പ്രമേഹം നിയന്ത്രണാതീതമായാല്‍ ജീവന്‍ വരെ നഷ്ടപ്പെടും: 3യോഗയില്‍ പരിഹാരം

പവന മുക്താസനം

പവനമുക്താസനം ആരോഗ്യത്തിന് വളരെയധികം സഹായിക്കുന്നതാണ്. ഇത് പ്രമേഹത്തെ കുറക്കുന്നതിന് മികച്ചതാണ്. നിയന്ത്രണവിധേയമായ പ്രമേഹത്തിന് പരിഹാരം കാണുന്നതിന് വേണ്ടി പവനമുക്താസനം നമുക്ക് സ്ഥിരമായി ചെയ്യാവുന്നതാണ്. പവനമുക്താസനം ചെയ്യുന്നതിന് വേണ്ടി ആദ്യം യോഗ മാറ്റില്‍ മലര്‍ന്ന് കിടക്കുക. അതിന് ശേഷം ശ്വാസമെടുത്ത് കാല്‍മുട്ട് നെഞ്ചിലേക്ക് മുട്ടിക്കുക. അതിന് ശേഷം രണ്ട് കൈകളും ഉപയോഗിച്ച് കാല്‍മുട്ടുകള്‍ രണ്ടും പിടിക്കുക. പിന്നീട് കാല്‍മുട്ടുകള്‍ നെഞ്ചിലേക്ക് കൊണ്ടുവരികയും തുടകള്‍ വയറിന് നേരെ അമര്‍ത്തുകയും പതിയെ തല പൊക്കി താടി നിങ്ങളുടെ കാല്‍മുട്ടില്‍ സ്പര്‍ശിക്കുന്ന തരത്തിലുള്ള പോസിലേക്ക് മാറുകയും ചെയ്യുക. ഇത് ചെയ്യുമ്പോള്‍ ശ്വാസോച്ഛ്വാസം കൃത്യമായിരിക്കണം എന്നതാണ് ശ്രദ്ധിക്കേണ്ട കാര്യം. 5 സെക്കന്റ് ഈ പോസില്‍ തുടരുന്നതിന് ശ്രദ്ധിക്കണം. അതിന് ശേഷം രണ്ട് മൂന്ന് തവണ ഇത് ആവര്‍ത്തിക്കുക. പ്രമേഹ നിയന്ത്രണത്തിനും ആരോഗ്യത്തിനും ഏറ്റവും മികച്ചതാണ് ഈ പോസ് എന്നതില്‍ സംശയം വേണ്ട.

ബാലാസനം

ബാലാസനം ചെയ്യുന്നത് നിങ്ങളുടെ ആരോഗ്യത്തിന് വളരെ മികച്ചതാണ്. ശരീരത്തിനുംമ നസ്സിനും റിലാക്‌സ് നല്‍കുന്ന തരത്തിലുള്ള ഒരു മികച്ച യോഗാസനമാണ് ബാലാസനം. ഇത് നിങ്ങളുടെ ആരോഗ്യ പ്രശ്‌നങ്ങളെ പ്രതിരോധിക്കുന്നതിനും പല പ്രശ്‌നങ്ങളും പരിഹാരം കാണുന്നതിനും ബാലാസനം സഹായിക്കുന്നു. ഇത് ചെയ്യുന്നതിന് വേണ്ടി രണ്ട് കാല്‍മുട്ടുകളും കുത്തി തറയില്‍ ഇരിക്കുക, കഴുത്തും പുറം ഭാഗവും തറയിലേക്ക് വളച്ച് കൈകള്‍ മുന്നോട്ട് നീട്ടി വെക്കുക. 12 മുതല്‍ 15 സെക്കന്‍ഡ് വരെ ഈ സ്ഥാനത്ത് തുടരുക. ഇത് ഇന്‍സുലിന്‍ രക്തചംക്രമണം വര്‍ദ്ധിപ്പിക്കുകയും നിങ്ങളുടെ രക്തത്തിലെ പഞ്ചസാരയുടെ അളവ് കുറക്കുകയും ചെയ്യുന്നു. നിര്‍ബന്ധമായും പ്രമേഹമുള്ളവര്‍ക്കും ഇത് തുടരാവുന്നതാണ്. എല്ലാ വിധത്തിലും ഗുണപ്രദമായ ഫലങ്ങള്‍ നല്‍കുന്നതാണ് എന്ന കാര്യത്തില്‍ സംശയം വേണ്ട.

സേതു ബന്ധാസനം

സേതുബന്ധാസനം ആരോഗ്യത്തിന്റെ കാര്യത്തിലും പ്രമേഹമുള്ളവര്‍ക്കും ധാരാളം ഗുണങ്ങള്‍ നല്‍കുന്നു. സേതുബന്ധാസനം ചെയ്യുന്നതിന് വേണ്ടി ആദ്യം സുഖാസനത്തില്‍ കിടക്കുക. പിന്നീട് ശരീരം നല്ലതുപോലെ സ്ട്രെച്ച് ചെയ്യുന്നതിന് ശ്രദ്ധിക്കേണ്ടതാണ്. ശരീരം നിവര്‍ത്തി വെച്ച് കൈകള്‍ ശരീരത്തോട് ചേര്‍ത്ത് വെക്കണം. പിന്നീട് കാല്‍മുട്ടുകള്‍ രണ്ടും മടക്കി വെക്കുക. ശേഷം കാല്‍പ്പാദങ്ങള്‍ തറയില്‍ ഉറപ്പിച്ച് നിര്‍ത്തുന്നതിന് ശ്രദ്ധിക്കേണ്ടതാണ്. അതിന് ശേഷം കൈകള്‍ രണ്ട് കൊണ്ടും കണങ്കാലില്‍ പിടിക്കുക. പിന്നീട് ശ്വാസം ഉള്ളിലേക്ക് എടുത്ത് പതുക്കേ ഇടുപ്പ് ഉയര്‍ത്തുക. അതിന് ശേഷം നിതംബത്തിന്റെ പേശികള്‍ ടൈറ്റ് ആക്കി അഞ്ച് സെക്കന്റ് നേരത്തെക്ക് നിര്‍ത്തുക. പൂര്‍വ്വ സ്ഥാനത്തേക്ക് തിരികെ വരുന്നതിന് ശ്രദ്ധിക്കേണ്ടതാണ്. ഇത് നിങ്ങളുടെ പ്രമേഹത്തെ പൂര്‍ണമായും ഇല്ലാതാക്കുന്നതിനും ആരോഗ്യത്തോടെ നിലനിര്‍ത്തുന്നതിനും സഹായിക്കുന്നു.