്ത്രീകളില്‍ ഹൃദയാഘാതം വരുത്തുന്ന മോശം ശീലങ്ങള്‍, അപകടം അറിയാതെ പോകല്ലേ..!

ലോകമെമ്പാടുമുള്ള പുരുഷന്മാരുടെയും സ്ത്രീകളുടെയും മരണത്തിന് കാരണമായി ഒന്നാം സ്ഥാനത്ത് നില്‍ക്കുന്ന ഒന്നാണ് ഹൃദ്രോഗം, എന്നാല്‍ ഇത് സ്ത്രീകളിലാണ് കൂടുതലായി കാണപ്പെടുന്നത്. ലോകാരോഗ്യ സംഘടനയുടെ കണക്കുകള്‍ പ്രകാരം പ്രതിവര്‍ഷം 1.7 ദശലക്ഷം ഇന്ത്യക്കാര്‍ ഹൃദ്രോഗം മൂലം മരിക്കുന്നു. ഇന്ത്യയിലെ വര്‍ദ്ധിച്ചുവരുന്ന ജനസംഖ്യയ്ക്ക് ഭീഷണിയാണ് ഹൃദ്രോഗം.

ഇന്ത്യന്‍ ഹാര്‍ട്ട് അസോസിയേഷന്റെ കണക്കനുസരിച്ച്, 50 വയസ്സിന് താഴെയുള്ള ഇന്ത്യക്കാര്‍ക്ക് ഹൃദയാഘാതത്തിനുള്ള സാധ്യത 50 ശതമാനമാണ്. കൂടാതെ 25 ശതമാനം ഹൃദയാഘാതങ്ങളും 40 വയസ്സില്‍ താഴെയുള്ളവരിലാണ് സംഭവിക്കുന്നതും. പ്രമേഹം, പൊണ്ണത്തടി, ഹൃദയസ്തംഭനം, വൃക്കസംബന്ധമായ പരാജയം, വിഷാദം, സ്‌ട്രോക്കിന്റെ ചരിത്രം തുടങ്ങിയ ചില അവസ്ഥകളാല്‍ സ്ത്രീകള്‍ കൂടുതല്‍ കഷ്ടപ്പെടുന്നു. ഇന്ത്യക്കാരില്‍ ഹൃദ്രോഗം ജീനുകളില്‍ വ്യാപിക്കുന്നുവെന്ന് കണ്ടെത്തിയിട്ടുണ്ട്. പുകവലി, ഉയര്‍ന്ന കൊളസ്‌ട്രോള്‍, മാംസം കഴിക്കല്‍ തുടങ്ങിയ മറ്റ് ഘടകങ്ങളും അപകടമാണ്. ഹൃദ്രോഗസാധ്യത വര്‍ദ്ധിപ്പിക്കുന്ന ഉപാപചയ അവസ്ഥയായ മെറ്റബോളിക് സിന്‍ഡ്രോമും ഇന്ത്യക്കാരില്‍ വികസിക്കുന്നുണ്ട്. എന്നാല്‍, നിങ്ങളുടെ ഹൃദ്രോഗസാധ്യത വികസിപ്പിക്കുന്ന ചില ആശ്ചര്യകരമായ ഘടകങ്ങളുണ്ട്. സ്ത്രീകളില്‍ ഹൃദ്രോഗസാധ്യത വര്‍ധിപ്പിക്കുന്ന അത്തരം ചില ഘടകങ്ങള്‍ ഇതാ.

12 വയസ്സിന് മുമ്പുള്ള ആര്‍ത്തവം

നേരത്തെ പ്രായപൂര്‍ത്തിയാകുമ്പോള്‍, സ്ത്രീകളില്‍ ഹൃദ്രോഗം ഉണ്ടാകാനുള്ള സാധ്യത വര്‍ദ്ധിക്കുന്നു. 13 വയസോ അതില്‍ കൂടുതലോ പ്രായമുള്ള സ്ത്രീകളെ അപേക്ഷിച്ച് 12 വയസ്സിന് മുമ്പ് ആദ്യ ആര്‍ത്തവം വരുന്ന സ്ത്രീകള്‍ക്ക് ഹൃദ്രോഗം ഉണ്ടാകാനുള്ള സാധ്യത 10 ശതമാനം കൂടുതലാണെന്ന് അടുത്തിടെ നടത്തിയ ഒരു പഠനം കണ്ടെത്തി. ഈസ്ട്രജന്റെ അളവ് വര്‍ധിച്ചതുകൊണ്ടാകാം ഇത്. ഇത്തരം ഘട്ടത്തില്‍ നിങ്ങളുടെ ജീവിതകാലത്ത് രക്തം കട്ടപിടിക്കുന്നതും സ്‌ട്രോക്കുകളും വര്‍ദ്ധിക്കും.

