അരക്കെട്ടൊതുക്കും സമ്മര്‍ ഫ്രൂട്‌സ്‌!!

Updated: Monday, March 30, 2015, 15:43 [IST]

ഒതുങ്ങിയ അര സൗന്ദര്യത്തിന്റെ മാത്രമല്ല, ആരോഗ്യത്തിന്റെയും ലക്ഷണമാണ്. തടി കുറയ്ക്കുക എന്ന ലക്ഷ്യം മനസില്‍ കരുതുന്നവര്‍ ്അരക്കെട്ടിന്റെ തടിയേയും ലക്ഷ്യം വയ്ക്കുന്നത് സാധാരണവുമാണ്.

വേനല്‍ക്കാലത്ത് പൊതുവെ തടി കുറയ്ക്കാന്‍ എളുപ്പമാണ്. ഇതുകൊണ്ടുതന്നെ അരക്കെട്ടിന്റെ തടിയും കുറയ്ക്കാം.

വേനല്‍ക്കാലത്തു ലഭിയ്ക്കുന്ന ചില ഫലവര്‍ഗങ്ങള്‍ അരക്കെട്ടിന്റെ തടി കുറയ്ക്കാന്‍ ഉപയോഗപ്പെടുത്താം. ഇവയേതൊക്കെയെന്നു നോക്കൂ,

ആപ്പിള്‍

ദിവസവും ആപ്പിള്‍ കഴിയ്ക്കുന്നത് അസുഖങ്ങള്‍ വരാതിരിയ്ക്കാന്‍ മാത്രമല്ല, തടിയും കൊഴുപ്പും കുറയ്ക്കാനും സഹായിക്കും. ഇവയിലെ നാരുകള്‍ അപചയപ്രക്രിയ ശക്തിപ്പെടുത്തും.

പെയര്‍

പെയര്‍ അരക്കെട്ടിന്റെ തടി കുറയ്ക്കാന്‍ ഏറെ സഹായകമാണ്. ഇതിലെ വൈറ്റമിന്‍ സി ആണ് ഇതിനു സഹായിക്കുന്നത്.

പൈനാപ്പിള്‍

അപചയപ്രക്രിയയും ദഹനവും ശക്തിപ്പെടുത്ത്ി അരക്കെട്ടിന്റെ തടി കുറയ്ക്കാന്‍ പൈനാപ്പിള്‍ മറ്റൊരു വഴിയാണ്.

പഴം

ഫൈബര്‍, പൊട്ടാസ്യം, വൈറ്റമിന്‍ സി എന്നിവയടങ്ങിയ പഴം അരക്കെട്ടിന്റെ തടി കുറയ്ക്കാന്‍ സഹായകമായ മറ്റൊരു പഴവര്‍ഗമാണ്.

ബ്ലൂബെറി

ആന്റ്ിഓക്‌സിഡന്റുകള്‍ അടങ്ങിയ ബ്ലൂബെറി തടി കുറയ്ക്കാന്‍ സഹായിക്കുന്ന മറ്റൊരു ഭക്ഷണമാണ്. തടി കുറയ്ക്കുക മാത്രമല്ല, ഇത് ഹൈപ്പെര്‍ ടെന്‍ഷന്‍, കൊളസ്‌ട്രോള്‍, പ്രമേഹം എന്നിവ ചെറുക്കുകയും ചെയ്യും.

തണ്ണിമത്തന്‍

അരക്കെട്ടിന്റെ തടി കുറയ്ക്കാന്‍ കഴിയ്ക്കാവുന്ന വേനല്‍ക്കാല ഫലങ്ങളില്‍ തണ്ണിമത്തന്‍ ഏറെ പ്രധാനമാണ്. ഇതിലെ വെള്ളം വിശപ്പു കുറയ്ക്കും, ശരീരത്തിലെ കൊഴുപ്പകറ്റും.

സ്‌ട്രോബെറി

സ്‌ട്രോബെറിയും ഇത്തരം ഫലവര്‍ഗങ്ങളില്‍ പെട്ട ഒന്നാണ്. ഇത് കൊഴുപ്പു കുറയ്ക്കുന്ന ഹോര്‍മോണുകളായ അഡിപോനെക്ടിന്‍, ലെപ്ടിന്‍ എന്നിവയുടെ ഉല്‍പാദനത്തിനു സഹായിക്കും.

തേങ്ങ

തേങ്ങയും തേങ്ങാവെള്ളവുമെല്ലാം തടി കുറയ്ക്കാന്‍ നല്ലതാണ്. പ്രത്യേകിച്ച് കരിക്കിന്‍ വെള്ളം വേനല്‍ക്കാലത്ത് ക്ഷീണം കുറയ്ക്കാന്‍ സഹായിക്കും. ഇവയിലെ ട്രൈഗ്ലിസറൈഡുകള്‍ അപചയപ്രക്രിയ ശക്തിപ്പെടുത്തും.