ശരീരം ചൂടാക്കുന്ന പച്ചക്കറികള്‍

1. ഇ‍ഞ്ചി

ഇ‍ഞ്ചി എരിവുള്ള രുചി നല്കുന്നതാണ്. ശരീരത്തിന്‍റെ ചൂട് വര്‍ദ്ധിപ്പിക്കുന്ന ഘടകങ്ങള്‍ ഇതിലുണ്ട്. ഇതിലെ എരിവ് നല്കുന്ന ഘടകമാണ് ചൂട് വര്‍ദ്ധിപ്പിക്കുന്നത്. ചെറിയ തോതില്‍ ഇഞ്ചി കഴിക്കുന്നത് ആരോഗ്യപ്രദമാണെങ്കിലും അളവ് കൂടാതിരിക്കുന്നതാണ് നല്ലത്. പതിവായി ഉയര്‍ന്ന തോതില്‍ ഇഞ്ചി കഴിച്ചാല്‍ അത് ശരീരത്തിന് ദോഷകരമാകും.

2. മുളക്

ചുവന്ന മുളക്, കാപ്സിക്കം എന്നീ മുളക് വര്‍ഗ്ഗത്തില്‍ പെട്ട ഇനങ്ങള്‍ ശരീരത്തിന്‍റെ ചൂട് ഉയര്‍ത്തുന്നവയാണ്. രക്തയോട്ടം വര്‍ദ്ധിപ്പിക്കുന്ന മുളക് ശരീരത്തിന്‍റെ താപനിലയും വര്‍ദ്ധിപ്പിക്കും. ചര്‍മ്മത്തിലും, വായിലും പൊള്ളലുണ്ടാക്കുന്ന മുളകിനങ്ങള്‍ നിയന്ത്രിതമായേ ഉപയോഗിക്കാവൂ.

3. കാരറ്റ്

ഓറഞ്ച് നിറമുള്ള കാരറ്റില്‍ ശരീരത്തിന്‍റെ താപനില ഉയര്‍ത്തുന്ന ഘടകങ്ങളടങ്ങിയിട്ടുണ്ട്. കാരറ്റ് കഴിച്ചാല്‍ ശാരീരികപ്രവര്‍ത്തനങ്ങള്‍ സജീവമാകുമെന്നതിനൊപ്പം അന്തരിക താപനില ഉയരുകയും ചെയ്യും. ഇക്കാരണത്താല്‍ തന്നെ കാരറ്റ് കഴിക്കുന്നത് കുറയ്ക്കണം.

4. ഉള്ളി

ആഹാരസാധനങ്ങള്‍ക്ക് രുചി വര്‍ദ്ധിപ്പിക്കാന്‍ സഹായിക്കുന്ന ഉള്ളി പാചകത്തില്‍ ധാരാളമായി ഉപയോഗിക്കുന്നുണ്ട്. എന്നാല്‍ ഹോര്‍മോണ്‍ നിലയെ തകരാറിലാക്കുന്ന തരത്തില്‍ ശരീരത്തില്‍ ചൂടുണ്ടാക്കാന്‍‌ ഉള്ളി കാരണമാകും. ഉള്ളി വെറുതേ കക്ഷങ്ങളില്‍ വെച്ചാല്‍ പനിക്ക് സമാനമായ തോതില്‍ താപനില വര്‍ദ്ധിക്കും. ഇതില്‍ നിന്ന് തന്നെ ഉള്ളിയുടെ കഴിവ് മനസിലാക്കാം. അക്കാരണത്താല്‍ ശരീരത്തിന്‍റെ ചൂട് കൂടുന്നത് തടയാന്‍ ഉള്ളി കഴിവതും ഒഴിവാക്കുക.

5. ഇലക്കറികള്‍

ചീര പോലുള്ള ഇലക്കറികള്‍ ശരീരത്തിന് ഏറെ ആരോഗ്യം നല്കുന്നവയാണ്. ആന്‍റി ഓക്സിഡന്‍റുകള്‍ അടങ്ങിയ ഇവ പല രോഗങ്ങളെയും തടയാന്‍ സഹായിക്കും. എന്നാല്‍ പ്രോട്ടീന്‍ ധാരാളമായി അടങ്ങിയ ഇവ ശരീരത്തിന്‍റെ ചൂട് ഉയര്‍ത്താനിടയാകും. ശരീരത്തിലെത്തുന്ന പ്രോട്ടീന്‍ വിഘടിക്കുന്നതിനാലാണ് ഇത് സംഭവിക്കുന്നത്. ഈ ചൂട് ശരീരത്തിന്‍റെ താപനിലയും ഉയര്‍ത്തും. നിങ്ങള്‍ക്ക് അമിതമായ ചൂട് അനുഭവപ്പെടുന്ന പ്രശ്നമുണ്ടെങ്കില്‍ ഇലക്കറികള്‍ ഒഴിവാക്കുക.

ഈ പറഞ്ഞ പച്ചക്കറികളൊക്കെ ശരീരത്തിന്‍റെ താപനില ഉയര്‍ത്തുന്നവയാണ്. എന്നാല്‍ നിയന്ത്രിതമായ ഉപയോഗിച്ചാല്‍ ഇവ ഇവ ആരോഗ്യകരമാകുമെന്നതില്‍ സംശയമില്ല. അതിനാല്‍ തന്നെ ഏറെ പോഷകങ്ങളടങ്ങിയ ഇവ പൂര്‍ണ്ണമായും ഒഴിവാക്കാതിരിക്കുക.