ഇതെല്ലാം കഴിച്ച് പണി വാങ്ങല്ലേ.. പ്രമേഹവും വൃക്കരോഗവും ഉള്ളവര്‍ ഒഴിവാക്കേണ്ട ഭക്ഷണങ്ങള്‍

വൃക്കരോഗവും പ്രമേഹവും പലപ്പോഴും ഒരുമിച്ച് ചേര്‍ന്ന് പലരേയും ആരോഗ്യപരമായി തളര്‍ത്തുന്നു. കാരണം ഇത് ഒരു വ്യക്തിക്ക് വളരെയധികം നിയന്ത്രണങ്ങള്‍ നല്‍കും എന്നതാണ്. നിര്‍ഭാഗ്യവശാല്‍ ചികിത്സയില്ലാത്ത ഏറ്റവും സാധാരണമായ രോഗങ്ങളില്‍ ഒന്നാണ് പ്രമേഹം. അതുപോലെ, ആളുകള്‍ പലപ്പോഴും അവരുടെ ജീവിതത്തിന്റെ രണ്ടാം പകുതിയില്‍ വൃക്കസംബന്ധമായ രോഗങ്ങള്‍ക്കും കീഴടങ്ങുന്നു. ഇത് അവരെ പല ഭക്ഷണ നിയന്ത്രണങ്ങളിലേക്കും നയിക്കുന്നു.

പ്രമേഹവും വൃക്കരോഗവും ഒരുമിച്ച് സഹിക്കുന്ന ഒരു വ്യക്തിക്ക് ജീവിതത്തില്‍ പലവിധ നിയന്ത്രണങ്ങളും നടത്തേണ്ടതുണ്ട്. ഈ രണ്ട് അവസ്ഥകളുമുള്ള ആളുകള്‍ അവരുടെ ആരോഗ്യം നിലനിര്‍ത്താന്‍ കര്‍ശനമായി ഒഴിവാക്കേണ്ട ചില ഭക്ഷണസാധനങ്ങളുണ്ട്. ഭക്ഷണക്രമം പാലിച്ചില്ലെങ്കില്‍ വൃക്കരോഗം വരാനുള്ള സാധ്യതയും പ്രമേഹം വര്‍ദ്ധിപ്പിക്കുന്നു. ഒരേ സമയം വൃക്കരോഗവും പ്രമേഹവും ഉണ്ടെങ്കില്‍ ഒഴിവാക്കേണ്ട ചില ഭക്ഷണങ്ങള്‍ ഇതാ.

പ്രോസസ് ചെയ്ത മാംസവും ഭക്ഷണങ്ങളും

പ്രോസസ് ചെയ്ത ഭക്ഷണം നിങ്ങളുടെ ആരോഗ്യത്തിന് നല്ലതല്ല, പ്രത്യേകിച്ച് നിങ്ങള്‍ മാംസം കഴിക്കുകയാണെങ്കില്‍. കാരണം, പ്രോസസ് ചെയ്ത മാസം പലപ്പോഴും മാംസം ഉണക്കി, ഉപ്പിട്ടാണ് ഉണ്ടാക്കുന്നത്. അത് എല്ലാ പോഷകങ്ങളും നീക്കുകയും അനാരോഗ്യകരമായ കാര്‍ബോഹൈഡ്രേറ്റ് അവശേഷിപ്പിക്കുകയും ചെയ്യുന്നു. നിങ്ങള്‍ക്ക് വൃക്കരോഗവും പ്രമേഹവും ഒരുമിച്ച് ഉണ്ടെങ്കില്‍ നിങ്ങള്‍ ശാശ്വതമായി ഉപേക്ഷിക്കേണ്ട ചില ഭക്ഷണങ്ങളാണ് ബേക്കണ്‍, സോസേജ്, ഡെലി മീറ്റ്‌സ് എന്നിവ. ഇത്തരം ഭക്ഷണങ്ങളില്‍ ഉയര്‍ന്ന അളവില്‍ സോഡിയം അടങ്ങിയിട്ടുണ്ട്. യഥാര്‍ത്ഥത്തില്‍ ഒരു ദിവസം അനുവദനീയമായ അളവിന്റെ 60-70% അധികം സോഡിയമാണ് ഇത്തരം ഭക്ഷണങ്ങളിലുള്ളത്. അതിനാല്‍, ദിവസേന കഴിച്ചാല്‍ അവ നിങ്ങളുടെ വൃക്കകളുടെ പ്രവര്‍ത്തനം തകരാറിലാക്കിയേക്കാം.

