ഫിറ്റ്‌നസ് വേണമെങ്കില്‍ പയ്യന്‍സ്‌ ഇവ കഴിക്കണം

തക്കാളി

തക്കാളി സൂപ്പര്‍ഫുഡ് ഗണത്തില്‍ പെടുന്നതാണ്. ഇത് കുടലിലെ ക്യാന്‍സറിനെ ചെറുക്കുന്നു. മാത്രമല്ല പ്രോസ്‌റ്റേറ്റ് ക്യാന്‍സര്‍, ഹൃദ്രോഗം, കൊള്‌ട്രോള്‍ എന്നിവയ്ക്കും പരിഹാരമാണ് എന്നതാണ് സത്യം.

കല്ലുമ്മക്കായ

സിങ്കിന്റെ അംശം ധാരാളമായി അടങ്ങിയിട്ടുള്ളതാണ് കല്ലുമ്മക്കായ. ഇത് പുരുഷന്‍മാരിലെ വന്ധ്യതയ്ക്കും ലൈംഗികാരോഗ്യത്തിനും ഏറെ സഹായകമാണ്

ധാന്യങ്ങള്‍

വിറ്റാമിന്‍, മിനറലുകള്‍, നാരുകള്‍ എന്നിവയുടെ സാന്നിധ്യം അടങ്ങിയിട്ടുള്ളതാണ് ധാന്യങ്ങള്‍. ഓട്‌സ്, ചുവന്ന അരി എന്നിവ ധാരാളം വൈറ്റമിന്‍ ബി അടങ്ങിയിട്ടുള്ളതാണ്. ഇത് വിഷാദ രോഗത്തെ ചെറുക്കും.

വെളുത്തുള്ളി

ഹൃദ്രോഗത്തെ ചെറുക്കുന്നതിന് വെളുത്തുള്ളി നല്ലതാണ്. വെളുത്തുള്ളി സ്തിരമായി കഴിയ്ക്കുന്നത് കൊളസ്‌ട്രോള്‍ ലെവല്‍ കൃത്യമാകാന്‍ സഹായിക്കുന്നു.

മത്തി

മത്തി ധാരാളം കഴിയ്ക്കുന്നതും നല്ലതാണ്. ഇതില്‍ ഒമേഗ 3 ഫാറ്റി ആസിഡ് അടങ്ങിയിട്ടുള്ളതിനാല്‍ പുരുഷന്‍മാരിലെ ഹൃദ്രോഗത്തെ ചെറുക്കുന്നു. മാത്രമല്ല കുടലിലെ ക്യാന്‍സറിനെയും ഇല്ലാതാക്കുന്നു.

ബ്ലൂബെറി

പ്രോസ്‌റ്റേറ്റ് ക്യാന്‍സറിനെ ചെറുക്കാന്‍ ബ്ലൂബെറിയ്ക്ക് പ്രത്യേക കഴിവുണ്ട്. ഹൃദ്രോഗം, ടൈപ് ടു ഡയബറ്റിസ്, പ്രായമാകുന്തോറുമുള്ള ഓര്‍മ്മക്കുറവ് ഇവയെല്ലാം ബ്ലൂബെറി ചെറുക്കും.

ബ്രോക്കോളി

ബ്രോക്കോളി ക്യാന്‍സറിനെ ചെറുക്കുന്നതില്‍ മുന്‍പിലാണ്. മൂത്രാശയത്തിലെ ക്യാന്‍സര്‍, പ്രോസ്‌റ്റേറ്റ് ക്യാന്‍സര്‍ എന്നിങ്ങനെ പുരുഷന്‍മാരില്‍ കാണുന്ന അര്‍ബുദ രോഗങ്ങള്‍ക്ക് പ്രതിവിധിയാകാന്‍ ബ്രോക്കോളിയ്ക്ക് കഴിയും.

മുട്ട

കഷണ്ടി ബുദ്ധിമുട്ടിക്കുന്നവരില്‍ പരിഹാരം നല്‍കാന്‍ മുട്ടയ്ക്ക് കഴിയും. മുട്ടയില്‍ ധാരാളം പ്രോട്ടീന്‍ അടങ്ങിയിട്ടുള്ളതിനാല്‍ ഇത് മുടി വളര്‍ച്ചയ്ക്ക് സഹായിക്കും.

മാതള നാരങ്ങ ജ്യൂസ്

കൊളസ്‌ട്രോള്‍ കുറയ്ക്കാന്‍ മാതള നാരങ്ങ ജ്യൂസ് ഉത്തമമാണ്. ഇത് പ്രോസ്‌റ്റേറ്റ് ക്യാന്‍സറിനേയും ചെറുക്കുന്നു.