കത്രീനയുടെ ഫിറ്റ്‌നസ് രഹസ്യം

Updated: Wednesday, July 25, 2012, 15:36 [IST]

ബാര്‍ബി ഡോളിനെപ്പോലെയാണ് കത്രീന കൈഫ്. മുഖവും ദേഹവുമെല്ലാം. ഷീലാ കീ ജവാനിയിലൂടെ പ്രേക്ഷകരെ ഹരംകൊള്ളിച്ച കത്രീനയുടെ ഭക്ഷണ,വ്യായാമ രഹസ്യങ്ങളറിയണോ,

മാക്രോബയോട്ടിക് ഡയറ്റാണ് കത്രീന പിന്‍തുടരുന്നത്. ധാരാളം നാരുകളും കാര്‍ബോഹൈഡ്രേറ്റുകളും അടങ്ങിയ ഭക്ഷണമാണ് ഈ ഡയറ്റില്‍ ഉള്‍പ്പെടുത്തിയിരിക്കുന്നത്. തടി നിയന്ത്രിക്കാന്‍ മാത്രമല്ലാ, പ്രായക്കുറവുള്ള ചര്‍മത്തിനും ഇത് സഹായിക്കും.

നാലു ഗ്ലാസ് വെള്ളം കുടിച്ച് ദിവസം തുടങ്ങുന്ന കത്രീന പ്രാതലിന് പീനട്ട് ബട്ടര്‍ ചേര്‍ത്ത ബ്രൗണ്‍ ബ്രെഡോ മുട്ട വെള്ളയോ കഴിയ്ക്കും. ഉച്ചയ്ക്ക് തവിടു കളയാത്ത അരി കൊണ്ടുള്ള ചോറ്, സാലഡ്. പയര്‍ വര്‍ഗങ്ങളാണ് കഴിയ്ക്കാറ്. കൊഴുപ്പു കൂടുമെന്നു കരുതി ഇവര്‍ ചിക്കന്‍ ഏതാണ്ട് പൂര്‍ണമായും ഉപേക്ഷിച്ചെന്നു പറയാം.

വേവിച്ച പച്ചക്കറികള്‍ കത്രീന ധാരാളം കഴിയ്ക്കും. വിശക്കുമ്പോള്‍ പഴവര്‍ഗങ്ങളും കഴിയ്ക്കും. ഗ്രില്‍ ചെയ്ത മത്സ്യവും ഭക്ഷണത്തില്‍ ഉള്‍്‌പ്പെടുത്താറുണ്ട്. കൃത്യസമയത്ത് ഭക്ഷണം കഴിയ്ക്കുകയെന്നതാണ് ഇവരുടെ രീതി.

എന്തു തിരക്കാണെങ്കിലും ആഴ്ചയില്‍ മൂന്നു ദിവസം ഒരു മണിക്കൂര്‍ വീതം വ്യായാമം ചെയ്യാന്‍ ഇവര്‍ മറക്കാറില്ല. ഐസോപ്ലാങ്ക്, ജിമ്മിങ്, സ്വിമ്മിങ്, ജോഗിംങ് തുടങ്ങിയ വ്യായാമമുറകള്‍ ഇവര്‍ ചെയ്യാറുണ്ട്.

മാനസിക സംഘര്‍ഷം കുറയ്ക്കാന്‍ യോഗയും ഇവര്‍ അഭ്യസിക്കാറുണ്ട്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.