കൊഴുപ്പു കുറയ്ക്കും ഭക്ഷണം

എണ്ണകള്‍ മിക്കവാറും കൊഴുപ്പുള്ളവയാണ്. എന്നാല്‍ ചിലപ്പോള്‍ എണ്ണ പാചകത്തിന് ഉപയോഗിക്കാതെ തരമില്ലെന്നാവും. ഇത്തരം സന്ദര്‍ഭങ്ങളില്‍ ഒലീവ് ഓയില്‍ ഉപയോഗിക്കാം. ഇതില്‍ കൊഴുപ്പില്ലെന്നു മാത്രമല്ല, ഹൃദയാരോഗ്യത്തിന് ഗുണകരവുമാണ്.

മസാലകള്‍ സ്വാദിനു മാത്രമല്ല, കൊഴുപ്പു നീക്കാനും സഹായിക്കും. മഞ്ഞള്‍, ഗ്രാമ്പൂ, കുരുമുളകുപൊടി, വറ്റല്‍ മുളക് തുടങ്ങിയവയെല്ലാം കൊഴുപ്പു കുറയ്ക്കാന്‍ സഹായിക്കുന്ന ഭക്ഷണസാധനങ്ങളാണ്. ഇവ ഉപ്പിനു പകരവും ചേര്‍ക്കാം.

ഓട്‌സ് കൊഴുപ്പു കുറഞ്ഞ ഭക്ഷണമാണെന്നു മാത്രമല്ല, എപ്പോള്‍ വേണമെങ്കിലും ഏതു പ്രായക്കാര്‍ക്കും എന്ത് അസുഖമുള്ളവര്‍ക്കും കഴിയ്ക്കാവുന്ന നല്ലൊരു ഭക്ഷണമാണ്.

നാരങ്ങാഗണത്തില്‍ പെട്ട എല്ലാ ഭക്ഷണസാധനങ്ങളും കൊഴുപ്പു കുറയാന്‍ സഹായിക്കുന്നവ തന്നെയാണ്. ചെറുനാരങ്ങ, ഓറഞ്ച്, മുസമ്പി, മാതളനാരങ്ങ തുടങ്ങിയവയെല്ലാം ഈ ഗണത്തില്‍ പെടും. ഇവ ജ്യൂസാക്കിയും കഴിയ്ക്കാം.

സ്‌ട്രോബെറി, ക്രാന്‍ബെറി തുടങ്ങി ബെറി വിഭാഗത്തില്‍ പെട്ട എല്ലാതരം പഴങ്ങളും കൊഴുപ്പു കത്തിച്ചു കളയുന്നതിന് സഹായിക്കും. ഇവ ആരോഗ്യത്തിനും ചര്‍മത്തിനും ഒരുപോലെ സഹായകമാണ്.

കൊഴുപ്പു കുറയ്ക്കുന്ന മറ്റൊരു ഭക്ഷണമാണ് വെളുത്തുള്ളി. ഇത് പല രോഗങ്ങള്‍ക്കുമുള്ള ഒരു പ്രതിരോധമാര്‍ഗം കൂടിയാണ്.

നട്‌സില്‍ കൊഴുപ്പുണ്ടെങ്കിലും ഇത് നല്ല കൊഴുപ്പാണ്. നല്ല കൊളസ്‌ട്രോള്‍ ഉണ്ടാകാന്‍ സഹായിക്കുന്ന ഒന്ന്. ഇവ ഹൃദയാരോഗ്യത്തിന് വളരെ ഗുണകരമാണ്.