വേരുകളിലൂടെ തടി കുറയ്ക്കൂ

ഉരുളക്കിഴങ്ങ്

ഉരുളക്കിഴങ്ങ് തടി കൂട്ടുമെന്ന ധാരണ ചിലര്‍ക്കെങ്കിലുമുണ്ട്. എന്നാല്‍ ഇത് തടി കുറയ്ക്കാന്‍ സഹായിക്കുമെന്നാണ് ജേര്‍ണല്‍ മോളിക്യുലാര്‍ ന്യൂട്രീഷന്‍ ആന്റ് ഫുഡ് റിസര്‍ച്ച് പ്രസിദ്ധീകരിച്ച പഠനത്തില്‍ പറയുന്നത്. ഇതിലെ സ്റ്റാര്‍ച്ച് അടങ്ങിയ വേരുകള്‍ കോംപ്ലക്‌സ കാര്‍ബോഹൈഡ്രേറ്റുകളുടെ ഉറവിടമാണ്. കൊഴുപ്പു കുറവും. ശരീരത്തിലെ അപചയപ്രക്രിയ ശക്തിപ്പെടുത്തി തടി കുറയ്ക്കാന്‍ ഇത് സഹായിക്കും.

ഇഞ്ചി

രാവിലെ വെറുവയറ്റില്‍ ഒരു കഷ്ണം ഇഞ്ചിയും തേനും ചേര്‍ത്തു കഴിയ്ക്കുക. തടി കുറയ്ക്കാനുള്ള നല്ലൊരു വഴിയാണിത്.

ബീറ്റ്‌റൂട്ട് ജ്യൂസ്

ബീറ്റ്‌റൂട്ട് ജ്യൂസ് കുടിയ്ക്കുന്നത്, പ്രത്യേകിച്ചു ജിമ്മില്‍ പോകുന്നവര്‍ കുടിയ്ക്കുന്നത് ഏറെ നല്ലതാണ്. ഇത് ഊര്‍ജം വര്‍ദ്ധിപ്പിക്കും. ശരീരത്തിലെ ഓക്‌സിജന്‍ തോത് 16 ശതമാനം വര്‍ദ്ധിപ്പിച്ച് തടി കുറയ്ക്കാന്‍ സഹായകമാകും.

മഞ്ഞള്‍

മഞ്ഞള്‍ ഭക്ഷണത്തില്‍ ചേര്‍ക്കുക. തടി കുറയ്ക്കാനുള്ള നല്ലൊരു വഴിയാണിത്.

ക്യാരറ്റ് ജ്യൂസ്

ദിവസവും ഒരു ഗ്ലാസ് ക്യാരറ്റ് ജ്യൂസ് കുടിയ്ക്കുക. ഇതില്‍ കൊഴുപ്പു കുറവാണ്. മാത്രമല്ല, ശരീരത്തിലെ കൊഴുപ്പു കത്തിച്ചു കളയാന്‍ സഹായിക്കുകയും ചെയ്യും.

റാഡിഷ്‌

100ഗ്രാം റാഡിഷില്‍ 16 ഗ്രാം കലോറി മാത്രമേയുളളൂ. തടി കുറയ്ക്കാന്‍ പറ്റിയ നല്ലൊരു വേരാണിത്. ഇതിലെ നാരുകള്‍ തന്നെയാണ് സഹായിക്കുന്നത്.

കൂവ

കൂവ അഥവാ ആരോറൂട്ട് തടി കുറയ്ക്കാന്‍ സഹായിക്കുന്ന മറ്റൊരു ഭക്ഷണവസ്തുവാണ്. ഇതില്‍ ധാരാളം പ്രോട്ടീന്‍ അടങ്ങിയിട്ടുണ്ട്. കൊഴുപ്പു തീരെക്കുറവും.