പ്രീ മെന്‍സ്ട്രല്‍ സിന്‍ഡ്രോം, പരിഹാരം

Pregnancy Parenting

oi-Saritha

By Veena

Published: Wednesday, January 4, 2012, 16:56 [IST]

ആര്‍ത്തവദിവസങ്ങള്‍ക്കു മുന്നോടിയായി സ്ത്രീകള്‍ക്ക് ശാരീരിക മാനസിക അസ്വസ്ഥതകള്‍ ഉണ്ടാകുന്നത് സ്വാഭാവികമാണ്. പ്രീ മെന്‍സ്ട്രല്‍ സിന്‍ഡ്രോം അഥവാ പിഎംഎസ് എന്നാണ് ഇത് അറിയപ്പെടുന്നത്.

ശാരീരിക അസ്വസ്ഥതകള്‍ക്ക് പുറമെ ഡിപ്രഷന്‍, പെട്ടെന്ന് ദേഷ്യം വരിക, കാരണമില്ലാതെ വിഷമിക്കുക, അസുഖങ്ങള്‍ ഉണ്ടെന്നുള്ള തോന്നല്‍, വിശപ്പനുഭവപ്പെടാതിരിക്കുക, തലവേദന തുടങ്ങിയവ പിഎംസ് ലക്ഷണങ്ങളാണ്.

ഇവയ്ക്ക് വൈദ്യശാസ്ത്രത്തില്‍ കാര്യമായ പരിഹാരങ്ങളൊന്നുമില്ല. ഈഥിനൈല്‍ എസ്ട്രാഡിയോള്‍ അടങ്ങിയ ചില ഗുളികള്‍ പിഎംഎസിന് കണ്ടെത്തിയിട്ടുണ്ടെങ്കിലും ഇവ കൊണ്ട് പറയത്തക്ക പ്രയോജനങ്ങളുണ്ടെന്ന് തെളിഞ്ഞിട്ടില്ല.

തലച്ചോറിലെ എന്‍ഡോര്‍ഫിന്‍ എന്ന ഹോര്‍മോണ്‍ ഉല്‍പാദനം കൂട്ടുന്നതാണ് പ്രീമെന്‍സ്ട്രല്‍ സിന്‍ഡ്രോം അകറ്റാനുള്ള പ്രധാന മാര്‍ഗം. വ്യായാമം ഒരു പരിധി വരെ ശാരീരിക, മാനസിക അസ്വസ്ഥതകള്‍ കുറയ്ക്കാന്‍ സഹായിക്കും. കാല്‍സ്യം അടങ്ങിയ ഭക്ഷണസാധനങ്ങള്‍ കഴിയ്ക്കുന്നതും എന്റോര്‍ഫിന്‍ ഉല്‍പാദനത്തെ സഹായിക്കും.

ധാരാളം വെള്ളം കുടിയ്ക്കുക, കാപ്പി, മദ്യം, കോള തുടങ്ങിയവയുടെ ഉപയോഗം കുറയ്ക്കുക എന്നിങ്ങനെയുള്ള കാര്യങ്ങള്‍ പിഎംഎസ് കുറയ്ക്കാന്‍ സഹായിക്കും. ഫലവര്‍ഗങ്ങളും പച്ചക്കറികളും കഴിയ്ക്കുന്നതും നല്ലതാണ്.

മാനസിക സന്തോഷം നല്‍കുന്ന കാര്യങ്ങള്‍ ചെയ്യുകയെന്നതും പ്രധാനമാണ്.