ജ്യൂസു കുടിച്ച് വണ്ണം കുറയ്ക്കാം

Food

oi-Saritha

By Veena

Published: Tuesday, May 29, 2012, 14:22 [IST]

ഭക്ഷണം കുറച്ച് വണ്ണം കുറയ്ക്കാമെന്നത് ഏവര്‍ക്കും അറിയാവുന്ന ഒരു കാര്യം. എന്നാല്‍ ചിലതരം ജ്യൂസുകള്‍ കുടിച്ചും വണ്ണം കുറയ്ക്കാനാവും. വണ്ണം കുറയ്ക്കുന്നതു മാത്രമല്ലാ, ആരോഗ്യത്തിനും നല്ലതാണ്. ജ്യൂസുകളിലൂടെ പോഷകങ്ങള്‍ എളുപ്പം ശരീരത്തിന് ആഗിരണം ചെയ്യാനുമാകും. വിശപ്പു മാറും. ഉന്മേഷം ലഭിക്കും.

വണ്ണം കുറയ്ക്കാന്‍ പറ്റിയ ജ്യൂസുകളില്‍ പ്രധാനമാണ് കുമ്പളങ്ങാനീര്. 100 ഗ്രാം കുമ്പളങ്ങയില്‍ 12 കലോറി മാത്രമാണ് കൊഴുപ്പുള്ളത്. ദിവസവും പ്രാതലിനൊപ്പം ഒരു ഗ്ലാസ് കുമ്പളങ്ങാ ജ്യൂസ് കുടിയ്ക്കുന്നത് ആരോഗ്യം വര്‍ദ്ധിപ്പിക്കുമെന്ന് മാത്രമല്ലാ, ചര്‍മത്തിളക്കവും കൂട്ടും.

തണ്ണിമത്തന്‍ വേനല്‍ക്കാലത്ത് സുലഭമായി ലഭിക്കുമെന്നതു തന്നെ ഇതിന്റെ ഏറ്റവും പ്രധാന ഗുണം. തണ്ണിമത്തങ്ങാ ജ്യൂസ് ശരീരം തണുപ്പിക്കും. തടി കുറയ്ക്കും. ഹൃദയാരോഗ്യത്തിന് ഏറ്റവും ചേര്‍ന്ന ഒന്നാണ് തണ്ണിമത്തങ്ങാ ജ്യൂസ്. 100 ഗ്രാം തണ്ണിമത്തങ്ങാ ജ്യൂസില്‍ 30 കലോറി കൊഴുപ്പു മാത്രമേയുള്ളൂ. മള്‍ട്ടി വൈറ്റമിന്‍ ഉറവിടമെന്നു വേണമെങ്കില്‍ തണ്ണിമത്തന്‍ ജ്യൂസിനെ വിളിക്കാം.

ഓറഞ്ച് ജ്യൂസും വണ്ണം കുറയ്ക്കാന്‍ സഹായിക്കും. സിട്രസ് അടങ്ങിയ ഏതു തരം ജ്യൂസുകളും ശരീരത്തിലെ കൊഴുപ്പിനെ അലിയിച്ചു കളയും. ഇതില്‍ 47 കലോറി കൊഴുപ്പാണ് ഉള്ളത്. വൈറ്റമിന്‍ സിയുടെ ഏറ്റവും നല്ല ഉറവിടം കൂടിയാണ് ഓറഞ്ച് ജ്യൂസ്.

ക്യാരറ്റ് ജ്യൂസിനും തടി കുറയ്ക്കുന്നതില്‍ പ്രധാന പങ്കുണ്ട്. ശരീരത്തിന്റെ പ്രതിരോധശേഷി വര്‍ദ്ധിപ്പിക്കുന്നതിനും ചര്‍മത്തിളക്കവും നിറവും വര്‍ദ്ധിപ്പിക്കുന്നതിനും ക്യാരറ്റ് ജ്യൂസ് വളരെ നല്ലതാണ്.

മുന്തിരി ജ്യൂസും വണ്ണം കുറയ്ക്കുന്നതിന് സഹായിക്കും. ഇതില്‍ ആന്റി ഓക്‌സിഡന്റുകള്‍ ധാരാളം അടങ്ങിയിട്ടുണ്ട്. ദഹനത്തിനും മലബന്ധം മാറ്റുന്നതിനും വൃക്ക സംബന്ധമായ പ്രശ്‌നങ്ങള്‍ പരിഹരിക്കുന്നതിനും മൈഗ്രേയ്ന്‍, ആര്‍ത്തവക്രമക്കേടുകള്‍ എന്നിവയ്ക്കും മുന്തിരി ജ്യൂസ് വളരെ നല്ലതാണ്. രക്തമുണ്ടാകുന്നതിനും മുന്തിരി വളരെ നല്ലതു തന്നെ.

ഇവയില്‍ ഏതെങ്കിലും ജ്യൂസ് ദിവസവും ഭക്ഷണക്രമത്തിലുള്‍പ്പെടുത്തുന്നത് ഗുണം ചെയ്യും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.