നോമ്പുകാലത്ത് നല്ലത് സസ്യാഹാരം

ഗോതമ്പ്

ഗോതമ്പ് കൊണ്ടുള്ള ഭക്ഷണം നല്ലതാണ്. റവ, റാഗി, കൂവ എന്നിവ മികച്ചവയാണ്. പുട്ട് ഒഴിവാക്കുന്നതാണ് നല്ലത്. അതിനുപകരം പത്തിരി കഴിക്കാം.

പഴവര്‍ഗങ്ങള്‍

ജ്യൂസായി കഴിക്കുന്നതിനേക്കാള്‍ നല്ലത് പവവര്‍ഗങ്ങള്‍ അതു പോലെ കഴിക്കുന്നതാണ് നല്ലത്.

പ്രമേഹരോഗികള്‍

പ്രമേഹരോഗികള്‍ സൂജിഗോതമ്പ് വേവിച്ചു കഴിക്കുന്നത് ഗുണം ചെയ്യും.

രക്തസമ്മര്‍ദ്ദം ഉള്ളവര്‍

രക്തസമ്മര്‍ദ്ദം ഉള്ളവര്‍ മുരിങ്ങയില കൂടുതല്‍ ഉള്‍പ്പെടുത്തുക.

കാരയ്ക്ക

അയണും, കലോറിയും ധാരാളം അടങ്ങിയ കാരയ്ക്ക കഴിച്ച് നോമ്പ് തുറന്നശേഷം ഇലനീര്‍ കഴിക്കുന്നതാണ് ഉത്തമം. അല്ലെങ്കില്‍ കല്‍ക്കണ്ടം ചേര്‍ത്ത തണുത്ത വെള്ളം കഴിക്കാം.

കഴിക്കേണ്ടത്

കറുത്ത കസ്‌കസ് വെള്ളത്തിലട്ടത് കുടിച്ചും നോമ്പ് തുറക്കാം. പഴച്ചാര്‍, ചെറുപയര്‍ തിളപ്പിച്ച വെള്ളം, റവകൊണ്ടുള്ള കട്ടികുറഞ്ഞ പായസം എന്നിവയും നോമ്പുകാലത്ത് നല്ലതാണ്.

രാത്രി ഭക്ഷണം

പത്തിരി, ദോശ, ഉഴുന്നുചേര്‍ത്തു പുളിപ്പിച്ച ഭക്ഷണം എന്നിവ കഴിക്കാം. ഇറച്ചി, എണ്ണ പലഹാരങ്ങള്‍ എന്നിവ രാത്രി ഒഴിവാക്കുക. ദഹനപ്രശ്‌നങ്ങള്‍ ഇവ സൃഷ്ടിക്കും.

രാവിലെ ഇറച്ചി കഴിക്കരുത്

പുലര്‍ച്ചയ്ക്ക് ഇരച്ചി, മീന്‍, പൊറോട്ട, എണ്ണപ്പലഹാരങ്ങള്‍ എന്നിവ ഒഴിവാക്കുക.

പ്രശ്‌നങ്ങള്‍

പകല്‍ ധാരാളം ഭക്ഷണം കഴിക്കുന്നതു പെട്ടെന്ന് നിര്‍ത്തുന്നതുകൊണ്ടും രാത്രിയില്‍ ക്രമം തെറ്റി ആഹാരം കഴിക്കുന്നതുകൊണ്ടും ചിലരില്‍ നോമ്പുകാലത്ത് ചില അസ്വസ്ഥതകള്‍ ഉണ്ടാകാം. മൂത്രാഘാതം, നെഞ്ചെരിച്ചില്‍, അജീര്‍ണം, തലവേദന, മലബന്ധം തുടങ്ങിയവയാണ് പ്രശ്‌നങ്ങള്‍.

പ്രതിവിധികള്‍

ഇത്തരം പ്രശ്‌നമുള്ളവര്‍ കറുത്ത കസ്‌കസ് ചേര്‍ത്ത വെള്ളവും കരിക്കിന്‍ വെള്ളവും കുടിക്കുന്നത് ഗുണം ചെയ്യും.

പ്രതിവിധികള്‍

ചെറുപയര്‍ വേവിച്ച വെള്ളത്തില്‍ കല്‍ക്കണ്ടവും ജീരകവും ചേര്‍ത്ത് കഴിക്കുന്നതും നല്ലതാണ്.

പ്രതിവിധികള്‍

ഭക്ഷണത്തിനുശേഷം ജീരകം, മല്ലിയില എന്നിവ ചവച്ചുതിന്നുന്നതും, മല്ലിയില ചമ്മന്തിയും അജീര്‍ണം, നെഞ്ചെരിച്ചില്‍ എന്നിവ ഒഴിവാക്കാന്‍ സഹായിക്കും.

തലവേദനയ്ക്ക്

കട്ടന്‍ചായയില്‍ ഏലയ്ക്ക പൊടിച്ചുചേര്‍ത്ത് അത്താഴശേഷം കഴിക്കുന്നത് തലവേദനയ്ക്ക് പരിഹാരമാകും.

അസിഡിറ്റി

അസിഡിറ്റി ഒഴിവാക്കാന്‍ അത്താഴത്തിനുശേഷം തണുത്ത കഞ്ഞിവെള്ളം കുടിക്കുന്നതും കൂവപ്പൊടി കല്‍ക്കണ്ടം ചേര്‍ത്ത് പാലില്‍ കഴിക്കുന്നതും സഹായിക്കും.