കഠിനമായ പനി

കഠിനമായ പനി ബാധിച്ചതിന് ശേഷം ഹൃദ്രോഗ സാധ്യത വര്‍ദ്ധിപ്പിക്കുമെന്ന് അറിയുമ്പോള്‍ നിങ്ങള്‍ ആശ്ചര്യപ്പെടും. അപകടകരമായ ബാക്ടീരിയകളും വൈറസുകളും മൂലമാണ് പനി ഉണ്ടാകുന്നത്. ഇവ നിങ്ങളുടെ ഹൃദയത്തിലേക്ക് നീങ്ങുകയും ഹൃദ്രോഗത്തിനും ഹൃദയസ്തംഭനത്തിനും കാരണമാകുകയും ചെയ്‌തേക്കാം. അതിനാല്‍, നിങ്ങള്‍ക്ക് കഠിനമായ പനി ഉണ്ടാകുന്ന ഘട്ടത്തില്‍ ഉടന്‍ ഡോക്ടറെ സമീപിക്കുക.

ഡയറ്റ് ഗുളികകള്‍ കഴിക്കുന്ന ശീലം

മിക്ക ഡയറ്റ് ഗുളികകളും നിങ്ങള്‍ക്ക് ശരിയായി പ്രവര്‍ത്തിക്കുന്നില്ല എന്നറിഞ്ഞാല്‍ നിങ്ങള്‍ ഞെട്ടും. ഈ ഡയറ്റ് ഗുളികകള്‍ ചിലപ്പോള്‍ നിങ്ങളുടെ ജീവന് പോലും ഭീഷണിയായേക്കാം. കാരണം ഈ ഗുളികകള്‍ക്ക് നിങ്ങളുടെ ഹൃദയത്തെ വേദനിപ്പിക്കുന്ന ഉത്തേജക ഫലമുണ്ട്. ഡയറ്റ് ഗുളികകള്‍ നിങ്ങളുടെ രക്തസമ്മര്‍ദ്ദവും ഹൃദയമിടിപ്പും വര്‍ദ്ധിപ്പിക്കും, ഇത് നിങ്ങളുടെ ഹൃദയത്തെ സമ്മര്‍ദ്ദത്തിലാക്കും. ഡയറ്റ് ഗുളികകള്‍ ദീര്‍ഘകാലംം കഴിക്കുന്നത് ഹൃദയത്തിന് സ്ഥിരമായ തകരാറുണ്ടാക്കും.

ഗര്‍ഭാവസ്ഥ

അതെ! നിങ്ങളുടെ ശരീരം ഒരു കുഞ്ഞിനെ കൂടി ചുമക്കുമ്പോള്‍ രക്തചംക്രമണവ്യൂഹത്തിന് അത് അധിക ജോലിയാണ്. നിങ്ങളുടെ ഹൃദയം കൂടുതല്‍ കഠിനമായി പ്രവര്‍ത്തിക്കുന്നു, നിങ്ങള്‍ ഗര്‍ഭിണിയായിരിക്കുമ്പോള്‍ രക്തത്തിന്റെ അളവ് ഇരട്ടിയാകുന്നു. ഗര്‍ഭാവസ്ഥയില്‍ നിങ്ങള്‍ക്ക് ഗര്‍ഭകാല പ്രമേഹം, ഉയര്‍ന്ന രക്തസമ്മര്‍ദ്ദം അല്ലെങ്കില്‍ പ്രീക്ലാംപ്‌സിയ എന്നിവ വരികയാണങ്കില്‍, നിങ്ങള്‍ക്ക് ഹൃദ്രോഗം ബാധിക്കാനുള്ള സാധ്യത വളരെ കൂടുതലാണ്.

ഹൃദയാഘാതം

നിങ്ങള്‍ അങ്ങേയറ്റം ദുഃഖിതനും വൈകാരികമായി വിഷമിക്കുന്നവനുമാണെങ്കില്‍, നിങ്ങള്‍ക്ക് ഹൃദ്രോഗം വരാനുള്ള സാധ്യതയുണ്ട്. പ്രിയപ്പെട്ട ഒരാളുടെ നഷ്ടം, വേര്‍പിരിയല്‍, സാമ്പത്തിക ക്ലേശം, അല്ലെങ്കില്‍ വിവാഹമോചനം എന്നിവ മൂലമുണ്ടാകുന്ന സമ്മര്‍ദ്ദകരമായ സാഹചര്യങ്ങളാണ് ബ്രോക്കണ്‍ ഹാര്‍ട്ട് സിന്‍ഡ്രോം ഉണ്ടാകുന്നത്. ഈ ഘടകങ്ങള്‍ ഹൃദ്രോഗ സാധ്യത വര്‍ദ്ധിപ്പിക്കുന്നു, വ്യായാമങ്ങള്‍, ധ്യാനം, യോഗ, തെറാപ്പി എന്നിവയിലൂടെ നിങ്ങള്‍ക്ക് ഇത് കൈകാര്യം ചെയ്യാന്‍ കഴിയും.

