വണ്ണം കുറയ്ക്കാന്‍ ഷാംപെയ്ന്‍ ഡയറ്റ്

Diet Fitness

oi-Saritha

By Veena

Published: Friday, January 20, 2012, 12:53 [IST]

ഇത് വെള്ളമടിക്കാര്‍ക്കൊരു സന്തോഷവാര്‍ത്ത. ഷാംപെയ്ന്‍ ഡയറ്റ്. അല്‍പമൊരു തമാശതോന്നുന്നുണ്ടോ? സംഗതി സത്യമാണ്.

ഷാംപെയ്ന്‍ ഡയറ്റ് വണ്ണം കുറയ്ക്കാന്‍ ഉദ്ദേശിച്ചു തന്നെയാണ്. എന്നാല്‍ ദിവസം ഒന്നോ രണ്ടോ തവണ ഷാംപെയ്ന്‍ കുടിക്കാനും അനുവാദമുണ്ടെന്നു മാത്രം.

ഇതില്‍ ഭക്ഷണനിയന്ത്രണമില്ലെങ്കിലും കഴിയ്ക്കുന്ന ഭക്ഷണം പോഷകങ്ങള്‍ നിറഞ്ഞതായിരിക്കണമെന്നും മാത്രം. ഇറച്ചിയും മീനുമെല്ലാം ഈ ഡയറ്റിനൊപ്പം കഴിയ്ക്കാം. എന്നാല്‍ വറുത്തും പൊരിച്ചുമൊന്നും വേണ്ട. ഗ്രില്‍ ചെയ്‌തോ ബേക്ക് ചെയ്‌തോ മാത്രം. പച്ചക്കറികളും ധാരാളം കഴിയ്ക്കണം. പ്രത്യേകിച്ചും സാലഡിന്റെ രൂപത്തില്‍. കൂടെ ഷാംപെയ്‌നും. എന്നാല്‍ ദിവസം രണ്ടു തവണയില്‍ കൂടുതല്‍ 'സേവ' വേണ്ട.

മദ്യവിഭാഗത്തില്‍ പെടുത്താമെങ്കിലും മദ്യത്തിന്റെ ദൂഷ്യഫലങ്ങള്‍ ഏറ്റവും കുറവ് ഷാംപെയ്‌നിലാണ്. ഇതിലെ പോളിഫിനോള്‍സ് തലച്ചോറിന്റെ ആരോഗ്യത്തിന് നല്ലതാണ്. അള്‍ഷീമേഴ്‌സ്, പാര്‍ക്കിന്‍സണ്‍സ് രോഗങ്ങള്‍ക്ക് ഷാംപെയ്ന്‍ നല്ലതാണെന്നു തെളിഞ്ഞിട്ടുണ്ട്.

ഏതു ഡയറ്റിന്റെ പേരിലാണെങ്കിലും വിട്ടുകളയല്ലേ, മദ്യപാനം ആരോഗ്യത്തിന് ഹാനികരം.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.