സോഡ

വിവിധ നിറങ്ങളിലും രുചികളിലും സോഡകള്‍ വരുന്നു. സോഡ സുതാര്യമാണ്, പക്ഷേ അത് എല്ലായ്‌പ്പോഴും അങ്ങനെയല്ല. ശീതളപാനീയങ്ങളിലും പാനീയങ്ങളിലും പലപ്പോഴും ഉപയോഗിക്കുന്ന ഉയര്‍ന്ന അളവില്‍ ഫോസ്ഫറസ് അടങ്ങിയ ഇരുണ്ട നിറമുള്ള സോഡകളുണ്ട്. ഈ പാനീയങ്ങളില്‍ ഭൂരിഭാഗവും 350 മില്ലി സെര്‍വിംഗില്‍ 90-180 മില്ലിഗ്രാം സോഡ അടങ്ങിയിട്ടുണ്ട്. ഇത് പ്രമേഹരോഗികള്‍ക്ക് ഫോസ്ഫറസ് ലഭിക്കേണ്ട ഉയര്‍ന്ന പരിധിയേക്കാള്‍ വളരെ കൂടുതലാണ്. കടും നിറമുള്ള സോഡ നിങ്ങളുടെ ഭക്ഷണക്രമത്തെ ബാധിക്കുക മാത്രമല്ല, ഹൃദ്രോഗ സാധ്യത വര്‍ദ്ധിപ്പിക്കുകയും എല്ലുകളെ ദുര്‍ബലപ്പെടുത്തുകയും ചെയ്യും.

പൊട്ടാസ്യം അടങ്ങിയ പഴങ്ങള്‍

പഴങ്ങള്‍ ആരോഗ്യകരവും പോഷകപ്രദവുമാണ്, എന്നാല്‍ വൃക്കരോഗമുള്ള പ്രമേഹരോഗികള്‍ക്ക് ഇത് അപകടകരമാണ്. ഈ രോഗങ്ങളുള്ളവര്‍ക്ക് പഞ്ചസാരയുടെ അളവ് കൂടുതലുള്ളതോ പൊട്ടാസ്യത്തിന്റെ അളവ് കൂടുതലുള്ളതോ ആയ ചില പഴങ്ങള്‍ കഴിക്കാന്‍ കഴിയില്ല. അവോക്കാഡോ, ആപ്രിക്കോട്ട്, കിവി, ഓറഞ്ച്, വാഴപ്പഴം എന്നിവയാണത്. എന്നിരുന്നാലും, ഈ പഴങ്ങളില്‍ വൃക്കരോഗികള്‍ക്ക് ഗുണം ചെയ്യുന്ന മറ്റ് ചില പോഷകങ്ങള്‍ ഉള്ളതിനാല്‍, നിങ്ങളുടെ ഡോക്ടറുടെ ശുപാര്‍ശ പ്രകാരം ഈ ലിസ്റ്റില്‍ നിന്ന് ചെറിയ അളവില്‍ പഴങ്ങള്‍ കഴിക്കാം. ഇവയ്ക്ക് പകരമായി മുന്തിരി, പൈനാപ്പിള്‍, മാമ്പഴം, ആപ്പിള്‍ എന്നിവ കഴിക്കാം.

ഡ്രൈ ഫ്രൂട്‌സ്

വൃക്കരോഗികളും പ്രമേഹരോഗികളും പരിമിതപ്പെടുത്തേണ്ട മറ്റൊരു ഭക്ഷണമാണ് ഡ്രൈ ഫ്രൂട്ട്‌സ്. അവയില്‍ പഞ്ചസാരയും പൊട്ടാസ്യം പോലുള്ള ധാതുക്കളും ധാരാളം അടങ്ങിയിട്ടുണ്ട്, അതിനാല്‍ ഇവ കഴിക്കരുതെന്ന് പറയുന്നു. പ്രത്യേകിച്ച് പ്രമേഹരോഗികള്‍ ഡ്രൈ ഫ്രൂട്‌സ് കഴിക്കുന്നതില്‍ ശ്രദ്ധിക്കണം, കാരണം ഈ ഭക്ഷണത്തില്‍ അടങ്ങിയിരിക്കുന്ന വേഗത്തില്‍ ദഹിപ്പിക്കുന്ന പഞ്ചസാര നിങ്ങളുടെ ആരോഗ്യനിലയെ ബാധിക്കും.

