അത്താഴത്തിനു ശേഷം ഇവ നിര്‍ബന്ധം

കര്‍പ്പൂര തുളസി

കര്‍പ്പൂര തുളസി ആരോഗ്യത്തിന് വളരെ നല്ലതാണ്. അതുകൊണ്ടു തന്നെ അത്താഴത്തിനു ശേഷം കര്‍പ്പൂര തുളസിയുടെ ഒന്നോ രണ്ടോ ഇലയെടുത്ത് ചവയ്ക്കുന്നത് വളരെ നല്ലതാണ്. ഇത് ദഹനത്തെ സഹായിക്കും.

ജീരകം

ജീരകം ഇട്ടു തിളപ്പിച്ച വെള്ളം നാം നിത്യേന ഉപയോഗിക്കും. അതുപോലെ തന്നെയാണ് അത്താഴശേഷം കുറച്ച് ജീരകം കഴിയക്കുന്നത് ദഹനത്തെ ഉഷാറാക്കുകയും നല്ല ഉറക്കം ലഭിയ്ക്കാന്‍ കാരണമാകുകയും ചെയ്യും.

തേനും നാരങ്ങയും

നാരങ്ങാ നീരില്‍ അല്‍പം തേന്‍ ചാലിച്ച് ഭക്ഷണ ശേഷം കഴിയ്ക്കുക. ഇത് ദഹനപ്രശ്‌നത്തെ മാത്രമല്ല ഇല്ലാതാക്കുന്നത് വയറിന്റെ പല തരത്തിലുള്ള പ്രശ്‌നങ്ങളേയും ചെറുക്കുന്നു.

അത്താഴത്തിന് ചട്‌നിയോ?

അത്താഴത്തിനോടൊപ്പം ചട്‌നി കഴിയ്ക്കുന്നത് എന്തുകൊണ്ടും നല്ലതാണ്. പുതിനയിലയും മല്ലിയിലയും ഉള്‍പ്പെടുത്തിയുള്ള ചട്‌നിയാണെങ്കില്‍ ഇത് ആരോഗ്യത്തിനും വളരെയധികം സഹായിക്കുന്നു.

തണുത്ത വെള്ളം

വെള്ളം കുടിയ്ക്കുന്നത് ശരീരത്തിന് ഏറ്റവും നല്ലതാണ്. എന്നാല്‍ അത്താഴത്തിനിടയില്‍ വെള്ളം കുടിയ്ക്കാതെ അത്താഴശേഷം തണുത്ത വെള്ളം കുടിയ്ക്കുന്നത് എന്തു കൊണ്ടും നല്ലതാണ്.

പെരുഞ്ചീരകം

പെരുഞ്ചീരകത്തെ പ്രത്യേകം പരിചയപ്പെടുത്തേണ്ട ആവശ്യമില്ല. പെരുഞ്ചീരകം നോണ്‍വെജ് ഭക്ഷണങ്ങള്‍ക്ക് രുചി കൂട്ടാന്‍ ഉപയോഗിക്കുന്നു. എന്നാല്‍ അത് മാത്രമല്ല ഇതിന്റെ പ്രത്യേകത. അത്താഴ ശേഷം കുറച്ച് പെരുഞ്ചീരകം കഴിയ്ക്കുന്നത് ദഹനത്തേയും ഉറക്കത്തേയും സഹായിക്കും.

നാരങ്ങ വെള്ളം

നാരങ്ങയും തേനും മിക്‌സ് ചെയ്ത് കഴിയ്ക്കുന്നത് എന്തുകൊണ്ടും നല്ലതാണ്. എന്നാല്‍ തേന്‍ ഉപയോഗിക്കാതെ നാരങ്ങാ വെള്ളം ഉപ്പിട്ട് കുടിയ്ക്കുന്നതും ഉത്തമമാണ്.

തുളസിയില

തുളസിയില നമ്മളെല്ലാവരും ചവച്ചു നടക്കുന്ന ഒന്നാണ്. അതുപോലെ തന്നെയാണ് അത്താഴ ശേഷം അല്‍പം തുളസിയില ചവച്ചു കഴിയ്ക്കുന്നത് പല്ലിന്റെ ആരോഗ്യത്തിനും ദഹനപ്രശ്‌നങ്ങള്‍ക്കും നല്ലതാണ്.

കറ്റാര്‍വാഴ

കറ്റാര്‍ വാഴ എന്തുകൊണ്ടും ആരോഗ്യം സംരക്ഷിക്കുന്ന ഒന്നാണ്. ആരോഗ്യം മാത്രമല്ല സൗന്ദര്യവും സംരക്ഷിയ്ക്കുന്നതില്‍ കറ്റാര്‍ വാഴ മുന്‍പിലാണ്. അത്താഴശേഷം അല്‍പം കറ്റാര്‍ വാഴ ജ്യൂസ് കഴിയ്ക്കുന്നത് ആരോഗ്യം വര്‍ദ്ധിപ്പിക്കും.