തടി കുറയ്ക്കും 100 കലോറി ഡയറ്റ്

Published: Tuesday, November 5, 2013, 11:31 [IST]

തടി കുറയ്ക്കുകയെന്നത് പലരുടേയും സ്വപ്‌നമാണെന്നു പറയാം. ഇതിനായുള്ള പ്രധാന വഴികള്‍ വ്യായാമവും ഡയറ്റുമാണ്.

കലോറി കൂടുതലുള്ള ഭക്ഷണങ്ങള്‍ കഴിച്ചാലാണ് തടിയ്ക്കുകയെന്നതാണ് പൊതുവേയുള്ള സത്യം. കൊഴുപ്പുള്ള ഭക്ഷണങ്ങളാണ് പൊതുവെ കലോറി കൂടുതലുള്ള ഭക്ഷണങ്ങളെന്നറിയപ്പെടുന്നത്.

ആരോഗ്യം കളയാതെ, അതേ സമയം തടി കൂട്ടാതെ നോക്കുന്ന ചില ഭക്ഷണങ്ങളുണ്ട്. ഇവ നിത്യവും ഡയറ്റില്‍ ഉള്‍പ്പെടുത്തുകയെന്നതാണ് വഴി.

100 കലോറിയില്‍ കുറവടങ്ങിയ ഇത്തരം ഭക്ഷണങ്ങള്‍ ഏതെന്നറിയൂ, 100 കലോറി ഡയറ്റെന്നു വേണമെങ്കില്‍ പറയാം. ഈ ഡയറ്റ് തടി കുറയുവാന്‍ പരീക്ഷിച്ചു നോക്കുകയുമാകാം.

കിവി

കിവി ഇത്തരത്തിലൊരു പഴവര്‍ഗമാണ്. തടി കൂട്ടുകയുമില്ല. അതേ സമയം വയര്‍ നിറഞ്ഞുവെന്ന തോന്നലുണ്ടാക്കുകയും ചെയ്യും.

ബ്ലൂബെറി

ബ്ലൂബെറിയിലും കലോറി തീരെ കുറവാണ്. ഇതിലടങ്ങിയിരിയ്ക്കുന്ന കലോറിയുടെ അളവ് 85 മാത്രമാണ്.

മുട്ടയുടെ വെള്ള

മുട്ടയുടെ വെള്ള ആരോഗ്യം നല്‍കുന്ന, അതേ സമയം കലോറി കുറഞ്ഞ ഒരു ഭക്ഷണവസ്തുവാണ്. രാവിലെ പുഴുങ്ങിയ മുട്ടയുടെ വെള്ള കഴിയ്ക്കുന്നത് ഗുണം ചെയ്യും.

ബ്രൊക്കോളി

ബ്രൊക്കോളിയും കലോറി മൂല്യം കുറഞ്ഞ ഒരു ഭക്ഷണമാണ്. ഇതില്‍ 95 കലോറി മാത്രമാണ് അടങ്ങിയിരിയ്ക്കുന്നത്.

ഉരുളക്കിഴങ്ങ്

ഉരുളക്കിഴങ്ങ് ബേക്ക് ചെയ്തു കഴിയ്ക്കാം. ഇതില്‍ അടങ്ങിയിരിയ്ക്കുന്ന കലോറി 85 മാത്രമാണ്. എന്നാല്‍ ഉരുളക്കിഴങ്ങ് വറുത്തതൊഴിവാക്കുക തന്നെ വേണം.

ആപ്പിള്‍

100 കലോറി ഡയറ്റില്‍ ഉള്‍പ്പെടുത്തേണ്ട ഒരു പ്രധാന ഭക്ഷണമാണ് ആപ്പിള്‍. ഇത് തടി കൂടാതിരിയ്ക്കാന്‍ സഹായിക്കുന്ന ഒരു ഭക്ഷണമാണ്. ആരോഗ്യം നല്‍കുകയും ചെയ്യും.