ലൈംഗികത സുഖകരമാകാന്‍ ഇവ കഴിക്കൂ...

By Sruthi K M

Published: Wednesday, May 27, 2015, 11:48 [IST]

ലൈംഗിക ബന്ധം എത്രമാത്രം സുഖകരമാക്കാന്‍ കഴിയുന്നുവോ അത്രയും നല്ലതാണ് മനസ്സിനും ശരീരത്തിനും. വിപണിയില്‍ ഇന്ന് കാണുന്ന പല മരുന്നുകളും ലൈംഗികശേഷി കൂട്ടാനും വന്ധ്യത പരിഹരിക്കാനുള്ളതുമാണ്. ശരീരത്തിന്റെ ആരോഗ്യനിലയും ലൈംഗിക ഹോര്‍മോണുകളുടെ ഉത്പാദനത്തിനും ആവശ്യത്തിന് പോഷകങ്ങള്‍ ആവശ്യമാണ്. അമിതവണ്ണവും വണ്ണക്കുറവും ഒരുപോലെ ലൈംഗിക ബന്ധത്തിന് തടസ്സമാകും.

കിടപ്പുമുറിയിലെ നിങ്ങളുടെ താല്‍പര്യം

നഷ്ടപ്പെട്ടു പോകുന്ന രതിമൂര്‍ച്ചയ്ക്ക് പരിഹാരം നല്‍കുന്ന ഭക്ഷണങ്ങള്‍ ഒട്ടേറെയുണ്ട്. ശരിയായ ഭക്ഷണം കഴിക്കുകയും ചില ഭക്ഷണങ്ങള്‍ ഒഴിവാക്കുകയും ചെയ്താല്‍ നിങ്ങളുടെ ലൈംഗികോര്‍ജം കൂട്ടാം..

തണ്ണിമത്തങ്ങ

തണ്ണിമത്തങ്ങയില്‍ അടങ്ങിയിരിക്കുന്ന സിട്രൂലിന്‍ എന്ന രാസവസ്തു രക്തക്കുഴലുകളെ വികസിപ്പിച്ച് രക്തയോട്ടം കൂട്ടും.

കക്കയിറച്ചി

സിങ്കിന്റെ അളവ് കുറയുന്നത് ലൈംഗികശേഷിക്കുറവിന് കാരണമാകാം. കക്കയിറച്ചി, കല്ലുമ്മക്കായ എന്നിവ സിങ്കിന്റെ കലവറയാണ്.

മത്തി

ലൈംഗികഹോര്‍മോണായ ടെസ്‌റ്റോസ്റ്റിറോണിന്റെ ഉത്പാദനത്തിനും ആരോഗ്യമുള്ള ബീജങ്ങള്‍ക്കും ഫാറ്റി ആസിഡ് ആവശ്യമാണ്. മത്തി, അയല പോലുള്ള മീനുകളിലെ ഫാറ്റി ആസിഡുകള്‍ ഇതിനു സഹായകമാകും.