ഉറങ്ങാനുള്ള ഭക്ഷണവും ഉറക്കം കെടുത്തുന്ന ഭക്ഷണവും

പാല്‍

പാലില്‍ അമിനോ ആസിഡ് അടങ്ങിയിട്ടുള്ളതിനാല്‍ ക്ഷീണം കുറയ്ക്കാനും നല്ല ഉറക്കത്തിനും സഹായിക്കുന്നു. അതുകൊണ്ട് തന്നെയാണ് ഉറങ്ങാന്‍ പോകുന്നതിനു മുന്‍പ് ഒരു ഗ്ലാസ്സ് പാല്‍ കുടിയ്ക്കണം എന്ന് പലരും പറയുന്നതും.

ചോറ്

നല്ല ഉറക്കത്തിന് സഹായിക്കുന്ന ഭക്ഷണമാണ് ചോറ്. എന്നാല്‍ പലരും അമിത ഭാരത്തിന്റെ പേര് പറഞ്ഞ് ചോറിനെ ഒരു കയ്യകലം നിര്‍ത്തുകയാണ് പതിവ്.

പഴം

അത്താഴശേഷം പഴം കഴിയ്ക്കുന്ന പതിവും നമ്മള്‍ മലയാളികള്‍ക്ക് അന്യമല്ല. നല്ല ഉറക്കത്തിന് സഹായിക്കുമെന്നതിനാല്‍ തന്നെയാണ് പഴവും ശീലമാക്കുന്നത്.

വൈന്‍

രാത്രി അല്‍പം വൈന്‍ കഴിച്ച് ഉറങ്ങാമെന്ന് വിചാരിക്കുന്നവര്‍ ഈ ശീലത്തിന് തടയിടുന്നതാണ് നല്ലത്. ഇത് ഹൃദയാരോഗ്യം സംരക്ഷിക്കുമെങ്കിലും ഉറക്കത്തിന്റെ കാര്യത്തില്‍ നോ രക്ഷ.

ചോക്ലേറ്റ്

ഡാര്‍ക്ക് ചോക്ലേറ്റും ഇത്തരത്തില്‍ ഉറക്കത്തിന് വിലക്ക് തീര്‍ക്കുന്ന ഭക്ഷണങ്ങളുടെ ഗണത്തില്‍ പെടുന്നതാണ്. നല്ല ഉറക്കം ആഗ്രഹിക്കുന്നവര്‍ ഒരിക്കലും ഉറങ്ങാന്‍ പോകുന്നതിനു മുന്‍പ് ചോക്ലേറ്റ് കഴിക്കരുത്.

കാപ്പി

ഉറക്കം പോകാന്‍ ഏറ്റവും ബെസ്റ്റ് പാനീയമാണ് കാപ്പി. .കാപ്പിയില്‍ അടങ്ങിയിട്ടുള്ള കഫീന്‍ പലപ്പോഴും ഉറക്കത്തെ ഇല്ലാതാക്കും.

ചിക്കന്‍

ചിക്കന്‍ കഴിയ്ക്കുന്നത് ആരോഗ്യത്തിന് നല്ലതാണ്. എന്നാല്‍ രാത്രിയില്‍ ഇവനെ അങ്ങ് മാറ്റി നിര്‍ത്തുന്നതാണ് നല്ലത്. മാത്രമല്ല വയറു നിറയെ ഭക്ഷണം കഴിച്ച് ഉറങ്ങാന്‍ കിടക്കുന്നതും നമ്മുടെ രാത്രി ശിവരാത്രിയാക്കും.

ഗ്രീന്‍ ടീ

തടി കുറയ്ക്കുന്നതുള്‍പ്പടെ നിരവധി ആരോഗ്യപരമായ മേന്‍മകള്‍ ഗ്രീന്‍ ടീയ്ക്കുണ്ട്. എന്നാല്‍ രാത്രി ഗ്രീന്‍ ടീ കുടിയ്ക്കുന്നത് ആരോഗ്യത്തിനും ഉറക്കത്തിനും ക്ഷീണമുണ്ടാക്കും.