ഗ്രീന്‍ ടീ ഡയറ്റിന്റെ ഗുണങ്ങള്‍

തടി കുറയ്ക്കാന്‍

തടി കുറയ്ക്കാന്‍ പറ്റിയ ഒന്നാണിത്. ഇതിലെ ആന്റി ഓക്‌സിഡന്റുകള്‍ ശരീരത്തില്‍ നിന്നും കൊഴുപ്പു പുറന്തള്ളാന്‍ സഹായിക്കും. ശരീരത്തിന്റെ അപചയപ്രക്രിയ ശക്തിപ്പെടുത്താനും ഗ്രീന്‍ ടീ ഡയറ്റിനു സാധിയ്ക്കും.

പ്രമേഹസാധ്യത

പ്രമേഹസാധ്യത കുറയ്ക്കാന്‍ ഗ്രീന്‍ ടീയ്ക്കു സാധിയ്ക്കും. ഇത് രക്തത്തിലെ ഗ്ലൂക്കോസിന്റെ അളവ് ക്രമപ്പെടുത്തി വയക്കും. ടൈപ്പ് 1 പ്രമേഹരോഗികള്‍ക്ക് ഇത് കൂടുതല്‍ ഗുണം ചെയ്യും.

കൊളസ്‌ട്രോള്‍

കൊളസ്‌ട്രോള്‍ കുറയ്ക്കാനും ഗ്രീന്‍ ടീ ഡയറ്റ് നല്ലതാണ്. ഇതുവഴി ഹൃദയാരോഗ്യത്തിനും ഇത് ഗുണം ചെയ്യും.

ക്യാന്‍സര്‍

ക്യാന്‍സര്‍ ബാധ തടയാനും ഗ്രീന്‍ ടീ സഹായിക്കുക തന്നെ ചെയ്യും. ഗ്രീന്‍ടീയിലുള്ള പോളിഫിനോളുകളാണ് ഇതിന് സഹായിക്കുന്നത്.

പല്ല്‌

പല്ലുകളുടെ ആരോഗ്യത്തിനും ഗ്രീന്‍ ടീ നല്ലതാണ്. പല്ലുകളിലെ കേടുകളും പോടുകളും തടയുന്നതിനുള്ള ഒരു വഴിയാണിത്.

ആര്‍ട്ടീരിയോസ്‌ക്ലീറോസിസ്

രക്തധമനികള്‍ക്ക് കട്ടി കൂടുന്ന അസുഖമാണ് ആര്‍ട്ടീരിയോസ്‌ക്ലീറോസിസ് എന്നറിയപ്പെടുന്നത്. ഇത് ഹൃദയസംബന്ധമായ അസുഖങ്ങള്‍ക്ക് വഴിയൊരുക്കും. ഗ്രീന്‍ ടീ ഈ അസുഖത്തിനുള്ള പരിഹാരം കൂടിയാണ്.

ചര്‍മം

ചര്‍മസൗന്ദര്യത്തിനും ഗ്രീന്‍ ടീ നല്ലതാണ്. ഫേസ് മാസ്‌കിലും മറ്റും അല്‍പം ഗ്രീന്‍ ടീ ചേര്‍ക്കുന്നത് നല്ലതാണ്.