ജെനിലീയയുടെ വടിവിന് കാരണം ഭക്ഷണം

ജെനിലീയ

ശരീരവടിവ് കാത്തു സൂക്ഷിക്കുന്നതില്‍ കൂടുതല്‍ ശ്രദ്ധിക്കുന്നവരാണ് സിനിമാനടിമാര്‍. വ്യായാമത്തോടൊപ്പം ഭക്ഷണകാര്യവും ഇവര്‍ക്ക് പ്രധാനമാകുന്നതും ഇതുകൊണ്ടു തന്നെ.

റിതേഷ് ദേശ്മുഖിനെ അടുത്തിടെ വിവാഹം കഴിച്ച സുന്ദരിയാണ് ജെനീലിയ ഡിസൂസ. ഉറുമിയെന്ന ചിത്രത്തിലൂടെ ഇവര്‍ മലയാളികള്‍ക്കും പരിചിതയാണ്. മെലിഞ്ഞ ശരീരപ്രകൃതി കാത്തു സൂക്ഷിക്കാന്‍ ഭക്ഷണകാര്യത്തിലും നിയന്ത്രണം വയ്ക്കുന്ന നടിയാണ് ജനീലിയ.

രണ്ടു മണിക്കൂര്‍ കൂടുമ്പോള്‍ ഭക്ഷണം കഴിയ്ക്കുന്നുവെന്നതാണ് ജെനീലിയയെ പറ്റി എടുത്തു പറയേണ്ട കാര്യം. ഇതുവഴി വിശപ്പു കുറയും. കഴിയ്ക്കുന്ന ഭക്ഷണത്തിന്റ അളവും കുറയും. ധാരാളം വെള്ളവും ജ്യൂസും കുടിയ്ക്കുന്ന ശീലവും ജെനീലിയയ്ക്കുണ്ട്. വ്യായാമത്തിലും ജെനീലിയ ശ്രദ്ധിയ്ക്കുന്നു.

ശ്രിയ സരണ്‍

ഇതുപോലെ ശ്രിയ സരണ്‍ പോക്കിരിരാജയിലൂടെ മലയാളികളുടെ ഉള്ളില്‍ ഇടം നേടിയ നടിയാണ്. ഭക്ഷണത്തേക്കാള്‍ വ്യായാമത്തില്‍ ശ്രദ്ധിക്കുന്ന നടിയാണ് ഇവര്‍. മെഡിറ്റേഷനിലൂടെ ശരീരവും മനസും ശാന്തമാക്കി വയ്ക്കുന്ന ഇവര്‍ ശരീരഭംഗി കാത്തു സൂക്ഷിക്കാന്‍ നീന്തുകയും ചെയ്യാറുണ്ട്. ശാന്തമായ മനസ് പൊസറ്റീവ് എനര്‍ജി തരുമെന്നാണ് ഇവരുടെ സാക്ഷ്യം.

ത്രിഷ

കുട്ടിക്കുറുമ്പുകളിലൂടെ പ്രേക്ഷകരുടെ മനം കവര്‍ന്ന സുന്ദരിയാണ് ത്രിഷ. എല്ലാ ഭക്ഷണവും കഴിയ്ക്കുകയെന്നതാണ് ഇവരുടെ പോളിസി. എന്നാല്‍ പാകത്തിന് മാത്രമേ കഴിയ്ക്കൂ. വ്യായാമവും യോഗയും ഇവരുടെ ദിനചര്യയില്‍ ഉള്‍പ്പെടുന്നു. ഷൂട്ടിംഗിനു വേണ്ടി വെളിയിലാണെങ്കിലും യോഗ ചെയ്യാന്‍ ഇവര്‍ സമയം കണ്ടെത്തുകയും ചെയ്യുന്നു.