ഇലക്കറികള്‍ കഴിക്കൂ, ആരോഗ്യം നേടൂ

Food

oi-Saritha

By Veena

Published: Tuesday, September 20, 2011, 11:25 [IST]

ആരോഗ്യകരമായ ഭക്ഷണക്രമത്തില്‍ അവശ്യം ഉള്‍പ്പെടുത്തേണ്ടവയാണ് ഇലവര്‍ഗങ്ങള്‍. ശരീരത്തിനാവശ്യമായ പ്രോട്ടീനുകളും വിറ്റാമിനുകളും ഇലക്കറികളില്‍ അടങ്ങിയിട്ടുണ്ട്. എന്നാല്‍ ഇവ വൃത്തിയായും കൃത്യമായും പാചകം ചെയ്തു കഴിച്ചെങ്കില്‍ മാത്രമേ ഗുണമുണ്ടാവുകയുള്ളൂ.

ഇലകളില്‍ പലപ്പോഴും ചെറിയ പ്രാണികളുണ്ടാകും. ഇവയെ നീക്കം ചെയ്ത ശേഷമേ പാചകത്തിനുപയോഗിക്കാവൂ. ഇലകള്‍ വൃത്തിയായി ശുദ്ധജലത്തിലോ പൊട്ടാസ്യം പെര്‍മാംഗനേറ്റ് ലായനിയിലോ കഴുകുകയോ ഉപ്പുവെള്ളത്തില്‍ തിളപ്പിക്കുകയോ ചെയ്യാവുന്നതാണ്.

ഉലുവയില, കറിവേപ്പില, ചീര തുടങ്ങിയ പല ഇലകളും പാകം ചെയ്യാതെ കഴിക്കാവുന്നതാണ്. ഇതുകൊണ്ട് പോഷകഗുണം തീരെ നഷ്ടപ്പെടുന്നില്ലെന്നതാണ് ഗുണം.സാലഡുകളില്‍ ചേര്‍ത്തോ സൂപ്പാക്കിയോ ഇലക്കറിയില്‍ ഉപയോഗിക്കാം. ഇലകളുടെ രുചിയിഷ്ടപ്പെടാത്തവര്‍ക്ക് മറ്റു പച്ചക്കറികളോടൊപ്പമോ കഴിക്കാവുന്നതാണ്.

പച്ചക്കറികള്‍ വേവിച്ച വെള്ളത്തില്‍ അല്‍പം നാരങ്ങാനീരും ഉപ്പും മസാലകളും ചേര്‍ത്താല്‍ ഒന്നാന്തരം സൂപ്പായി. പച്ചക്കറികള്‍ ഒരിക്കലും തുറന്നുവച്ച് വേവിക്കരുത്. ഇങ്ങനെ ചെയ്താല്‍ ഇവയുടെ പോഷകഗുണം നഷ്ടപ്പെടും.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.