തടിവെയ്ക്കാനാണോ ബുദ്ധിമുട്ടുന്നത്..?

പാല്‍

ദിവസവും രണ്ട് ഗ്ലാസ് പാല്‍ കുടിക്കുക. ചായയും കാപ്പിയും ഒഴിവാക്കാം.

ഏത്തപ്പഴം

ശരീരഭാരം വര്‍ദ്ധിപ്പിക്കാന്‍ സഹായിക്കുന്നതാണ് ഏത്തപ്പഴം. പ്രഭാതഭക്ഷണത്തില്‍ എന്നും ഏത്തപ്പഴം ഉള്‍പ്പെടുത്താം. ഏത്തപ്പഴം കൊണ്ടുള്ള ഷെയ്ക്കും കഴിക്കാം.

ജ്യൂസ്

പഴങ്ങളുടെ ജ്യൂസ് ധാരാളം കഴിക്കുന്നതും ശരീരഭാരം കൂട്ടും. ആരോഗ്യകരമായ ശരീരം സ്വന്തമാക്കാം.

അളവ് വര്‍ദ്ധിപ്പിക്കാം

ഓരോദിവസവും കഴിക്കുന്ന പോഷകാഹാരങ്ങളും അളവ് അല്പാല്‍പ്പമായി വര്‍ധിപ്പിക്കാം. ഒരു ദിവസം വാരിവലിച്ച് കഴിച്ചതിനെക്കൊണ്ട് ഒന്നും നേടാനില്ല.

കിഴങ്ങ് വര്‍ഗം

അന്നജം ധാരാളം ഉള്ള ഭക്ഷണം കഴിക്കുക. മധുരക്കിഴങ്ങ്, ഉരുളക്കിഴങ്ങ്, ധാന്യങ്ങള്‍ എന്നിവ ഭക്ഷണത്തില്‍ ഉള്‍പ്പെടുത്തുക.

മത്സ്യം

മത്സ്യം കഴിക്കുന്നതും ശരീരഭാരം കൂട്ടും. നല്ല പോഷക ഗുണങ്ങളുള്ള കടല്‍ മത്സ്യങ്ങള്‍ കഴിക്കുക. മത്തി, ചെറിയതരം മീനുകള്‍ എന്നിവ കഴിക്കുന്നതാണ് ഏറ്റവും നല്ലത്.

ചോറ്

ഓരോ ദിവസവും കഴിക്കുന്ന ചോറിന്റെ അളവില്‍ ചെറിയ വര്‍ദ്ധനവ് വരുത്തുക. വലിച്ചുവാരി കഴിക്കേണ്ടതില്ല.

മുട്ട

കാത്സ്യവും പ്രോട്ടീനും അടങ്ങിയ മുട്ട എന്നും പ്രഭാതഭക്ഷണത്തില്‍ ഉള്‍പ്പെടുത്തുകയാണെങ്കില്‍ ഏറ്റവും മികച്ചതാകും.

ഉണക്കിയ പഴങ്ങള്‍

ഈന്തപ്പഴം, ഉണക്കിയ പഴങ്ങള്‍ എന്നിവ കഴിക്കുന്നതുവഴിയും ശരീരഭാരം കൂട്ടാം. നല്ല ആരോഗ്യശക്തിയും ലഭിക്കും.

തൈര്

ഉച്ചഭക്ഷണത്തില്‍ എന്നും തൈര് ഉള്‍പ്പെടുത്തുക.