ശരീരഭാരം കുറയ്ക്കാം...വ്യായാമങ്ങളില്ലാതെ!

Published: Saturday, September 23, 2017, 17:04 [IST]

നമ്മളിലേറെപ്പേരും വ്യായാമങ്ങളൊന്നും ചെയ്യാതെ ശരീരഭാരം കുറയ്ക്കാനുള്ള വഴികള്‍ അന്വേഷിക്കുന്നവരാണ്. ഇത് നമ്മള്‍ അലസരായത് കൊണ്ടല്ല, സമയമില്ലാത്തത് കൊണ്ടായിരിക്കും.

വ്യായാമം ഇല്ലാതെ എങ്ങനെ ശരീരത്തിലെ കൊഴുപ്പ് നീക്കം കുറയ്ക്കാനാവും?. നിങ്ങളുടെ ഭക്ഷണക്രമത്തില്‍ മാറ്റങ്ങള്‍ വരുത്തുന്നത് വഴി ഇത് സാധ്യമാകും. ഹൃദയം ഒളിച്ചു വെയ്ക്കുന്ന ചിലത്

എന്നാല്‍ ആരോഗ്യവിദഗ്ദര്‍ ശുപാര്‍ശ ചെയ്യുന്നത് ശാരീരികമായി സജീവമായ ജീവിതശൈലിയാണ്. വ്യായാമം ഇല്ലാതെ എങ്ങനെ കൊഴുപ്പ് കുറയ്ക്കും എന്ന് ആലോചിച്ചിരിക്കുന്നതിനേക്കാള്‍ ആരോഗ്യത്തോടെ ഇരിക്കാന്‍ ശ്രമിക്കുന്നതാണ് ഉചിതം. അതിനുള്ള ചില മാര്‍ഗ്ഗങ്ങള്‍ പരിചയപ്പെടാം.

വ്യായാമമില്ലാതെ തടി കുറയ്‌ക്കാം

നിങ്ങള്‍ കഴിക്കുന്ന ഭക്ഷണത്തിന്‍റെ അളവ് കുറയ്ക്കാന്‍ സാധിക്കില്ലെങ്കില്‍ ഫൈബര്‍ സമ്പുഷ്ടമായ ആഹാരം കഴിക്കുക. കലോറി കുറഞ്ഞവയും, ഫൈബര്‍ ധാരാളമായി അടങ്ങിയതുമാണ് പഴങ്ങളും പച്ചക്കറികളും. ഇവ കൂടുതല്‍ കഴിക്കുക.

വ്യായാമമില്ലാതെ തടി കുറയ്‌ക്കാം

നിങ്ങള്‍ക്ക് കലോറി അധികമായി ലഭിക്കുന്നത് പ്രധാനമായും കഴിക്കുന്ന ഭക്ഷണത്തിന്‍റെ അളവിനെ ആശ്രയിച്ചാണ്. അതില്‍ ശ്രദ്ധ നല്കുക. ഭക്ഷണത്തിന്‍റെ അളവ് കുറയ്ക്കുക. എന്നാല്‍ പട്ടിണി കിടക്കരുത്.

വ്യായാമമില്ലാതെ തടി കുറയ്‌ക്കാം

സോഫയില്‍ കിടന്നും ശ്രദ്ധയില്ലാതെയും ഭക്ഷണം കഴിക്കുന്ന രീതി ഒഴിവാക്കുക. ടിവി കണ്ടുകൊണ്ട് ഭക്ഷണം കഴിക്കരുത് എന്നതാണ് ശ്രദ്ധിക്കേണ്ടുന്ന പ്രധാന കാര്യം. ഇങ്ങനെ ചെയ്യുന്നത് അളവില്‍ കൂടുതല്‍ ഭക്ഷണം കഴിക്കാന്‍ ഇടയാക്കും.

വ്യായാമമില്ലാതെ തടി കുറയ്‌ക്കാം

ഭക്ഷണം കഴിച്ച് തുടങ്ങിയാല്‍ വയര്‍ പൂര്‍ണ്ണമായും നിറയുന്നതിന് മുമ്പ് അവസാനിപ്പിക്കണം. വയറ്റില്‍ അല്പം സ്ഥലം ഒഴിവാക്കിയിടുക. ഇത് ആരോഗ്യകരമായ ഒരു കാര്യമാണ്. പക്ഷേ നിങ്ങള്‍ക്ക് ഭക്ഷണശേഷവും വിശപ്പ് അനുഭവപ്പെടരുത്.