വൈന്‍ കുടിക്കുന്ന ശീലം

ജോലി കഴിഞ്ഞ് വീട്ടില്‍ വന്ന് ഒരു ഗ്ലാസ് വൈന്‍ കുടിക്കുന്ന ആളാണ് നിങ്ങളെങ്കില്‍, നിങ്ങള്‍ അത് ഉടനെ നിര്‍ത്തണം! വീഞ്ഞില്‍ ആല്‍ക്കഹോള്‍ അടങ്ങിയിട്ടുണ്ട്, അത് അമിതമായ അളവില്‍ കുടിച്ചാല്‍ അത് ശരീരത്തെ പ്രതികൂലമായി ബാധിക്കും. ഒരു ദിവസം രണ്ടില്‍ കൂടുതല്‍ പെഗ് മദ്യം കഴിക്കുന്നത് ഹൃദ്രോഗ സാധ്യത വര്‍ദ്ധിപ്പിക്കുന്നു. അതിനാല്‍, മിതമായ അളവില്‍ മാത്രം വീഞ്ഞ് കുടിക്കുക.

ഇന്‍ഫ്‌ളമേറ്ററി ഡിസീസ്

റൂമറ്റോയ്ഡ് ആര്‍ത്രൈറ്റിസ് സ്ത്രീകളെ ബാധിക്കാനുള്ള സാധ്യത കൂടുതലാണ്, ഇത് ഹൃദ്രോഗ സാധ്യത വര്‍ദ്ധിപ്പിക്കുന്നു. ഇത് ശരീരത്തില്‍ വീക്കം ഉണ്ടാക്കുകയും രക്തക്കുഴലുകള്‍ക്ക് കേടുപാടുകള്‍ വരുത്തുകയും ചെയ്യുന്നു. ഹൃദ്രോഗം തടയുന്നതിന് നിങ്ങള്‍ ആന്റി-ഇന്‍ഫ്‌ലമേറ്ററി സ്വഭാവമുള്ള ഭക്ഷണങ്ങള്‍ കഴിക്കണം.

ഏകാന്തത

നിങ്ങള്‍ക്ക് ഏകാന്തതയും സാമൂഹികമായി ഒറ്റപ്പെടലും അനുഭവപ്പെടുന്നുണ്ടെങ്കില്‍, ഇത് നിങ്ങളുടെ ഹൃദ്രോഗ സാധ്യത 30 ശതമാനം വര്‍ദ്ധിപ്പിക്കും. ഇത് പുകവലിക്ക് തുല്യമാണ്. സോഷ്യല്‍ മീഡിയയില്‍ നിന്ന് വിട്ടുനില്‍ക്കുക, ഒരു ക്ലബ്ബിലോ ഗ്രൂപ്പിലോ ചേരുക, പൊതുവായ താല്‍പ്പര്യമുള്ള സുഹൃത്തുക്കളുമായി ഇടപഴകുക, അല്ലെങ്കില്‍ നിങ്ങളുടെ ഏകാന്തത കുറയ്ക്കാന്‍ നിങ്ങള്‍ക്ക് ഒരു വളര്‍ത്തുമൃഗത്തെ വളര്‍ത്താം.

വിഷാദം

ഹൃദ്രോഗ സാധ്യത വര്‍ദ്ധിപ്പിക്കുന്ന മറ്റൊരു ഘടകമാണ് വിഷാദം. നിങ്ങള്‍ വിഷാദത്തിലായിരിക്കുമ്പോള്‍, സ്‌ട്രെസ് ഹോര്‍മോണായ കോര്‍ട്ടിസോള്‍ ഉയര്‍ന്നതായിത്തീരുന്നു, ഇത് ഹൃദ്രോഗവുമായി ബന്ധപ്പെട്ടിരിക്കുന്നു. ഉയര്‍ന്ന രക്തസമ്മര്‍ദ്ദം, ഉയര്‍ന്ന കൊളസ്‌ട്രോള്‍ എന്നിവയ്ക്കൊപ്പം ഹൃദ്രോഗത്തിനുള്ള ഒരു പ്രധാന അപകട ഘടകമാണ് വിഷാദം.

എ.ഡി.എച്ച്.ഡി (അറ്റന്‍ഷന്‍ ഡെഫിസിറ്റ് ഹൈപ്പര്‍ ആക്ടിവിറ്റി ഡിസോര്‍ഡര്‍)

അറ്റന്‍ഷന്‍ ഡെഫിസിറ്റ് ഹൈപ്പര്‍ ആക്ടിവിറ്റി ഡിസോര്‍ഡര്‍ ഉള്ളത് ശ്രദ്ധ കേന്ദ്രീകരിക്കാന്‍ ബുദ്ധിമുട്ടുള്ള ഒരു വിട്ടുമാറാത്ത അവസ്ഥയാണ്. ADHD ബാധിതരായ സ്ത്രീകള്‍ ചില മരുന്നുകള്‍ കഴിക്കുന്നു, അവ നിങ്ങളുടെ ഹൃദയമിടിപ്പും രക്തസമ്മര്‍ദ്ദവും വര്‍ദ്ധിപ്പിക്കുന്ന ഉത്തേജകങ്ങളാണ്. ഇവ നിങ്ങളുടെ ഹൃദയത്തില്‍ അധിക സമ്മര്‍ദ്ദം ചെലുത്തും. ഇത് ഹൃദ്രോഗ സാധ്യതയും വര്‍ദ്ധിപ്പിക്കും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.