സിക്‌സ് പായ്ക്കിനു വേണ്ട ഇന്ത്യന്‍ ഡയറ്റ്

പച്ചക്കറികള്‍

ശരീരത്തിലെ കൊഴുപ്പു കളയുകയെന്നത് സിക്‌സ് പായ്ക്ക് മസിലുകള്‍ക്ക് വളരെ പ്രധാനമാണ്. ഇതിന് വേവിയ്ക്കാത്ത പച്ചക്കറികള്‍ കഴിയ്ക്കുന്നത് ഗുണം ചെയ്യും. ക്യാബേജ്, കുക്കുമ്പര്‍, സവാള, ക്യാരറ്റ് തുടങ്ങിയവയെല്ലാം ധാരാളം ആരോഗ്യവശങ്ങള്‍ ഒത്തിണങ്ങിയ പച്ചക്കറികളാണ്.

കാര്‍ബോഹൈഡ്രേറ്റുകള്‍

കാര്‍ബോഹൈഡ്രേറ്റുകള്‍ ഇന്ത്യന്‍ ഭക്ഷണശൈലിയില്‍ അധികമാണെന്നും ഇതുകൊണ്ടുതന്നെ മസിലുകള്‍ക്ക് ഇവ ചേരില്ലെന്നുമുള്ള ധാരണയും തെറ്റാണ്. ശരീരത്തിന് കാര്‍ബോഹൈഡ്രേറ്റുകളും അത്യവശ്യമാണ്. കോംപ്ലക്‌സ് കാര്‍ബോഹൈഡ്രേറ്റുകളടങ്ങിയ ചോളം, ബാജ്ര പോലുള്ള ധാന്യങ്ങള്‍ തെരഞ്ഞെടുക്കുക.

മുട്ട

മുട്ട മസില്‍ബോഡിയ്ക്കു ശ്രമിയ്ക്കുന്നവര്‍ തീര്‍ച്ചയായും കഴിയ്‌ക്കേണ്ട ഭക്ഷണവസ്തു തന്നെ. ഇത് പ്രോട്ടീന്‍ സമ്പുഷ്ടമായ ഒരു ഭക്ഷണവസ്തുവാണ്.

പയര്‍

പയര്‍ വര്‍ഗങ്ങളില്‍, പ്രത്യേകിച്ച് മുളപ്പിച്ച പയര്‍ വര്‍ഗങ്ങളില്‍ പ്രോട്ടീന്‍ ധാരാളം അടങ്ങിയിട്ടുണ്ട്. ഇതുകൊണ്ടു തന്നെ ഇത് മസിലുണ്ടാക്കാന്‍ ശ്രമിയ്ക്കുന്നവര്‍ കഴിയ്‌ക്കേണ്ട ഭക്ഷണം തന്നെ.

ചെറിയ അളവില്‍ ഭക്ഷണം

മസിലിന് നല്ലപോലെ ഭക്ഷണം കഴിയ്ക്കണം. എന്നാല്‍ പോഷകഗുണമുള്ളതെങ്കിലും ഒരുമിച്ചു ഭക്ഷണം കഴിയ്ക്കുന്നത് ദോഷം ചെയ്യും. പലപ്പോഴായി ചെറിയ അളവില്‍ ഭക്ഷണം കഴിയ്ക്കുക.

ചിക്കന്‍

മാംസാഹാരം കഴിയ്ക്കുന്നവരാണെങ്കില്‍ ചിക്കന്‍ ഭക്ഷണത്തില്‍ ഉള്‍പ്പെടുത്തുക തന്നെ വേണം. എന്നാല്‍ ഇത് ഗ്രില്‍ ചെയ്‌തോ ബേക്ക് ചെയ്‌തോ കഴിയ്ക്കുന്നതാണ് ഗുണകരമെന്നു മറക്കരുത്.

കൊഴുപ്പില്ലാത്ത പാല്‍, തൈര്

ബട്ടര്‍, നെയ്യ്, കൊഴുപ്പുള്ള പാല്‍ തുടങ്ങിയവ ഭക്ഷണശീലത്തില്‍ നിന്നും ഒഴിവാക്കുക. കൊഴുപ്പില്ലാത്ത പാല്‍, തൈര് തുടങ്ങിയവ ശീലമാക്കാം.