രാവിലെ പഴവും ഒരു കപ്പു ചൂടുവെള്ളവും, ഫലം?

ദിവസം തുടങ്ങുന്നതിന് പലര്‍ക്കും പല ഭക്ഷണരീതികളുണ്ട്. ചായയും കാപ്പിയും കുടിച്ചായിരിയ്ക്കും പലരും ദിവസം തുടങ്ങുക. ചിലര്‍ക്കാവട്ടെ, വെള്ളം. മറ്റു പാനീയങ്ങള്‍, അതായത് ചെറുനാരങ്ങാനീര്, ഗ്രീന്‍ ടീ മുതലായവ കുടിച്ചും ദിവസം തുടങ്ങുന്നവരുണ്ട്.

പഴത്തിന് ആരോഗ്യവിശേഷങ്ങള്‍ ഏറെയാണ്. വെള്ളവും ശാരീരിക പ്രവര്‍ത്തനങ്ങള്‍ക്ക് അത്യാവശ്യം. ഇവ രണ്ടും കൂട്ടിച്ചേര്‍ത്തു ദിവസം തുടങ്ങിയാലോ

ബനാന ഡയറ്റ് എന്നാണ് ഇത് അറിയപ്പെടുന്നത്. ദിവസം തുടങ്ങുകയെന്നു പറയുമ്പോള്‍ പഴവും ചൂടുവെള്ളവും പ്രാതലായി കഴിയ്ക്കുക. ഇതിനു മുന്‍പ് ഒന്നും കഴിയ്ക്കുകയോ കുടിയ്ക്കുകയോ ചെയ്യാതിരിയ്ക്കുക.

തടി കുറയ്ക്കുകയെന്ന വലിയ കാര്യമാണ് ഇതിലൂടെ ലഭിയ്ക്കുന്നത്. ദഹനവും അപചയപ്രക്രിയയും ത്വരിതപ്പെടുത്തിയാണ് ഇതു സാധിയ്ക്കുന്നത്. മാത്രമല്ല, തടി വര്‍ദ്ധിപ്പിയ്ക്കാന്‍ കാരണമായ കാര്‍ബോഹൈഡ്രേറ്റുകള്‍ വലിച്ചെടുക്കാനും പഴത്തിനു കഴിയും.

വെള്ളത്തിന്, പ്രത്യേകിച്ചു ചൂടുവെള്ളത്തിന് ശരീരത്തിലെ കൊഴുപ്പു പുറന്തള്ളാന്‍ സാധിയ്ക്കും. പ്രകൃതിദത്തമായി ഊര്‍ജം നല്‍കുന്ന ഒന്നു കൂടിയാണ് വെള്ളം.

മോണിംഗ് ബനാനാ ഡയറ്റ് അനുസരിച്ച് രാവിലെ ഒരു പഴം മാത്രമേ പാടൂയെന്നില്ല. ആവശ്യമുള്ളത്ര പഴം കഴിയ്ക്കാം. ബാക്കി സമയത്ത് ആരോഗ്യകരമായ ഏതു ഭക്ഷണം വേണമെങ്കിലുമാകാം. എന്നാല്‍ അമിതമാകാതിരിയ്ക്കാന്‍ ശ്രദ്ധിയ്ക്കുക.

ഈ ഡയറ്റ് പ്രകാരം ഇതു ചെയ്യുമ്പോള്‍ മദ്യം നിര്‍ബന്ധമായും ഉപേക്ഷിയ്ക്കുക. എന്നാല്‍ അത്ര നിര്‍ബന്ധമെങ്കില്‍ വളരെ മിതമായ തോതില്‍ വൈന്‍, ബിയര്‍ എന്നിവ ഉപയോഗിയ്ക്കാം.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.