സിക്‌സ്‌പാക്ക്‌ ആകാനുള്ള എട്ട്‌ മന്ത്രങ്ങള്‍

കൊഴുപ്പ്‌ അടിയുന്നത്‌ തടയുക

ശരീരത്തില്‍ കൊഴുപ്പ്‌ അടിഞ്ഞാല്‍ നിങ്ങള്‍ പോലും അറിയാതെ നിങ്ങളൊരു കുടവയറനായി മാറും. കൊഴുപ്പ്‌ അടിയുന്നത്‌ തടയാനുള്ള മാര്‍ഗ്ഗങ്ങള്‍ പരിചയപ്പെടാം.

കാര്‍ഡിയോ വര്‍ക്കൗട്ടുകള്‍

ശരീരത്തില്‍ കൊഴുപ്പ്‌ അടിയുന്നത്‌ തടയാനുള്ള ഏറ്റവും ഫലപ്രദമായ മാര്‍ഗ്ഗമാണ്‌ കാര്‍ഡിയോ വര്‍ക്കൗട്ടുകള്‍.

ഹൃദയമിടിപ്പിന്റെ നിരക്ക്‌ ഉയരുകയും നന്നായി വിയര്‍ക്കുകയും ചെയ്യുമ്പോള്‍ കൊഴുപ്പ്‌ ഊര്‍ജ്ജമായി മാറും. ഇതോടെ അധികമുള്ള കൊഴുപ്പ്‌ നഷ്ടപ്പെട്ട്‌ നിങ്ങള്‍ക്ക്‌ രൂപഭംഗിയുള്ള ശരീരം ലഭിക്കും.

സൈക്‌ളിംഗ്‌, ഓട്ടം, നീന്തല്‍, നൃത്തം തുടങ്ങിയ ഏത്‌ വ്യായാമമുറയും നിങ്ങള്‍ക്ക്‌ ചെയ്യാവുന്നതാണ്‌.

വലിച്ചുവാരി കഴിക്കാതിരിക്കുക

ഉപാപചയ പ്രവര്‍ത്തനങ്ങളുടെ നിരക്ക്‌ വര്‍ദ്ധിപ്പിച്ച്‌ ഭാരം ഫലപ്രദമായി കുറയ്‌ക്കാന്‍ കഴിയും. ഉപാപചയ പ്രവര്‍ത്തനങ്ങളുടെ നിരക്ക്‌ വര്‍ദ്ധിക്കുന്നതോടെ അധികമുള്ള കൊഴുപ്പ്‌ ശരീരം ഉപയോഗിക്കാന്‍ തുടങ്ങും. ഇതോടെ കൊഴുപ്പ്‌ അധികമായി ശരീരത്തില്‍ അടിയുന്നത്‌ അവസാനിക്കും.

കൃത്യമായ ഇടവേളകളില്‍ കുറേശ്ശേ ആഹാരം കഴിച്ച്‌ ഉപാപചയ പ്രവര്‍ത്തനങ്ങളുടെ നിരക്ക്‌ വര്‍ദ്ധിപ്പിക്കാവുന്നതാണ്‌. മടിപിടിച്ചിരിക്കുന്നത്‌ നിങ്ങളുടെ ദഹനം കുറയ്‌ക്കാനും അമിതവണ്ണം ഉണ്ടാകാനും മാത്രമേ സഹായിക്കൂ.

പ്രാതല്‍ ഒഴിവാക്കരുത്‌

ഒരു ദിവസത്തെ ഏറ്റവും പ്രധാനപ്പെട്ട ആഹാരമാണ്‌ പ്രാതല്‍. അതിനാല്‍ പ്രാതല്‍ ഒരിക്കലും ഒഴിവാക്കരുത്‌. ദീര്‍ഘനേരം ആഹാരം കഴിക്കാതിരുന്നതിന്‌ ശേഷമുള്ള ആദ്യത്തെ ആഹാരമാണ്‌ പ്രഭാതഭക്ഷണം.

ഉണര്‍ന്ന്‌ ഒരുമണിക്കൂറിനുള്ളില്‍ പ്രാതല്‍ കഴിക്കുന്നത്‌ ഉപാപചയ പ്രവര്‍ത്തനങ്ങളുടെ നിരക്ക്‌ വര്‍ദ്ധിപ്പിക്കുകയും ദിവസം മുഴുവന്‍ ഇതേ നിരക്ക്‌ നിലനിര്‍ത്താന്‍ സഹിയിക്കുകയും ചെയ്യും.

വെയിറ്റ്‌ ട്രെയിനിംഗ്‌

ഭാരം എടുക്കുന്നത്‌ പേശികളില്‍ കൊഴുപ്പ്‌ അടിഞ്ഞു കൂടുന്നത്‌ തടയാന്‍ സഹായിക്കും. രൂപഭംഗി വരുത്താന്‍ ആഗ്രഹിക്കുന്നവര്‍ക്ക്‌ മാത്രമല്ല മെലിഞ്ഞ ശരീരപ്രകൃതി ഇഷ്ടപ്പെടുന്നവര്‍ക്കും വെയിറ്റ്‌ ട്രെയിനിംഗ്‌ അനുയോജ്യമാണ്‌.

പേശികള്‍ രൂപപ്പെടുത്തി എടുക്കുക

ശരീരത്തില്‍ അധികമുള്ള കൊഴുപ്പ്‌ മാറ്റിക്കഴിഞ്ഞാല്‍ പേശികളെ രൂപപ്പെടുത്തിയെടുക്കണം. സിക്‌സ്‌പാക്ക്‌ ആകാന്‍ ഇത്‌ അത്യാവശ്യമാണ്‌. ഇതിനുള്ള ചില വ്യായാമമുറകളെ കുറിച്ചാണ്‌ ഇനി വിശദീകരിക്കുന്നത്‌.

ക്രഞ്ചസ്‌

വയറിലെ പേശികള്‍ക്ക്‌ നല്ല വഴക്കം നല്‍കുന്നതിനുള്ള വര്‍ക്കൗട്ടുകളാണ്‌ ക്രഞ്ചസ്‌.

കാല്‍മുട്ടുകള്‍ മടക്കി തറയില്‍ കിടക്കുക. കൈകള്‍ രണ്ടും തലയ്‌ക്ക്‌ പിറകില്‍ കോര്‍ത്ത്‌ പിടിക്കുക. അതിനുശേഷം വളഞ്ഞ്‌ തല കാല്‍മുട്ടുകളില്‍ തൊടുക. മുകള്‍ ഭാഗത്തെയും മധ്യഭാഗത്തെയും പേശികളെ രൂപപ്പെടുത്തുന്നതിനായാണ്‌ ഈ വ്യായാമം ചെയ്യുന്നത്‌.

ചരിഞ്ഞു കിടന്ന്‌ ഇതേ വ്യായാമം ചെയ്യുന്നത്‌ ഒബ്‌ളിഖ്‌ (വയറിലെ പേശികള്‍) പേശികളെ ശക്തിപ്പെടുത്തും.

ലെഗ്ഗ്‌ ലിഫ്‌റ്റ്‌

അടിവയറിലെ പേശികളെ ശക്തിപ്പെടുത്തുന്നതിന്‌ ലെഗ്‌ ലിഫ്‌റ്റ്‌ ഉത്തമമാണ്‌. ഇതിനുപുറമെ തുടയിലെയും കാലുകളിലെയും പേശികളെ ശക്തിപ്പെടുത്താനും ഈ വ്യായാമമുറ സഹായിക്കും.