പയ്യന്‍സ്, വെറുതെ വ്യായാമം ചെയ്തിട്ടു കാര്യമില്ല..

ചിക്കന്‍ കഴിക്കാം ധാരാളം

വ്യായാമത്തിനു ശേഷം നമ്മള്‍ നിര്‍ബന്ധമായും കഴിച്ചിരിക്കേണ്ടതാണ് ചിക്കന്‍. പ്രഭാതഭക്ഷണത്തോടൊപ്പം ചിക്കന്‍ കഴിക്കണം എന്നുള്ളതാണ് കാര്യം. ചിക്കനിലുള്ള സെലനിയം ആര്‍ത്രൈറ്റിസ് സാധ്യത ഇല്ലാതാക്കുമെന്നതും ഇതിനെ വളരെയേറെ പ്രിയപ്പെട്ടതാക്കുന്നു.

മത്സ്യം നിര്‍ബന്ധം

ഒമേഗ 3 ഫാറ്റി ആസിഡും ആന്റി ഓക്‌സിഡന്റിന്റേയും കലവറയാണ് മത്സ്യം. പ്രത്യേകിച്ച് സാല്‍മണ്‍. ഒലീവ് ഓയില്‍ ഉപയോഗിച്ച് മത്സ്യം പാകം ചെയ്യുകയും അത് വ്യായാമത്തിനു ശേഷം കഴിയ്ക്കുകയും ചെയ്താല്‍ ഉദ്ദേശിച്ച ഫലം ലഭിയ്ക്കും. ഇത് തലച്ചോറിന്റെ പ്രവര്‍ത്തനങ്ങളെ ഉദ്ദീപിപ്പിക്കുകയും ചെയ്യുന്നു.

വാഴപ്പഴം

വ്യായാമം ചെയ്താലും ഇല്ലെങ്കിലും വാഴപ്പഴം കഴിയ്ക്കുന്നത് നല്ലതാണ്. എന്നാല്‍ വ്യായാമം ചെയ്യുമ്പോള്‍ വാഴപ്പഴത്തിന്റെ ആവശ്യകത അല്‍പം കൂടി കൂടുതലായിരിക്കും. ഇത് നമ്മുടെ ശാരീരികോര്‍ജ്ജം വര്‍ദ്ധിപ്പിക്കുന്നു.

ഫ്രൂട്ട് സാലഡ്

വ്യായാമത്തിനു ശേഷം സ്ഥിര ഭക്ഷണമാക്കാവുന്നതാണ് ഫ്രൂട്ട് സാലഡ്. ഓറഞ്ച്, ആപ്പിള്‍, മുന്തിരി തുടങ്ങിയവയെല്ലാം ഊര്‍ജ്ജത്തിന്റെ കലവറയാണെന്ന കാര്യത്തില്‍ ഒരു സംശയവുമില്ല. മാത്രമല്ല ഇത്രയും പെര്‍ഫക്ട് ആയ മറ്റൊരു പ്രഭാത ഭക്ഷണവും ഇല്ല.

പച്ചക്കറികള്‍

വെറും വയറ്റില്‍ വേവിക്കാത്ത പച്ചക്കറികള്‍ കഴിയ്ക്കുന്നവരെ നമുക്കറിയാം. എന്നാല്‍ വ്യായാമത്തിനു ശേഷം പച്ചക്കറികള്‍ പച്ചയ്‌ക്കോ വേവിച്ചോ കഴിയ്ക്കാം. ഇതു നല്‍കുന്ന ആരോഗ്യം ഒന്നു വേറെ തന്നെയാണ്. ഇത് നമ്മുടെ രോഗപ്രതിരോധ ശേഷിയേയും പ്രത്യുല്‍പാദന ശേഷിയേയും വര്‍ദ്ധിപ്പിക്കും.

ബദാം

പണക്കാരുടെ പരിപ്പ് എന്നാണ് ബദാം അറിയപ്പെടുന്നത് തന്നെ. എന്നാല്‍ ഇന്ന് പണക്കാരനെന്നോ പാവപ്പെട്ടവനെന്നോ ഉള്ള ചിന്തയൊന്നും ബദാമിന്റെ കാര്യത്തിലില്ല. അതുകൊണ്ടു തന്നെ വ്യായാമത്തിനു ശേഷം ബദാമും പാലും കഴിയ്ക്കുന്നത് ആരോഗ്യം നല്‍കും.

ഓട്‌സ്

ആരോഗ്യത്തിന്റെ കലവറയാണ് ഓട്‌സ്. നമ്മുടെ ശരീരത്തിലുള്ള ചീത്ത കൊളസ്‌ട്രോളിനെ ഇല്ലാതാക്കാന്‍ ഓട്‌സിനു കഴിയും. മാത്രമല്ല ശാരീരികവും മാനസികവുമായ ഊര്‍ജ്ജം വര്‍ദ്ധിപ്പിക്കാന്‍ ഓട്‌സ് സഹായിക്കും.

തൈരും നല്ലത്

രാവിലെ തന്നെ തൈര് കുടിയ്ക്കുകയോ. എന്നാല്‍ വ്യായാമ ശേഷം അല്‍പം തൈര് കുടിയ്ക്കുന്നത് ആരോഗ്യത്തിന് നല്ലതാണ്. ഇത് മസിലിന്റെ ആരോഗ്യത്തെയും സംരക്ഷിക്കുന്നു. മാത്രമല്ല അമിത കലോറി എന്ന വിപത്തിനെ തടയാനും ഇതിന് കഴിയും.