ചില പെരുഞ്ചീരക ഗുണങ്ങള്‍

പെരുഞ്ചീരകം സാധാരണ മസാല ഗണത്തിലാണ് വരാറ്. എന്നാല്‍ കറികള്‍ക്ക് സ്വാദു നല്‍കുക മാത്രമല്ല ഇത് ചെയ്യുന്നത്.

പെരുഞ്ചീരകത്തിന്റെ ആരോഗ്യവശങ്ങളെക്കുറിച്ച് അറിയൂ.

സ്ത്രീകള്‍ക്ക് പറ്റിയ നല്ലൊരു ഭക്ഷണമാണ് പെരുഞ്ചീരകമെന്നു പറയാം. പ്രീ മെന്‍സ്ട്രല്‍ സിന്‍ഡ്രോം, ആര്‍ത്തവസമയത്തെ ശരീരവേദനകള്‍ എന്നിവയ്ക്കുള്ള നല്ലൊരു മരുന്നാണ് ഇത്.

ഭക്ഷണത്തിന് ശേഷം ഹോട്ടലുകളില്‍ പെരുഞ്ചീരകം തരും. ദഹനത്തെ സഹായിക്കുന്ന പെരുഞ്ചീരക ഗുണമാണ് ഇതിന് കാരണം. ഇതിലെ ഫൈറ്റോ ഇാസ്ട്രജനുകളാണ് ഈ ദഹനഗുണം നല്‍കുന്നത്.

മുലയൂട്ടുന്ന അമ്മമാര്‍ പെരുഞ്ചീരകം കഴിയ്ക്കുന്നത് നല്ലതാണ്. ഇത് പാലിലൂടെ കുഞ്ഞിന്റെ ശരീരത്തിലെത്തും. കുഞ്ഞിനുണ്ടാകുന്ന വയറുവേദന ശമിപ്പിക്കാന്‍ ഇത് നല്ലൈാരു വഴിയാണ്.

കാഴ്ചശക്തി വര്‍ദ്ധിപ്പിക്കാന്‍ പെരുഞ്ചീരകത്തിന് സാധിക്കും. പ്രത്യേകിച്ച് പ്രമേഹരോഗികളില്‍. ഗ്ലൂക്കോമയുള്ള രോഗികള്‍ക്ക് ഇത് ഉപകാരപ്രദമാണ്.

ഡിമന്‍ഷ്യ പോലുള്ള പ്രശ്‌നങ്ങള്‍ പരിഹരിക്കാന്‍ പെരുഞ്ചീരകത്തിന് സാധിക്കും. ഇത് തലച്ചോറിന്റെ പ്രവര്‍ത്തനങ്ങളെ ശക്തിപ്പെടുത്തുന്നു. തലച്ചോര്‍ സംബന്ധമായ എല്ലാ പ്രശ്‌നങ്ങളും ഒരു പരിധി വരെ മാറ്റി നിര്‍ത്താന്‍ പെരുഞ്ചീരകത്തിന് കഴിയും.

രക്തത്തെ ശുദ്ധീകരിക്കാനും പെരുഞ്ചീരകത്തിന് കഴിയും. രക്തത്തിലെ ടോക്‌സിനുകള്‍ ഇത് നീക്കം ചെയ്യുന്നു. വാതരോഗികള്‍ക്ക് പറ്റിയൊരു മരുന്നാണ് പെരുഞ്ചീരകം. രക്തത്തിലെ യൂറിക് ആസിഡ് നീക്കം ചെയ്യാന്‍ പെരുഞ്ചീരകത്തിന് സാധിക്കും.

പെരുഞ്ചീരകത്തിലെ അനിത്തോള്‍, സിനിയോള്‍ തുടങ്ങിയ കെമിക്കലുകള്‍ ശ്വാസകോശസംബന്ധമായ രോഗങ്ങള്‍ക്കുള്ള നല്ലൊരു മരുന്നാണ്. ചുമയും കഫക്കെട്ടും മാറ്റാന്‍ പെരുഞ്ചീരകം നല്ലതാണ്. ആസ്തമ, അലര്‍ജി പോലുള്ള രോഗങ്ങളുള്ളവര്‍ക്ക് ഇത് നല്ലതാണ്. ശ്വസം ശുദ്ധീകരിക്കാനും പെരുഞ്ചീരകം കഴിയ്ക്കുന്നത് ഗുണം ചെയ്യും.

ചര്‍മസൗന്ദര്യത്തിനും പെരുഞ്ചീരകം നല്ലതു തന്നെ. ഇത് ചര്‍മത്തിളക്കം വര്‍ദ്ധിപ്പിക്കും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.