ബീന്‍സ്, പയര്‍

മിക്ക കേസുകളിലും, ബീന്‍സ്, പയര്‍ എന്നിവ ആരോഗ്യകരവും സൗകര്യപ്രദവുമാണ്. എന്നിരുന്നാലും, വൃക്കരോഗവും പ്രമേഹവും ഉള്ള ആളുകള്‍ക്ക് ബീന്‍സ്, പയര്‍ എന്നിവയിലെ താരതമ്യേന ഉയര്‍ന്ന ഫോസ്ഫറസ് ഉള്ളടക്കം കാരണം അത്ര അനുയോജ്യമല്ല. ഇവയുടെ ടിന്നിലടച്ച പതിപ്പുകളില്‍ സാധാരണയായി സോഡിയം കൂടുതലാണ്. ഉദാഹരണത്തിന്, 1 കപ്പ് (185 ഗ്രാം) ടിന്നിലടച്ച പയറുകളില്‍ 633 മില്ലിഗ്രാം പൊട്ടാസ്യവും 309 മില്ലിഗ്രാം ഫോസ്ഫറസും അടങ്ങിയിരിക്കുന്നു. നിങ്ങള്‍ ബീന്‍സും പയറും കഴിക്കണമെങ്കില്‍, നിങ്ങള്‍ക്ക് അവ ചെറിയ അളവില്‍ കഴിക്കാം. സോഡിയത്തിന്റെ അംശം 40-60% വരെ കുറയ്ക്കാന്‍ കഴിയുമെന്നതിനാല്‍ വൃക്കരോഗികള്‍ക്ക് നല്‍കുന്നതിന് മുമ്പ് ബീന്‍സും പയറും നന്നായി വറ്റിച്ചിരിക്കണം.

പഴച്ചാറുകള്‍

പ്രമേഹ രോഗികള്‍ പഴച്ചാറുകള്‍ പൂര്‍ണ്ണമായും ഒഴിവാക്കേണ്ടതില്ല, പക്ഷേ അത് നിയന്ത്രിക്കേണ്ടതുണ്ട്. ഇതിന് പിന്നിലെ കാരണം, പായ്ക്ക് ചെയ്യുന്ന മിക്ക പഴച്ചാറുകളിലും ശരീരത്തിലെ രക്തത്തിലെ പഞ്ചസാരയുടെ അളവ് വര്‍ദ്ധിപ്പിക്കുന്ന നിരവധി പ്രിസര്‍വേറ്റീവുകളും പഞ്ചസാരയും അടങ്ങിയിട്ടുണ്ട്. അതിനാല്‍ ഇത് ആരോഗ്യപ്രശ്‌നങ്ങള്‍ക്ക് ഇടയാക്കും, ഇത് ഒഴിവാക്കാന്‍, വീട്ടില്‍ ഉണ്ടാക്കുന്ന ഫ്രഷ് ജ്യൂസ് കഴിക്കാന്‍ ശ്രമിക്കുക, അധിക പഞ്ചസാര ചേര്‍ക്കരുത്.

ചില പച്ച ഇലക്കറികള്‍

ചീര, ബീറ്റ്‌റൂട്ട് ഗ്രീന്‍, ചാര്‍ഡ് എന്നിവ വൃക്കരോഗം ബാധിച്ച രോഗികള്‍ ഒഴിവാക്കേണ്ട ചില പച്ച പച്ചക്കറികളാണ്. പൊട്ടാസ്യത്തിന്റെ ഉയര്‍ന്ന ഉള്ളടക്കം ഉള്ള മിക്കവരുടെയും അതേ കാരണത്താലാണ് ഇത്. ചില ചീരകളോ ഈ പച്ചക്കറികളോ കഴിക്കുന്നത് വലിയ ദോഷം ചെയ്യില്ലെന്ന് മിക്ക ആളുകളും കരുതുന്നു, പക്ഷേ ചെറിയ അളവിലും പൊട്ടാസ്യത്തിന്റെ അളവ് അതേപടി തുടരുന്നതിനാല്‍ ഇത് പ്രശ്‌നങ്ങള്‍ ഉണ്ടാക്കും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.